Езекиль 42:20 - Коми Библия 2023

²⁰ Морт мурталіс крамлы торйӧдӧм мусӧ нёльнанладорсяньыс. Сійӧс кытшалысь стен быд боксянь вӧлі витсё бедь кузьта. Стенмыс торйӧдіс вежасӧ сыысь, мый абу вежа.

Езекиль 42:20 Referans Kwoze

Езекиль 45:2

Торйӧдӧй сэтысь вежаинлы витсё гырддза кузьта да витсё гырддза пасьта му, нӧшта сы гӧгӧрысь ветымын гырддза пасьта видз-му.

Езекиль 40:5

Со, ме аддзи крам да сійӧс кытшалысь стен. Мекӧд сёрнитысь мортлӧн беддьыс вӧлі квайт гырддза кузьта. Гырддза кузьтаас вӧлі пырӧ тшӧтш ки пыдӧс пасьта. Морт мурталіс йӧр стенсӧ, стенлӧн кызтаыс и судтаыс вӧлі ӧти бедь.

Езекиль 22:26

Ерусалимса попъяс торкӧны Менсьым Индӧдӧс, пежалӧны Меным сиӧм вежаторъясӧс. Найӧ оз торйӧдны, мый вежа, а мый абу вежа, оз висьтавны, мый пеж, а мый сӧстӧм. Найӧ оз тӧждысьны Менсьым шойччан лунӧс видзӧм вӧсна. Меысь вежавидзӧмыс налӧн абу.

Закар 2:5

Ме лоа сы гӧгӧр биа стенмӧн, – висьталӧ Господь. – Лоа сы пытшкын дзирдлунӧн».

Езекиль 48:15

Торйӧдӧм муысь кольӧм вит сюрс гырддза пасьта да кызь вит сюрс гырддза кузьта юкӧныс абу вежа. Сэні лоӧны карса керкаяс, а на гӧгӧрыс – видз-муяс.

Езекиль 44:23

Попъяс мед велӧдасны Менсьым войтырӧс торйӧдны, мый вежа, а мый абу вежа. Мед гӧгӧрвоӧдасны, мый пеж, а мый сӧстӧм.

Исай 60:18

Тэнад муын водзӧ оз ло виалӧм-дзескӧдӧм, оз ло мырддялӧм да бырӧдӧм тэнад муын. Аслад стенъяслы тэ сетан ”Мездӧм” ним, аслад дзиръяяслы – ”Ошкӧм” ним.

2 Коринфӧ 6:17

Сідзкӧ: – Петӧй на пӧвстысь да ылыстчӧй наысь, – висьталӧ Господь. – Энӧ инмӧдчӧй пежас, сэки Ме сибӧда тіянӧс.

Лука 16:26

Таысь ӧтдор миянӧс торйӧдӧ ыджыд пыдӧстӧмин – весиг кӧсъяс кӧ кодкӧ вуджнысӧ, миянсянь тіян дінӧ вуджны оз вермы, тадзи тшӧтш тіянсянь миян дінӧ некод оз вермы вуджнысӧ”.

Микей 7:11

Воас сійӧ луныс, кор ті лэптанныд карса стенъяснытӧ, кор тіян муныд паськалас.

Езекиль 48:20

Торйӧдӧм муыс, кытчӧ пырӧны вежа му юкӧныс да карса муыс, лоӧ нёль пельӧса, кузьта-пасьтанас кызь вит сюрс гырддза.

Исай 26:1

Сійӧ лунӧ Иуда муын кутасны сьывны татшӧм сьыланкыв: – Миян эм зумыд кар, оз стенъяс да тымӧдъяс видзны сійӧс, а Енмыс видзӧ сійӧс.

Исай 25:1

Господьӧй, Тэ – менам Енмӧй! Ме ыдждӧдла Тэнӧ, ошка Тэнсьыд нимтӧ. Тэ вӧчин шензьӧданаторъяс, важысянь мӧвпыштӧмторъяс, Тэнад вӧчӧмторъясыд збыльӧсь да эсканаӧсь.

Сьылан 2:9

Менам мусукӧй газель кодь, том кӧр кодь. Сійӧ сулалӧ нин керка дорын, кыйялӧ ӧшиньӧ, видзӧдчӧ ӧшинь тас костӧд.

Левит 10:10

Кужӧй торйӧдны, мый вежа, а мый абу вежа, мый пеж, а мый сӧстӧм.

Езекиль 42:19

Сэсся бергӧдчис рытыввывлань да мурталіс рытыввывладорсӧ, сійӧ вӧлі витсё бедь кузьта.

Езекиль 43:12

Со, крам йылысь индӧдыс: керӧс вылын крамлы торйӧдӧм муыс ставнас вежасьыс-вежа. Тайӧ – крам йылысь индӧд».