Езекиль 40:45 - Коми Библия 2023

⁴⁵ Морт шуис меным: «Лунвылӧ видзӧдысь керкаыс – крамын кесъялысь попъяслы.

Езекиль 40:45 Referans Kwoze

1 Каднебӧг 9:23

медым видзны вежаинлысь, Господьлӧн керкалысь, дзиръяяссӧ.

Псалтыр 134:1

Аллилуйя! Ошкӧй Господьлысь нимсӧ! Господьлӧн кесйӧгъяс, ошкӧй Сійӧс!

Левит 8:35

Сизим лун чӧж, лун и вой, олӧй вежа чом пыранін дорын да ставсӧ вӧчӧй Господьлӧн тшӧктӧмъяс серти, медым ті энӧ кулӧй. Тадзи меным тшӧктӧма [Господь Ен]».

Восьтӧм 1:6

пуктіс миянӧс ӧксыясӧ да попъясӧ Енмыслы, Аслас Батьлы. Сылы ошкӧмыс, Сылӧн ыджыдалӧмыс нэмъяс чӧж! Аминь.

1 Тимофейлы 6:20

Тимофей, видз тэныд сетӧмасӧ. Эн кывзы йӧзыслысь ковтӧм сёрни да вензьӧм, мый петӧ ылӧг тӧдӧмлунсянь.

Езекиль 8:5

Сійӧ шуис меным: «Морт пиӧй, видзӧдлы войвылӧ». Ме видзӧдлі войвылӧ да аддзи, мый висьпуктанін дзиръя дорын сулалӧ Господьлысь вежӧгтӧмсӧ кыпӧдысь бӧлбан.

2 Каднебӧг 13:11

Быд асыв да рыт найӧ вайӧны Господьлы сотан висьяс да тшынӧдӧны чӧскыд ӧвтанторъяс. Найӧ пуктӧны вежа нянь сӧстӧм пызан вылӧ да быд рыт ӧзтӧны зарни бикок вылын сулалысь би дозъяс. Ми ставсӧ вӧчам асланым Господь Енлӧн индӧд серти, а ті эновтінныд Сійӧс.

1 Каднебӧг 6:49

Сӧмын Аарон да сысянь чужысьяс вермисны висьпуктанін вылын да тшынӧдчан висьпуктанін вылын сотны висьяс, кесъявны Вежасьыс-вежаинын да вештыны Израиль войтырлысь мыжсӧ. Найӧ ставсӧ вӧчисны Ен кесйӧг Мӧисейлӧн тшӧктӧм серти.

Лыд 18:5

Тіянӧс пуктӧма тӧждысьны вежаин да висьпуктанін вӧсна, медым водзӧвылӧ Менам скӧрлунӧй эз су Израиль пиянӧс.

Лыд 3:38

Вежа чом водзӧ асыввылӧ сувтӧдісны чомъяссӧ Мӧисей да Аарон пияныскӧд, кодъяс Израиль пиян пыдди кывкутісны вежаин вӧсна. Вежа чом дорӧ матыстчысь бокыса мортӧс колӧ вӧлі вины.

Лыд 3:32

Левитъяслӧн веськӧдлысьяс бӧрся видзӧдіс Аарон поплӧн Элазар пиыс. Сылӧн веськӧдлӧм улын вӧліны йӧз, кодъяс кывкутісны вежаин вӧсна.

Езекиль 40:17

Морт вайӧдіс менӧ ортсы йӧрӧ. Йӧр гӧгӧрыс вӧлі вольсалӧма изъяс, и сэні сулаліс керка, кӧні сьӧрсьӧн-бӧрсьӧн вӧлі комын жыр.

Езекиль 40:38

Пыранінын вӧлі торъя вежӧс, кӧні мыськалісны сотан висьяс.

Езекиль 44:11

Менам вежаинын найӧ мед кесъяласны пыранін видзысьясӧн да крамбердса кесйӧгъясӧн, мед начкасны войтырлысь сотан да мукӧд висьяс да кесъяласны войтырлы.

Езекиль 44:15

Левий чужанкотырысь сӧмын Садок рӧдысь попъяслы, кодъяс эз дугдывны кесъявны Менам вежаинын, кор Израиль пиян кежисны Меысь, позьӧ матыстчыны Ме дінӧ да кесъявны Меным. Найӧ пондасны сулавны Ме водзын да вайны Меным гос да вир, – висьталӧ Господь Ыджыдыс. –

Езекиль 45:4

Тайӧ вежа муыс попъяслӧн, кодъяс кутасны матыстчыны Господь дінӧ, медым вежаинын кесъявны Сылы. Сэні лоӧны налӧн керкаясыс да вежаин.