Езекиль 40:43 - Коми Библия 2023

⁴³ Посводз пытшкӧс стен гӧгӧр вӧлі тувъялӧма ки пыдӧс ыджда кӧрттувъяс. Пызанъяс вылӧ пуктылісны висьяслысь яйсӧ.

Езекиль 40:43 Referans Kwoze

Левит 8:20

Сэсся кераліс межсӧ да сотіс юрсӧ, яйторъяссӧ да госсӧ.

Левит 1:8

сэсся сотчысь пес вылас мед пукталасны ӧшлысь яйсӧ, юрсӧ да госсӧ.

Левит 1:6

Вись вайысь мед куляс ӧшлысь кучиксӧ да кералас-юклас тушасӧ.

Езекиль 40:42

Нӧшта сэні вӧлі нёль пызан сотан да мукӧд висьяслы, тшӧтш пуртъяслы да мукӧд начкысянторъяслы. Пызанъяссӧ вӧлі вӧчӧма кералӧм изйысь, налӧн кузьтаыс и пасьтаыс вӧлі гырддза да джын, а джудждаыс – ӧти гырддза.

Езекиль 40:44

Пытшкӧс йӧрын, пыранінъяс сайын, вӧліны сьылысьяслы ӧти вежӧса керкаяс. Ӧти керкаыс вӧлі войвыв пыранін бердын, и сылӧн ӧдзӧсыс видзӧдіс лунвывлань. Мӧд керкаыс вӧлі лунвыв пыранін бердын, и сылӧн ӧдзӧсыс видзӧдіс войвывлань.