Езекиль 39:21 - Коми Библия 2023

²¹ Ме петкӧдла Ассьым дзирдлунӧс войтыръяс пӧвстын. Войтыръяс аддзасны Менсьым мыждӧмӧс да на вылӧ кыпӧдӧм киӧс.

Езекиль 39:21 Referans Kwoze

Езекиль 38:23

Петкӧдла Ассьым вынӧс да вежалунӧс, восьта Ачымӧс уна войтыръяслӧн син водзын. Сэки найӧ тӧдмаласны, мый Ме – Господь».

Езекиль 38:16

Бӧръя лунъясӧ тэ, Гог, уськӧдчан Менам Израиль войтыр вылӧ, кымӧр моз вевттян налысь мусӧ. Ме вайӧда тэнӧ Аслам муӧ, медым войтыръяс тӧдмаласны Менӧ. Тэ пыр Ме петкӧдла Ассьым вежалунӧс войтыръяслӧн син водзын.

Езекиль 36:23

Ме петкӧдла вежалунсӧ Аслам ыджыд нимлысь, кодӧс ті янӧдінныд мукӧд войтыръяс пӧвстын. Кор Ме петкӧдла тіян пӧвстын Ассьым вежалунӧс войтыръяс син водзын, сэки найӧ тӧдмаласны, мый Ме – Господь, – висьталӧ Господь Ыджыдыс. –

Исай 37:20

Ӧні, Господьӧй, миян Енмӧй, мезды миянӧс Сеннахирим киысь. Мувывса став войтыръяс мед тӧдмаласны, мый Тэ, Господьӧй, ӧти Ен».

Петӧм 9:16

но Ме тэнӧ ловйӧн коля. Тадзи Ме петкӧдла тэныд Ассьым вынӧс, медым Менсьым нимӧс тӧдісны став му пасьталаыс.

Петӧм 7:4

Фараон оз кывзы тіянӧс. Сэки Ме лэпта киӧс Египет му вылӧ да чорыда мыжда сійӧс, а Израиль войтырӧс, Ассьым тышкайӧзӧс, Ме петкӧда сэтысь.

Малакий 1:11

Асыввылын и рытыввылын войтыръяс нимӧдӧны Менӧ, быдлаын тшынӧдчӧны Меным, вайӧны Меным сӧстӧм вись. Менӧ ыдждӧдлӧны войтыръяс, – висьталӧ Господь Саваоф. –

Езекиль 39:13

Став войтырыс кутас дзебны найӧс. Сійӧ лунӧ, кор Ме петкӧдла Ассьым вынӧс, Израиль войтырлы лоӧ нималӧм, – висьталӧ Господь Ыджыдыс.

Исай 26:11

Господьӧй, Ассьыд китӧ Тэ лэптӧмыд вылӧ, но лёк вӧчысьяс оз аддзыны сійӧс. А кор аддзасны, лоӧ юръяндзим налы, кодъяс мустӧмтӧны Тэнсьыд войтыртӧ. Тэныд паныд сувтысьясӧс сотас би.

Ӧксыяслӧн 1 небӧг 6:9

Но видзӧдӧй сы бӧрся. Мунас кӧ кудйыс аслас муӧ, Бет-Шемеш карлань, сідзкӧ, тайӧ ыджыд шогсӧ миянлы Господь ыстіс. Оз кӧ сэтчань мун, ми кутам тӧдны, мый эз Господь мыжды миянӧс, но тадзи ачыс лои».

Ӧксыяслӧн 1 небӧг 5:11

Сэсся чукӧртісны филистимса став юралысьсӧ да шуисны: «Бӧр нуӧй Израиль Енлысь кудсӧ, кытысь босьтінныд. Тані сійӧ ставнымӧс бырӧдас». Экронын олысьяс зэв ёна полісны, ӧд [Израиль Енлысь кудсӧ вайӧм бӧрын] Ен чорыда мыждіс найӧс.

Ӧксыяслӧн 1 небӧг 5:7

Ставсӧ тайӧс аддзигӧн азотсаяс шуисны: «Израиль Енлысь кудсӧ колӧ нуны миян дінысь, ӧд Сійӧ сьӧктӧдӧ миянӧс да миянлысь Дагон еннымӧс».

Петӧм 14:4

Ме чорзьӧда фараонлысь сьӧлӧмсӧ, и сійӧ уськӧдчас вӧтчыны израильсаяс бӧрся. Но Ме петкӧдла Ассьым вынӧс сы пыр, мый Ме вӧча фараонкӧд да сылӧн став тышкайӧзкӧд. Египетса йӧз тӧдмаласны, мый Ме – Господь». Израиль войтыр вӧчис Господьлӧн тшӧктӧм серти.

Петӧм 8:19

тунъяс шуисны фараонлы: «Тайӧс вӧчис Ен». Но фараонлӧн сьӧлӧмыс чорзис, сійӧ эз кут кывзыны найӧс. Та йылысь водзвыв висьтавліс Господь.

Псалтыр 32:4

Ӧд Господьлӧн кывйыс збыль, Сылӧн уджъясыс веськыдӧсь.

Микей 2:9

Менам войтырлысь аньяссӧ ті вӧтланныд гортсьыныс, налысь ныв-писӧ Меысь пыр кежлӧ торйӧданныд.

Псалтыр 94:10

Нелямын во чӧж Ме дӧзмывлі на вылӧ. Ме шуи: – Тайӧ войтырыс сьӧлӧмнас ылалӧма, Менсьым туйясӧс найӧ оз тӧдны.

Малакий 1:5

Ті асланыд синмӧн аддзанныд тайӧс да шуанныд, Господь пӧ ыджыдалӧ тшӧтш Израильӧс кытшалысь муяс вылын!