Езекиль 39:17 - Коми Библия 2023

¹⁷ Тэныд, морт пиӧй, Господь Ыджыдыс тадзи висьталӧ: чукӧст быдласянь лэбачьясӧс да вӧрса зверъясӧс. Мед найӧ чукӧртчасны Менам вись дорӧ, мый Ме начка налы Израиль керӧсъяс вылын. Сэні найӧ кутасны яй сёйны да вир юны.

Езекиль 39:17 Referans Kwoze

Софоний 1:7

Ланьтӧй ставныд Господь Ыджыдыс водзын! Ӧд Господьлӧн луныс матын, Сійӧ дасьтӧма начкӧм вылӧ вись, вежӧдӧма корӧмаясӧс.

Езекиль 39:4

Аслад тышкайӧзкӧд да тэкӧд локтысь войтыръяскӧд тэ усян Израиль керӧсъяс вылын. Ме сета тэнӧ кырныш-варышлы кокавны да зверъяслы сёйны.

Еремей 12:9

Менам бӧрйӧм войтырӧй лои уна рӧма лэбач кодь, код вылӧ быд боксянь усьласьӧ кырныш-варыш. Локтӧй, чукӧртчӧй, зверъяс, локтӧй сёйны!

Исай 34:6

Господьлӧн шыпуртыс дзоньнас вирӧсь, сэтчӧ сибдӧма гос – тайӧ ыжъяслӧн да кӧзаяслӧн вирыс да межъяслӧн вӧрквывса госыс. Восораын Господьлы вись вайӧны, Эдом му вылын уна пемӧс начкӧны.

Исай 56:9

Мувывса став зверыс, вӧрса став пемӧсыс, локтӧй, сёйӧй!

Еремей 46:10

Тайӧ луныс – Господьлӧн лун, Господь Саваофлӧн водзӧс перъян лун. Сійӧ мынтысяс Аслас вӧрӧглы, Сылӧн шыпуртыс пондас виавны – пӧттӧдзыс юас налысь вирсӧ. Ӧд войвыв муын, Ефрат ю дорын, тайӧ вир кисьтӧмыс лоӧ вись вайӧм Ыджыдыслы, Господь Саваофлы.

Исай 18:6

Найӧс шыбитасны керӧсвывса кырныш-варышлы да мувывса пемӧсъяслы. Гожӧмнас наӧн кутасны пӧткӧдчыны кырныш-варыш, а тӧвнас – мувывса пемӧсъяс.

Ӧксыяслӧн 1 небӧг 17:46

Талун Господь сетас тэнӧ менам киӧ. Ме виа тэнӧ, юртӧ керышта, и [тэнсьыд шойтӧ да] став филистимса тышкайӧзлысь шойсӧ сета лэбачьяслы да зверъяслы. Сэки став муыс тӧдмалас, мый Израильлӧн эм Ен.

Ӧксыяслӧн 1 небӧг 16:3

Висьваянінас кор Ессейӧс [да сылысь пиянсӧ] сёйны. Ме висьтала тэныд, мый вӧчны, да инда, кодӧс мавтыштны».

Ӧксыяслӧн 1 небӧг 9:13

Ті суанныд сійӧс, ӧд сійӧ эз на пет карсьыс, медым мунны вись ваян мыльк вылӧ сёйны. Йӧзыс оз кутны сёйны, кытчӧдз сійӧ оз лок да оз бурси вайӧм висьсӧ. Та бӧрти корӧмаяс вӧлисти кутасны сёйны. Мунӧй, ті сійӧс суанныд на».

Олӧм 31:54

Яков начкис керӧс вылын пемӧсӧс, вайис сійӧс вись пыдди да корис ставнысӧ сёйны. Сёйӧм-юӧм бӧрын найӧ кольччисны керӧс вылӧ узьны.

Матвей 24:28

Кӧні шой, сэтчӧ чукӧртчасны кутшъяс».

Исай 34:7

Накӧд тшӧтш начкасны вӧлявывса ӧшъясӧс, ӧшпиянӧс ӧшъяскӧд. Муыс пӧтас налӧн вирӧн, му веркӧсыс йиджтысяс налӧн госӧн.

Еремей 25:33

Сійӧ лунӧ Господьӧн пасьвартӧмаяс кутасны туплясьны му вылын, му помсянь помӧдзыс. На вӧсна некод оз кут бӧрдны, налысь шойяссӧ оз чукӧртны, оз гуавны, куйӧд моз найӧ кутасны куйлыны му вылын.

Езекиль 39:16

кӧні сулалӧ Хамона нима кар. Тадзи лоӧ сӧстӧммӧдӧма мусӧ.

Исай 29:2

Ме дзескӧда Ариэл карӧс, сэні лоӧ бӧрдӧм да шогсьӧм, сійӧ збыльысь лоӧ Менам висьпуктанінӧн.

Езекиль 29:5

Сэсся тэнӧ да тэнад юысь став черисӧ шыбита овтӧминӧ. Тэ кутан куйлыны видз вылын, некод оз вешты тэнӧ сэтысь ни оз дзеб тэнсьыд шойтӧ. Ме сета тэнӧ мувывса зверъяслы да енэжвывса лэбачьяслы сёян пыдди.