Езекиль 37:7 - Коми Библия 2023

⁷ Ме пророкалі, кыдзи вӧлі меным тшӧктӧма. Менам висьталігкості кыліс гольгӧм шы, кор лыясыс ӧта-мӧд дінас кутісны матыстчыны да йитчыны.

Езекиль 37:7 Referans Kwoze

Ап. уджъяс 2:2

виччысьтӧг енэжсянь кыліс ыджыд тӧвнырлӧн кодь шы. Шыыс тыртіс ставнас керкасӧ, кӧні найӧ пукалісны.

Ап. уджъяс 4:19

Петыр да Иоан воча шуисны налы: «Мӧвпыштлӧй асьныд, бур-ӧ тайӧ Ен водзын, ми кӧ Енмӧс дорысь ёнджыка кутам кывзыны тіянӧс.

Ап. уджъяс 2:37

Петырлӧн кывъясыс вӧрзьӧдісны йӧзыслысь сьӧлӧмсӧ. Найӧ шуисны Петырлы да мукӧд апостолыслы: «Вокъяс, мый миянлы вӧчнысӧ?»

Еремей 26:8

Кор Еремей висьталіс ставсӧ, мый Господь тшӧктіс висьтавны войтырыслы, сэки попъяс, пророкъяс да войтырыс кутісны сійӧс да шуисны: «Тэ кулан!

Езекиль 12:7

Ме ставсӧ вӧчи сідзи, кыдзи меным вӧлі тшӧктӧма. Луннас ме петкӧді ассьым кӧлуйӧс, кутшӧмӧс босьтӧны пленӧ мунігӧн. Рытнас аслам киӧн вӧчи керка стенмам петан розь, и пемдігас петкӧді нопйӧс да ставныслӧн син водзын босьті сійӧс пельпом вылам.

Езекиль 37:8

Ме аддзи, кыдзи найӧ зэвтчисны сӧнъясӧн, сэсся вевттьысисны яйӧн да кучикӧн. Но лолыс на пытшкын эз вӧв.