Езекиль 37:13 - Коми Библия 2023

¹³ Кор Ме восьта тіянлысь гуястӧ да петкӧда тіянӧс сэтысь, ті, Менам войтырӧй, тӧдмаланныд, мый Ме – Господь.

Езекиль 37:13 Referans Kwoze

Езекиль 37:6

Ме зэвта тіянӧс сӧнъясӧн, вевття тіянӧс яйӧн да кучикӧн. Ме пукта тіян пытшкӧ лов, и ті ловзянныд. Сэки ті тӧдмаланныд, мый Ме – Господь».

Езекиль 16:62

Ме вынсьӧда йитӧдӧс, мый Ме кӧрталі тэкӧд, и сэки тэ тӧдмалан, мый Ме – Господь.

Петӧм 6:3

”Ставсӧвермысь Ен” ним улын Ме петкӧдчи Ӧвраамлы, Исааклы да Яковлы, но ”Господь” ним улын Ме налы эг воссьыв.

Езекиль 37:12

Та вӧсна пророкав налы, мый Господь Ыджыдыс тадзи висьталӧ: Менам войтырӧй, Ме восьта тіянлысь гуястӧ, петкӧда тіянӧс сэтысь да вайӧда тіянӧс Израиль муӧ.

Езекиль 37:14

Ассьым лолӧс Ме пукта тіян пытшкӧ, и ті ловзянныд. Ме овмӧда тіянӧс асланыд муӧ. Сэки ті тӧдмаланныд, мый тайӧс висьталі Ме, Господь. Мый шуи, вӧча, – висьталӧ Господь».

Осий 13:14

Мезда-ӧ Ме сійӧс кулӧмыслӧн кабыр улысь, ньӧба-ӧ сійӧс кулӧмыслысь? Кулӧм, кӧні тэнад чушканыд? Кулӧм, кӧні тэнад вермӧмыд? Жалитӧмыс Менам оз ло.