Езекиль 36:11 - Коми Библия 2023

¹¹ Ме вайӧда уна йӧзӧс да уна ыж-мӧскӧс, и найӧ кутасны чужтысьны-рӧдмыны. Ме вӧча тіянӧс воддза кодь уна лыда войтырӧн, и воддза дорысь унджык на бурсӧ кута вӧчны тіянлы. Сэки ті тӧдмаланныд, мый Ме – Господь.

Езекиль 36:11 Referans Kwoze

Еремей 33:12

Господь Саваоф тадзи висьталӧ: тайӧ овтӧминас, кӧні абу морт ни ыж-мӧс, тайӧ каръяс гӧгӧрыс бара лоӧны йирсянінъяс, кӧні ыж видзысьяс кутасны йирсьӧдны ассьыныс ыжъяссӧ.

Микей 7:14

Аслад бедьнад видз Ассьыд войтыртӧ, Ассьыд ыжъястӧ, кодъяс ас кежысь олӧны Кармил вӧрын. Лэдз налы важ мозыс йирсьыны Васан ыб вылын да Галаад муын.

Езекиль 37:13

Кор Ме восьта тіянлысь гуястӧ да петкӧда тіянӧс сэтысь, ті, Менам войтырӧй, тӧдмаланныд, мый Ме – Господь.

Еремей 31:27

«Воасны лунъяс, – висьталӧ Господь, – кор Израиль да Иуда муын Ме рӧдмӧда йӧзӧс да пемӧсъясӧс.

Осий 2:20

Ме кикута тэкӧд да кывйӧс ог вудж, и тэ тӧдмалан Менӧ, Господьӧс.

Езекиль 16:55

Тэнад Содом да Самария чойясыд да налӧн нывъясныс лоӧны воддза кодьӧсь, и тэ аслад нывъяскӧд тшӧтш лоан воддза кодьӧн.

Еремей 30:18

Господь тадзи висьталӧ: – Ме выльысь сувтӧда Яковлысь чомъяссӧ, бурсьӧлӧмтча сылӧн оланін дінӧ. Карсӧ выльысь лоӧ лэптӧма аслас керӧс вылӧ, изкарыс кутас сулавны аслас местаын.

Иов 42:12

Господь бурсиис Иовлысь бӧръя лунъяссӧ воддза дорсьыс ёнджыка на. Сылӧн вӧлі дас нёль сюрс ыж-кӧза, квайт сюрс верблюд, кык сюрс доддялан ӧш да сюрс энь осёл.

Еврейяслы 11:40

Енмыс дасьтӧма миянлы ёна бурджыктор, та вӧсна найӧ сӧмын миянкӧд ӧтвыв воасны тыр-бурас.

Амос 9:15

Ме вужйӧда найӧс асланыс муӧ, и некод сэсся оз нетшышт найӧс асланыс муысь, мый Ме сеті налы, – висьталӧ Господь, тэнад Енмыд.

Езекиль 36:35

Сэки шуасны, тайӧ овтӧм муыс пӧ Эдэм сад кодь лоӧма, тайӧ кушмӧм-киссьӧм каръяссӧ пӧ зумыдмӧдӧма да овмӧдӧма.

Исай 30:26

Сэки тӧлысьлӧн югыдыс лоӧ шонділӧн кодь, а шонділӧн югыдыс лоӧ сизимпӧв югыдджык на, быттьӧ сизим лунлӧн югыдыс. Тадзи лоӧ сійӧ лунӧ, кор Господь кӧрталас Аслас войтырлысь дойяссӧ да бурдӧдас найӧс.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.

Езекиль 35:9

Тэнӧ, Сеир керӧсвыв му, Ме пыр кежлӧ вӧча овтӧминӧн, тэнсьыд каръястӧ некод выльысь оз овмӧд. Сэки ті тӧдмаланныд, мый Ме – Господь.

Езекиль 37:6

Ме зэвта тіянӧс сӧнъясӧн, вевття тіянӧс яйӧн да кучикӧн. Ме пукта тіян пытшкӧ лов, и ті ловзянныд. Сэки ті тӧдмаланныд, мый Ме – Господь».

Исай 51:3

Господь бурӧдас Сион, бурӧдас пазӧдӧм карсӧ, сылысь овтӧминсӧ вӧчас рай кодьӧн, сылысь кушинсӧ вӧчас Господьлӧн сад йӧрӧн. Сэні пондасны нимкодясьны да гажӧдчыны, кыпыда ошкыны да сьывны.

Езекиль 37:26

Ме пыр кежлӧ кӧртала накӧд лӧньлун вайысь йитӧд да сета налы тайӧ мусӧ. Вӧча найӧс уна лыда войтырӧн да пыр кежлӧ сувтӧда на пӧвстӧ Ассьым вежаинӧс.

Закар 10:8

– Ме чукӧста найӧс, чукӧрта ставнысӧ, ӧд Ме ньӧби найӧс, и найӧ важ мозыс бара лоӧны уна лыда войтырӧн.

Индӧд 30:5

да вайӧдас батьясныдлӧн муӧ, и ті бара босьтанныд сійӧс аслыныд. Сійӧ вӧчас тіянлы бурсӧ, батьясныдлы дорысь тіянлы унджык чужысьӧс сетас.

Еремей 23:3

Ме чукӧрта Аслам ыжъяслысь коляссӧ став муяссьыс, кытчӧ Ме вӧтлі найӧс, да бӧр бергӧда асланыс йирсянінӧ. Сэні найӧ пондасны чужтысьны-рӧдмыны.

Еремей 23:4

Ме бӧръя да сувтӧда налы видзысьясӧс, кодъяс кутасны тӧждысьны на вӧсна, и найӧ оз нин кутны повны-тіравны да оз нин кутны вошны, – висьталӧ Господь».

Осий 2:1

Вокъясныдлы шуӧй, мый найӧ Менам войтыр, чойясныдлы, мый найӧс буралӧма.

Амос 9:11

Сійӧ лунӧ Ме выльысь сувтӧда Давидлысь киссьӧм керкасӧ. Стен потасъяссӧ Ме дзоньтала, жугласьӧминъяссӧ лӧсьӧда, выльпӧв лэпта сійӧс важ мозыс.

Закар 2:8

Господь Саваоф Ассьыс дзирдлунсӧ петкӧдлӧм могысь мӧдӧдіс менӧ войтыръяс дінӧ, кодъяс куштісны тіянӧс. Сійӧ тадзи висьталӧ на йылысь: – Коді инмӧдчас Менам войтыр дінӧ, сійӧ инмӧдчас Менам донатор дінӧ.