Езекиль 35:9 - Коми Библия 2023

⁹ Тэнӧ, Сеир керӧсвыв му, Ме пыр кежлӧ вӧча овтӧминӧн, тэнсьыд каръястӧ некод выльысь оз овмӧд. Сэки ті тӧдмаланныд, мый Ме – Господь.

Езекиль 35:9 Referans Kwoze

Езекиль 25:13

Та вӧсна Господь Ыджыдыс тадзи висьталӧ: Ме лэпта киӧс Эдом вылӧ да ӧтитӧг бырӧда сэтысь йӧзӧс да ыж-мӧскӧс, вӧча Эдом муысь овтӧмин. Теман карсянь Дедан карӧдз ставныс куласны шыпурт помысь.

Езекиль 35:4

Каръяссьыд вӧча из чукӧръяс, а тэ лоан овтӧминӧн. Сэки тэ тӧдмалан, мый Ме – Господь.

Езекиль 6:7

Тіян пӧвстысь унаӧс лоӧ виӧма. Сэки ті тӧдмаланныд, мый Ме – Господь!

Софоний 2:9

Та вӧсна Ме кыв сетӧмӧн кӧсйыся Аслам олӧмӧн, – висьталӧ Господь Саваоф, Израильлӧн Ен, – Моав лоӧ Содом кодь, аммон войтыр лоӧ Гомора кодь, налӧн муясыс тырасны ёг турунӧн, лоӧны сола гуӧн, пыр кежлӧ лоӧны овтӧминӧн. Менам коляс войтырӧй куштас найӧс, Менам войтырысь ловйӧн кольӧмаяс босьтасны налысь мусӧ.

Езекиль 36:11

Ме вайӧда уна йӧзӧс да уна ыж-мӧскӧс, и найӧ кутасны чужтысьны-рӧдмыны. Ме вӧча тіянӧс воддза кодь уна лыда войтырӧн, и воддза дорысь унджык на бурсӧ кута вӧчны тіянлы. Сэки ті тӧдмаланныд, мый Ме – Господь.

Езекиль 7:9

Ме ог жалит тіянӧс, ог бурсьӧлӧмтчы тіян дінӧ. Ме мынтыся тіянлы олан туйныд серти, зывӧк вӧчӧмсьыныд ті кывкутанныд. Сэки ті тӧдмаланныд, мый Ме – мыждысь Господь.

Езекиль 7:4

Ме ог жалит тэнӧ, ог бурсьӧлӧмтчы тэ дінӧ. Ме мынтыся тэныд олан туйыд серти, зывӧк вӧчӧмсьыд тэ кывкутан. Сэки ті тӧдмаланныд, мый Ме – Господь.

Еремей 49:13

Ме Ачым кыв сетӧмӧн шуа, – висьталӧ Господь, – мый Восора кар лоӧ повзьӧдчанторйӧн да овтӧминӧн, сійӧс кутасны ёрны да лёкӧдны. Сыгӧгӧрса сиктъясыс пыр кежлӧ лоӧны овтӧминӧн».

Еремей 51:62

да шу: Господьӧй, Тэ шуин тайӧ муыс йылысь, мый татчӧ оз коль морт ни ыж-мӧс, и сійӧ пыр кежлӧ лоӧ овтӧминӧн.

Езекиль 32:29

Сэні куйлӧ Эдом, куйлӧны эдомса ӧксыяс да юралысьяс. Коркӧ найӧ вӧліны вынаӧсь, а ӧні куйлӧны шыпуртӧн виӧмаяс пӧвстын, вундыштчытӧмъяскӧд му пыдӧсас.

Езекиль 37:6

Ме зэвта тіянӧс сӧнъясӧн, вевття тіянӧс яйӧн да кучикӧн. Ме пукта тіян пытшкӧ лов, и ті ловзянныд. Сэки ті тӧдмаланныд, мый Ме – Господь».

Авдий 1:10

Ассьыд Яков воктӧ дзескӧдӧм вӧсна тэнӧ лоӧ янӧдӧма, Исав, тэнӧ лоӧ пыр кежлӧ бырӧдӧма.

Езекиль 6:14

Ме лэпта на вылӧ Ассьым киӧс да кушта тайӧ муысь налысь оланінъяссӧ овтӧминсянь Ривла карӧдз. Сэки найӧ тӧдмаласны, мый Ме – Господь».