Езекиль 35:15 - Коми Библия 2023

¹⁵ Тэ нимкодясин, кор Израиль войтырлӧн муыс овтӧммис. Но Ме тадзи жӧ вӧча тэныд. Тэ, эдомсаяслӧн Сеир керӧсвыв му, лоан овтӧминӧн. Сэки ставныс тӧдмаласны, мый Ме – Господь».

Езекиль 35:15 Referans Kwoze

Бӧрданкыв 4:21

Нимкодясь да гажӧдчы, Уц муын олысь эдом войтыр! Тэ кутан юны Енлӧн скӧрлуна дозйысь, коддзымӧныд юан да пасьтӧгыд пӧрччысян.

Авдий 1:15

Но матыстчӧ Господьлӧн луныс, став войтыръясӧс мыждан лун. Кыдзи тэ, Эдом, вӧчин, сідзи жӧ тэкӧд вӧчасны, тэнад вӧчӧмторъясысь водзӧс перъясны.

Авдий 1:12

Тэ лёка вӧчин, кор нимкодясин вокыдлӧн сьӧкыдалан лунӧ, кор нимкодясин Иуда войтырӧс бырӧдан лунӧ, кор омӧльтін найӧс шог дырйиныс.

Псалтыр 137:7

Кор ме пикӧ воа, Тэ ловзьӧдан менӧ, Тэ нюжӧдан китӧ да доръян менӧ мустӧмтысьяслӧн скӧрлунысь, веськыд кинад Тэ мездан менӧ.

Марк 3:8

Ерусалим карысь, Идумеяысь, Йӧрдан ю сайысь, Тир да Сидон каръясысь. Найӧ локтісны Исус дінӧ, ӧд кывлӧмаӧсь, мый Сійӧ вӧчӧ.

Езекиль 35:9

Тэнӧ, Сеир керӧсвыв му, Ме пыр кежлӧ вӧча овтӧминӧн, тэнсьыд каръястӧ некод выльысь оз овмӧд. Сэки ті тӧдмаланныд, мый Ме – Господь.

Еремей 50:11

Ті, Менсьым войтырӧс куштысьяс, гажӧдчинныд-нимкодясинныд, видз вылӧ лэдзӧм кукань моз ризъялінныд, тышӧ петысь вӧв моз корскинныд.

Шусьӧгъяс 17:5

Коді сералӧ гӧль мортӧс, омӧльтӧ сійӧс Вӧчысьӧс, коді нимкодясьӧ мӧдлӧн шогыслы, сійӧс лоӧ мыждӧма, [а бур сьӧлӧма дінӧ Енмыс буралӧ].

Езекиль 32:29

Сэні куйлӧ Эдом, куйлӧны эдомса ӧксыяс да юралысьяс. Коркӧ найӧ вӧліны вынаӧсь, а ӧні куйлӧны шыпуртӧн виӧмаяс пӧвстын, вундыштчытӧмъяскӧд му пыдӧсас.

Езекиль 36:1

«Морт пиӧй, пророкав Израиль керӧсъяслы: Израиль керӧсъяс, кывзӧй Господьлысь кывсӧ!

Авдий 1:1

Авдийлы Енсянь восьтӧм. Ми кывлім Господь Ыджыдсянь, Сійӧ Эдом йылысь висьталіс, мый войтыръяс дінӧ мӧдӧдӧма юӧртысьӧс, сійӧс мӧдӧдӧма шуны: «Чеччӧй, петамӧй тышӧ Эдомлы паныд!»

Езекиль 25:6

Господь Ыджыдыс тадзи висьталӧ: ті клопайтӧмӧн, чеччалӧмӧн да лёкӧдӧмӧн нимкодясинныд сыысь, мый суис Израиль муӧс.