Езекиль 34:13 - Коми Библия 2023

¹³ Ме вайӧда найӧс мукӧд войтыръяс пӧвстысь, чукӧрта найӧс мукӧд муясысь асланыс муӧ. Ме кута видзны найӧс Израиль керӧсъяс вылын да визувтысь ва дорын – быдлаын, кӧні найӧ кутасны овны.

Езекиль 34:13 Referans Kwoze

Езекиль 11:17

Та вӧсна шу, мый Господь Ыджыдыс тадзи висьталӧ: Ме чукӧрта тіянӧс мукӧд войтыръяс пӧвстысь, вайӧда сійӧ муяссьыс, кытчӧ тіянӧс вӧлі разӧдӧма. Ме бӧр сета тіянлы Израиль му.

Еремей 32:37

тайӧ карас олысьясӧс Ме чукӧрта быд муысь, кытчӧ Ме вӧтла найӧс ёна лӧгалігӧн да скӧралігӧн. Ме бӧр вайӧда найӧс тайӧ карас, и найӧ кутасны повтӧг овны.

Амос 9:14

Ме бӧр вайӧда пленысь Ассьым Израиль войтырӧс. Найӧ выльысь лэптасны кушмӧм каръяснысӧ да овмӧдчасны сэтчӧ. Найӧ пуктасны виноград пуяс, ассьыныс винасӧ кутасны юны. Сад йӧръясӧ пуктасны пуяс, налысь вотӧссӧ кутасны сёйны.

Езекиль 36:24

Ме босьта тіянӧс мукӧд войтыръяс пӧвстысь, чукӧрта быд муысь да вайӧда асланыд муӧ.

Еремей 30:3

Воасны лунъяс, – висьталӧ Господь, – кор Ассьым Израиль да Иуда войтыръясӧс Ме бӧр бергӧда пленысь. Господь висьталӧ: Ме бӧр вайӧда найӧс сійӧ муас, мый Ме сеті налӧн батьяслы. Найӧ бара босьтасны сійӧс аслыныс».

Езекиль 39:27

Ме бӧр вайӧда найӧс войтыръяс пӧвстысь, чукӧрта вӧрӧгъяслӧн муясысь, тадзи петкӧдла Ассьым вежалунӧс уна войтыръяслӧн син водзын.

Езекиль 20:41

Чӧскыд ӧвтанторйӧс моз Ме сибӧда тіянӧс, кор чукӧрта тіянӧс мукӧд войтыръяс пӧвстысь, вайӧда сійӧ муяссьыс, кытчӧ тіянӧс вӧлі разӧдӧма. Ме петкӧдла тіян пыр Ассьым вежалунӧс мукӧд войтыръяслӧн син водзаныс.

Еремей 23:8

а кутасны кыв сетны ловъя Господь водзын, коді вайӧдіс Израиль войтырсянь чужысьясӧс войвыв муысь да став мусьыс, кытчӧ Сійӧ вӧтліс найӧс. Найӧ пондасны овны асланыс муын».

Еремей 31:8

Ме вайӧда Ассьым войтырӧс войвыв муысь, чукӧрта найӧс му помъясысь. На пӧвстын лоасны синтӧмъяс и чотысьяс, нӧбасьысьяс и чужтысьяс, ыджыд чукӧрӧн найӧ бӧр бергӧдчасны татчӧ.

Еремей 30:18

Господь тадзи висьталӧ: – Ме выльысь сувтӧда Яковлысь чомъяссӧ, бурсьӧлӧмтча сылӧн оланін дінӧ. Карсӧ выльысь лоӧ лэптӧма аслас керӧс вылӧ, изкарыс кутас сулавны аслас местаын.

Езекиль 38:8

Уна кад мысти тэ ковман. Сэки тэ уськӧдчан сійӧ му вылӧ, кӧні кар-сиктъяссӧ лэптӧма тыш бӧрын, и кытчӧ олысьяссӧ чукӧртӧма мукӧд войтыръяс пӧвстысь. Тэ уськӧдчан Израиль керӧсъяс вылӧ, кӧні дыр кад чӧж некод эз ов, но кытчӧ олысьясыс бергӧдчӧмаӧсь мукӧд войтыръяс пӧвстысь. Найӧ повтӧг олӧны,

Индӧд 30:3

сэки Господь, тіян Енныд, бурсьӧлӧмтчас тіян дінӧ да вайӧдас тіянӧс пленысь. Господь, тіян Енныд, чукӧртас тіянӧс мукӧд войтыръяс пӧвстысь, кытчӧ разӧдліс тіянӧс.

Псалтыр 37:3

Тэнад ньӧвъясыд сатшисны меӧ, Тэнад киыд личкӧ менӧ.

Исай 30:25

Сійӧ лунӧ, кор вӧрӧгӧс лоӧ пасьвартӧма, кор усясны башняяс, быд джуджыд керӧс вывсянь визувтасны шоръяс.

Еремей 50:19

Израиль войтырӧс Ме бӧр бергӧда аслас йирсянінӧ, сійӧ пондас йирсьыны Кармил да Васан ыбъяс вылын, кутас пӧткӧдчыны Ефрем да Галаад керӧсвыв муясын.

Езекиль 20:42

Ті тӧдмаланныд, мый Ме – Господь, кор Ме вайӧда тіянӧс Израиль муӧ, мый киӧс лэптӧмӧн кӧсйыси сетны тіян батьяслы.

Езекиль 36:12

Ме вайӧда Израиль керӧсъяс вылӧ йӧзӧс, и найӧ кутасны ветлӧдлыны сэті. Менам Израиль войтыр босьтас аслыс тайӧ мусӧ, мый вичмӧдӧма сылы. Тайӧ муыс оз нин вай сылы кулӧм.

Езекиль 36:29

Мезда тіянӧс став пежсьыныд. Ме сета тіянлы уна нянь, ог лэдз тіянлы тшыгъявны.

Езекиль 36:30

Ме лышкыда сета тіянлы пуяслысь вотӧссӧ да видз-мулысь быдтассӧ, медым мукӧд войтыръяс дугдасны тіянӧс янӧдны тшыгъялӧмныд вӧсна.

Езекиль 39:25

Та вӧсна Господь Ыджыдыс тадзи висьталӧ: ӧні Ме бӧр вайӧда пленысь Яковлысь рӧдсӧ, бурсьӧлӧмтча став Израиль войтыр дінӧ. Ме вежӧгтысь Ен, Ассьым вежа нимӧс дорйысь.

Микей 4:6

Сійӧ лунӧ, – висьталӧ Господь, – Ме чукӧрта чотысьясӧс, ӧтлаӧ вайӧда вошӧмаясӧс, найӧс, кодъяслы Ме мӧдӧдлі шогсӧ.

Микей 5:4

И локтас Сійӧ, коді кутас видзны Господь вынӧн, Аслас Господь Енлӧн медыджыд нимнас. Найӧ кутасны повтӧг овны, ӧд Сійӧ кутас ыджыдавны став му пасьтала.

Софоний 3:13

Израильлӧн коляс войтырыс оз нин кут лёксӧ вӧчны, найӧ оз кутны пӧръясьны, налӧн вомысь оз нин петны ылӧг кывъяс. Ыжъяс моз найӧ пондасны йирсьыны-шойччыны, и некод оз вӧрзьӧд найӧс.

Исай 49:9

медым тэ шуин дзескыдінӧ йӧршитӧмаяслы: «Петӧй!», пемыдінын пукалысьяслы: «Петкӧдчӧй!» Туй бокысь найӧ аддзасны сёян, куш мылькъяс лоӧны налы йирсянінӧн.

Еремей 33:12

Господь Саваоф тадзи висьталӧ: тайӧ овтӧминас, кӧні абу морт ни ыж-мӧс, тайӧ каръяс гӧгӧрыс бара лоӧны йирсянінъяс, кӧні ыж видзысьяс кутасны йирсьӧдны ассьыныс ыжъяссӧ.

Микей 2:12

Яковлысь рӧдсӧ Ме чукӧрта, Израильлысь коляс войтырсӧ Ме ӧтвывта. Ыжъясӧс моз Ме чукӧрта найӧс, ыж чукӧрӧс моз вайӧда йирсянінӧ. Унасьыс-уна йӧз чукӧрмӧм вӧсна ыджыд шы кылас.