Езекиль 33:3 - Коми Библия 2023

³ аддзас локтысь тышкайӧзӧс да кутас буксыны, медым ӧлӧдны войтырӧс.

Езекиль 33:3 Referans Kwoze

Осий 8:1

– Матыст вом дорад буксантӧ! Лёкыс кутш моз гӧгралӧ Господьлӧн керка весьтын, ӧд Менам войтырӧй торкисны йитӧдӧс, мый Ме кӧрталі накӧд, кыпӧдчисны Менам Индӧдлы паныд.

Неемий 4:20

Та вӧсна, кысянь кыланныд буксан шы, сэтчӧ миян дінӧ чукӧртчӧй. Миян Енным кутас тышкасьны миян пыдди!»

Йоиль 2:1

– Буксӧй буксанӧн Сионын, гораа горзӧй Менам вежа керӧс вылын! Тіралӧй-дзӧрӧй, тайӧ муас олысьяс, ӧд Господьлӧн луныс локтӧ, сійӧ матын нин.

Исай 58:1

Горзы гораджыка, эн кут асьтӧ, буксан шы моз гораа горзы! Инды Менам войтырлы налӧн лёк уджъяс вылӧ, инды Яков рӧдлы налӧн мыжъяс вылӧ.

Неемий 4:18

Стен дзоньталысьяслӧн коскас ӧшаліс шыпурт. Тадзи найӧ кыпӧдісны стенсӧ. Буксан шы сетысь вӧлі мекӧд.

Еремей 51:27

Лэптӧй дӧрапасъяс му пасьталаыс, буксӧй буксанӧн войтыръяс пӧвстын, дасьтӧй войтыръясӧс уськӧдчыны Вавилон вылӧ, чуксалӧй сылы паныд Арарат муын олысьясӧс, чуксалӧй Минни да Аскеназ муясын олысьясӧс, индӧй сылы паныд тышкайӧзӧн веськӧдлысьӧс, чукӧртӧй вӧвъясӧс повзьӧдчана саранча мында.

Еремей 6:1

Веняминсянь чужысьяс, пышйӧй Ерусалимысь, Текоя карын буксӧй буксанӧн, Бет-Каремын пас пыдди пестӧй би, ӧд войвывсянь локтӧ ыджыд шог да бырӧдӧм.

Еремей 4:5

Висьталӧй Иудаын, юӧртӧй Ерусалимын, му пасьтала буксӧй буксанӧн, гораа горзӧй да юӧртӧй: «Локтӧй, чукӧртчамӧй, мунамӧй изкаръясӧ!»

1 Коринфӧ 14:8

А труба кӧ сетӧ гӧгӧрвотӧм шы, коді дасьтысяс тышӧ петны?

Езекиль 3:19

Тэ кӧ ӧлӧдан лёк вӧчысьӧс, а сійӧ оз дугды лёксӧ вӧчны да оз бергӧдчы лёк туй вывсьыс, сэки сійӧ кулас аслас мыж вӧсна, а тэ мездан ассьыд олӧмтӧ.

Амос 3:6

Карас кӧ кылӧ буксан шы, войтырыс ӧмӧй оз повзьы? Суас-ӧ карӧс шог, оз кӧ Господь тайӧс лэдз?