Езекиль 32:7 - Коми Библия 2023

⁷ Тэнӧ кусӧдігӧн-бырӧдігӧн Ме тупка енэжсӧ, пемдӧда кодзувъяссӧ, шондісӧ тупка кымӧрӧн, и тӧлысьыс югзьӧднысӧ дугдас.

Езекиль 32:7 Referans Kwoze

Матвей 24:29

«Регыд тайӧ шог лунъяс бӧрын шондіыс пемдас, тӧлысьыс кусас, енэжысь кодзувъяс усясны, енэжвыв вынъяс вӧрзясны.

Йоиль 2:31

Шондіыс пемдас, тӧлысьыс вирӧн ойдас Господьлӧн ыджыд да повзьӧдана луныс вотӧдз.

Йоиль 2:2

Тайӧ луныс сап пемыдӧн вевттьысьӧма, сійӧс кытшалӧма сьӧд кымӧр да сук ру. Асъя югӧр моз паськалӧ керӧсъяс вылын лыдтӧм-тшӧттӧм да вына войтыр. Татшӧм войтырыс эз на вӧвлы, и некор оз ло.

Езекиль 30:3

ӧд матын Господьлӧн луныс. Матыстчӧ сьӧд кымӧра лун, войтыръясӧс мыждан кад.

Исай 34:4

Енэжвывса югзьӧданторъяс дзикӧдз сотчасны, енэжыс гартыштчас гижӧд тубрас моз. Енэжвывса став югзьӧданторйыс гылалас, кыдзи гылалӧны виноград пу вылысь коръясыс, кыдзи усьласьӧны инжир пу вылысь косьмӧм коръясыс.

Исай 13:10

Енэжвыв кодзувъяс оз кутны дзирдавны, шондіыс петігас на пемдас, и тӧлысьыс оз сет югыдсӧ.

Йоиль 3:15

Шондіыс да тӧлысьыс пемдасны, кодзувъяс югӧрсӧ воштасны.

Восьтӧм 8:12

Кор нёльӧд анделыс тутсіс трубаӧ, шонділӧн, тӧлысьлӧн да кодзувъяслӧн коймӧд юкӧныс кусіс, налӧн коймӧд юкӧныс пемдіс. Та вӧсна луныслӧн да войыслӧн коймӧд юкӧныс вӧлі пемыд.

Марк 13:24

«Сійӧ лунъясӧ, тайӧ шог бӧрас, шондіыс пемдас, тӧлысьыс кусас,

Амос 8:9

Сійӧ лунӧ, – висьталӧ Господь Ыджыдыс, – Ме тшӧкта шонділы пуксьыны луншӧр кадӧ, лунъюгыднас вевття мусӧ пемыдӧн.

Езекиль 30:18

Тафнис карын луныс пемдас, кор сэні Ме жугӧда Египетлысь сийӧссӧ. Сэки бырас Египетлӧн выныс, мыйӧн сійӧ ошйысьӧ. Кымӧр вевттяс карсӧ, и сэтысь нывъяссӧ нуӧдасны пленӧ.

Еремей 13:16

Ошкӧй Господьӧс, ассьыныд Еннытӧ, кытчӧдз Сійӧ оз мӧдӧд пемыдсӧ. Сэки ті понданныд крукасьлыны пемыд керӧсъяс вылын, кутанныд виччысьны югыдсӧ, но югыдсӧ Сійӧ вӧчас сап пемыдӧн, сьӧд пемыд войӧн.

Шусьӧгъяс 13:9

Веськыда олысьлӧн биыс югыда ломалӧ, лёк вӧчысьлӧн – кусӧ. [Наян сьӧлӧма вошӧ мыжас, веськыда олысь жалитӧ да буралӧ.]

Лука 21:25

«Шонді, тӧлысь да кодзувъяс вылын тыдовтчасны индысьпасъяс. Саридз ыджыд шыӧн гызяс, войтыръяс му вылын шызясны да шӧйӧвошасны.

Иов 9:7

Сійӧ вевттьӧ кодзувъяс, ӧлӧдӧ шондісӧ, и шонді оз пет.

Еклесиаст 12:2

Сэки шонділӧн, тӧлысьлӧн, кодзувъяслӧн югӧрыс пемдас, зэр бӧрын бара кыпӧдчасны кымӧръяс.

Езекиль 31:15

Господь Ыджыдыс тадзи висьталӧ: тайӧ сус пуыслысь пыдӧстӧминӧ мунан лунсӧ Ме вӧчи бӧрдан лунӧн. Ме тупки пыдӧстӧм йир да сувтӧді сылӧн валысь визувтӧмсӧ, и ваыс дугдіс визувтны. Ме пасьтӧді Ливанӧс сьӧд пемыдас, медым сійӧ шогаліс сус пуыс вӧсна. Став вӧрса пуыс косьмис сус пу вӧсна шогсигӧн.

Езекиль 34:12

Кыдзи ыж видзысь корсьӧ ассьыс разалӧм ыжъяссӧ, тадзи Ме корся Ассьым ыжъясӧс. Ме петкӧда найӧс быдлаысь, кытчӧ найӧ разалісны пемыд да кымӧра лунӧ.

Йоиль 2:10

На водзын муыс дзӧрӧ, енэжыс сыркакылӧ. Шондіыс да тӧлысьыс пемдасны, кодзувъяс югӧрсӧ воштасны.