Езекиль 32:4 - Коми Библия 2023

⁴ Ме шыбита тэнӧ видз вылӧ, коля куйлыны сэтчӧ. Ме мӧдӧда тэ вылӧ енэжвыв лэбачьясӧс, верда тэӧн зверъясӧс.

Езекиль 32:4 Referans Kwoze

Исай 18:6

Найӧс шыбитасны керӧсвывса кырныш-варышлы да мувывса пемӧсъяслы. Гожӧмнас наӧн кутасны пӧткӧдчыны кырныш-варыш, а тӧвнас – мувывса пемӧсъяс.

Езекиль 29:5

Сэсся тэнӧ да тэнад юысь став черисӧ шыбита овтӧминӧ. Тэ кутан куйлыны видз вылын, некод оз вешты тэнӧ сэтысь ни оз дзеб тэнсьыд шойтӧ. Ме сета тэнӧ мувывса зверъяслы да енэжвывса лэбачьяслы сёян пыдди.

Йоиль 3:19

Иуда войтырӧс виалӧм-дзескӧдӧм понда, налӧн муын мыжтӧм вир кисьтӧм понда Египет му лоӧ кушинӧн, Эдом – овтӧминӧн.

Еремей 25:33

Сійӧ лунӧ Господьӧн пасьвартӧмаяс кутасны туплясьны му вылын, му помсянь помӧдзыс. На вӧсна некод оз кут бӧрдны, налысь шойяссӧ оз чукӧртны, оз гуавны, куйӧд моз найӧ кутасны куйлыны му вылын.

Еремей 8:2

Лыяссӧ разӧдасны шонді, тӧлысь да енэжвыв кодзувъяс улӧ, кодъясӧс найӧ радейтісны, кодъяслы кесъялісны да юрбитісны-копрасисны и кодъяссянь корсьысисны туйдӧдӧм. Налысь лыяссӧ оз чукӧртны, оз гуавны, найӧ кутасны куйлыны му вылас да пӧрасны куйӧдӧ.

Исай 66:24

Найӧ петасны да аддзасны шойяссӧ налысь, кодъяс кыпӧдчисны Меным паныд. Найӧс сёйысь номырыс оз кувлы, найӧс сотысь биыс оз куслы. Найӧ лоӧны зывӧкторйӧн став йӧзыслы.

Исай 14:19

Сӧмын тэ колин гуавтӧг, тэнӧ шыбитісны ковтӧм увйӧс моз. Тэ куйлан виӧмаяс пӧвстын, шыпуртӧн бытшкӧмаяс пӧвстын, тэнӧ шыбитӧма косьмӧм вайӧртӧдӧ, тэнсьыд шойтӧ талялӧны.

Псалтыр 63:10

Став йӧзыс повзясны, кутасны висьтавлыны Енлӧн уджъяс йылысь, гӧгӧрвоасны, мый Енмыс вӧчис.

Езекиль 35:8

Сеирса керӧсъяс Ме тырта шойясӧн. Шыпурт помысь виӧмаяс пондасны туплясьны сылӧн ыбъяс вылын, ковтысъясын да сёртасъясын.