Езекиль 31:16 - Коми Библия 2023

¹⁶ Ме уськӧді сус пуӧс, шыбиті сійӧс пыдӧстӧминӧ кулӧмаяс пӧвстӧ. Сылӧн грымгысьӧм-усьӧмӧн Ме пыркниті войтыръясӧс. Эдэмса пуяс да медбур ливанса пуяс, ваӧн коркӧ юкталӧм пуяс, пондісны нимкодясьны му пыдӧсас.

Езекиль 31:16 Referans Kwoze

Исай 14:15

Но тэнӧ шыбитӧма кулӧмаяслӧн оланінӧ, пыдӧстӧминлӧн пыді гуӧ!

Езекиль 26:15

Господь Ыджыдыс тадзи висьталӧ Тир карлы: вӧрӧг пондас виавны-бырӧдны тэнсьыд олысьястӧ, и доймалӧм йӧзыд пондасны ойзыны-ымзыны. Тэнад грымгысьӧм-усьӧмысь саридздорса муыс пондас дзӧрны-тіравны.

Исай 14:8

Нимкодясьӧны кипарисъяс, нимкодясьӧны ливанса сус пуяс. Найӧ шуалӧны вавилонса ӧксылы: «Тэнӧ вермӧма, миянӧс некод нин оз пӧрӧд».

Аггей 2:7

Ме пыркнита став войтыръяссӧ, и найӧ ваясны ассьыныс озырлунсӧ крамӧ. Ассьым крамӧс Ме тырта дзирдлунӧн, – висьталӧ Господь Саваоф. –

Аввакум 2:17

Ливанӧс куштӧм-бырӧдӧмыд бергӧдчас ас вылад, пемӧсъясӧс виалӧмсьыд кутан повны-дзӧрны. Йӧзлысь вирсӧ кисьтӧмысь, муяс да каръяс пазӧдӧмысь, сэні став олысьсӧ виалӧмысь асьтӧ лоӧ бырӧдӧма.

Езекиль 31:9

Ме вӧчи сійӧс мичаӧн, быдті сылы уна вож. Эдэмын, Енлӧн сад йӧрын, быдмысь пуяс вежалісны сылы.

Езекиль 27:28

Сынысь-бӧжалысьясыд горзӧны, налӧн горзӧмысь саридздорса муяс дзӧрӧны-тіралӧны.

Восьтӧм 11:13

Дзик пыр муыс кутіс ёна вӧрны, и карыслӧн дасӧд юкӧныс киссис. Му вӧригас куліс сизим сюрс морт, а мукӧдыс ёна повзисны да кутісны ошкыны енэжвывса Енмӧс.

Наум 2:3

Тэнӧ пазӧдысь тышкайӧз пасьтасьӧмаӧсь пемыдгӧрд паськӧмӧ, налӧн сайӧдъясыс гӧрд рӧмаӧсь, тышӧ дасьтӧм тарантасъясыс югъялӧны би моз, налӧн ёсь шыясыс гыалӧны вӧр моз.

Езекиль 31:18

Ӧні тэ вына да нималана, но кутшӧм эдэмса пукӧд тэнӧ позьӧ ӧткодявны? Эдэмса пуясӧс моз тэнӧ тшӧтш лоӧ шыбитӧма му пыдӧсас, тэ пондан куйлыны вундыштчытӧмъяс пӧвстын да шыпурт помысь кулӧмаяс пӧвстын. Со мый виччысьӧ фараонӧс да сылысь уна лыда войтырсӧ, – висьталӧ Господь Ыджыдыс».

Езекиль 31:14

Тайӧ ставыс лои сы вӧсна, медым ва бокын быдмысь пуяс оз вылӧ кыпӧдчыны да туганнас мед оз нюжӧдчыны мукӧд пуясысь вылӧджык. Ваӧн юкталӧм ыджыд пуяс мед оз быдмыны вывті джуджыда. Ставныслы шуӧма кувны, найӧс лоӧ шыбитӧма му пыдӧсас, кулӧмаяс пӧвстӧ.

Езекиль 26:10

Жугӧдӧм карӧ дзиряӧдыд пырасны верзьӧмаяс да вӧла-тарантаса тышкайӧз, и налӧн шыысь стенмыд пондас дзӧрны. Тэ тыран унасьыс-уна вӧлӧн лэптӧм буснас.

Езекиль 14:22

Ерусалимса олысьяс пӧвстысь сӧмын ӧткымын морт ловйӧн колясны, но и найӧс нуӧдасны сэтысь. Найӧ локтасны тіян дінӧ, и ті аддзанныд налысь олан туйсӧ да уджъяссӧ. Сэки ті онӧ нин кутӧй шогсьыны, мый Ерусалим кар вылӧ Ме мӧдӧді шог.

Еремей 50:46

Вавилон кар босьтӧм шыысь муыс сыркмунлас, войтыръяс кыласны вавилонсаяслысь горзӧмсӧ.

Езекиль 14:23

Тіян сьӧлӧмныд бурмас, кор ті аддзанныд налысь олан туйсӧ да уджъяссӧ. Ті гӧгӧрвоанныд, мый Менам вӧлі помка, мыйла Ме ставсӧ тайӧс вӧчи Ерусалимкӧд, – висьталӧ Господь Ыджыдыс».

Езекиль 31:3

Ассуркӧд. Сійӧ коркӧ вӧлі ливанса сус пу кодь, мича вожъяса джуджыд пу, вуджӧрнас сайӧдысь, туганнас быдмис мукӧд пуясысь вылӧджык.

Езекиль 31:8

Весиг Енлӧн сад йӧрын сус пуяс вӧліны ичӧтджыкӧсь, кипарислӧн эз вӧвны сэтшӧм вожъясыс, платан пулӧн – сэтшӧм увъясыс. Енлӧн сад йӧрын ни ӧти пу эз вӧв сы кодь мича.