Езекиль 31:14 - Коми Библия 2023

¹⁴ Тайӧ ставыс лои сы вӧсна, медым ва бокын быдмысь пуяс оз вылӧ кыпӧдчыны да туганнас мед оз нюжӧдчыны мукӧд пуясысь вылӧджык. Ваӧн юкталӧм ыджыд пуяс мед оз быдмыны вывті джуджыда. Ставныслы шуӧма кувны, найӧс лоӧ шыбитӧма му пыдӧсас, кулӧмаяс пӧвстӧ.

Езекиль 31:14 Referans Kwoze

2 Петыр 2:6

Ен мыждіс Содом да Гомора каръяс, биӧн бырӧдіс пӧимӧдз. Тайӧн петкӧдліс, мый виччысьӧ Ентӧг олысьясӧс.

1 Коринфӧ 10:11

Ставыс тайӧ вӧлі накӧд, медым ӧлӧдны йӧзсӧ. Тайӧс гижӧма, медым велӧдны миянӧс, бӧръя кадас олысьясӧс.

Езекиль 26:20

Ме шыбита тэнӧ пыдӧстӧминӧ, мӧдӧда важӧн нин кулӧмаяс пӧвстӧ, овмӧда му пыдӧсӧ, важӧн нин пазӧдӧм каръяс пӧвстӧ. Тэнад керкаясыд кушмасны, но ловъяяслысь мусӧ Ме мичмӧда.

Псалтыр 82:7

Эдомын олысьяс да Измаилсянь чужысьяс, моавсаяс да Агарсянь чужысьяс,

Неемий 13:18

Эз-ӧ тадзи вӧчлыны тіян батьяс? Таысь Енным ыстіс миян вылӧ да тайӧ карыс вылӧ став тайӧ шогсӧ. Но шойччан лунсӧ пежалӧмнаныд ті содтанныд Израиль дінӧ Енлысь скӧрлунсӧ».

Еврейяслы 9:27

Мортыслы шуӧма кувны ӧтчыдысь, сэсся лоӧ мыждӧм.

Даниил 4:32

Мувывса олысьяс Сы водзын – нинӧм кодьӧсь. Енэжвыв тышкакотыръяскӧд да мувывса олысьяскӧд Сійӧ вӧчӧ, кыдзи кӧсйӧ. Некод оз вермы кутны Сылысь кисӧ да шуны: ”Мый Тэ вӧчан?”

Езекиль 31:18

Ӧні тэ вына да нималана, но кутшӧм эдэмса пукӧд тэнӧ позьӧ ӧткодявны? Эдэмса пуясӧс моз тэнӧ тшӧтш лоӧ шыбитӧма му пыдӧсас, тэ пондан куйлыны вундыштчытӧмъяс пӧвстын да шыпурт помысь кулӧмаяс пӧвстын. Со мый виччысьӧ фараонӧс да сылысь уна лыда войтырсӧ, – висьталӧ Господь Ыджыдыс».

Индӧд 21:21

Карса олысьяс мед изъяласны сійӧс кувтӧдзыс. Бырӧдӧй лёксӧ ас пӧвстсьыныд. Став Израиль войтыр мед кылас та йылысь да кутас повны.

Индӧд 13:11

Став Израиль войтыр мед кылас та йылысь да кутас повны, сэсся некод тіян пӧвстысь оз кут вӧчны татшӧм лёкторсӧ.

Матвей 11:23

Тэ, Капернаум кар, чайтан енэжӧдз кыпӧдчыны? Ад пыдӧсӧдз усян! Содом карын кӧ аддзылісны тіянын кодь вӧчӧм шензьӧданаторъяссӧ, сійӧ эськӧ ӧні на сулаліс.

Ефесӧ 4:9

Мый лоӧ ”кыпӧдчӧмыс”? Оз-ӧ сійӧ, мый водзынджык Сійӧ лэччыліс му пыдӧсӧдзыс.

Лыд 16:30

Но Господь кӧ вӧчас вӧвлытӧмтор, и муыс воссяс да ньылыштас найӧс [налысь чомъяснысӧ] да ставсӧ, мый налӧн эм, и найӧ ловйӧн мунасны пыдӧстӧминӧ, сэки ті тӧдмаланныд, мый тайӧ йӧзыс нинӧмӧ пуктісны Господьӧс».

Лыд 16:33

Найӧ ловйӧн веськалісны пыдӧстӧминӧ ставнас, мый налӧн вӧлі. Муыс вевттис найӧс, и найӧ бырисны войтыр пӧвстысь.

Амос 9:2

Весиг кӧ найӧ мырдӧн пырасны пыдӧстӧминӧ, и сэтысь босьта найӧс. Весиг кӧ кыпӧдчасны енэжӧдз, и сэтысь лэдза найӧс.

Иона 2:2

Сэні сійӧ кевмысис Господьлы, аслас Енлы:

Иона 2:6

Ваыс горшӧдз пырис, пыдӧстӧм йирыс кыскис менӧ, саридз туруныс гартчис юр гӧгӧр.

Исай 14:15

Но тэнӧ шыбитӧма кулӧмаяслӧн оланінӧ, пыдӧстӧминлӧн пыді гуӧ!