Езекиль 30:9 - Коми Библия 2023

⁹ Сійӧ лунӧ корабльяс вылын мӧдӧдчасны Менам юӧр вайысьяс, медым повзьӧдны повтӧг олысь эфиопияса войтырӧс. Найӧ весьӧпӧрасны Египетӧс бырӧдан лунӧ, мый регыд нин лоӧ.

Езекиль 30:9 Referans Kwoze

Исай 23:5

Кор Тир йылысь юӧрыс воас Египетӧдз, сэні олысьяс сыркмунасны.

Софоний 2:15

Татшӧмӧн лоӧ кар, кӧні йӧзыс гажӧдчылісны, тӧждысьтӧг олісны, ас пытшканыс шуалісны: «Миян кар кодь мӧдыс абу». Но ӧні сійӧ лои киссьӧм карӧн, зверъяслы – дзебсянінӧн. Сы дінті мунысьяс пондасны шутьлявны, кинас швачӧдны боканыс.

Софоний 2:12

Ті, Эфиопия войтыр, куланныд Менам шыпуртысь.

Амос 4:2

Господь Ыджыдыс кыв сетіс, Аслас вежалунӧн кӧсйысис, мый воасны лунъяс, кор тіянӧс вугырӧ пысалӧмӧн нуӧдасны, дзик ставнытӧ кыйӧм чериӧс моз кыскасны.

Езекиль 39:6

Ме ыста би Магог му вылӧ да саридздорса муясын повтӧг олысь йӧз вылӧ. Сэки найӧ тӧдмаласны, мый Ме – Господь.

Езекиль 38:11

да шуан, ме пӧ уськӧдча му вылӧ, кӧні каръяс гӧгӧр стенмыс абу. Йӧзыс пӧ сэні олӧны лӧня да повтӧг, кар гӧгӧрныс стен, дзиръя ни иган абу.

Езекиль 33:33

Тэнад кывъясыд регыд инасны. Сэки тайӧ войтырыс тӧдмалас, мый на дінӧ воліс пророк».

Езекиль 27:35

Тэ йылысь кылігӧн саридз дорын олысьяс весьӧпӧрисны, налысь ӧксыяссӧ тіралӧм босьтіс, чужӧмныс вежсис.

Езекиль 26:16

Саридздор муясын ӧксыяс асланыс юралан пуклӧсысь чеччасны, пӧрччасны вывсьыныс кышансӧ да вежасны серлӧдлӧм паськӧмнысӧ. Паськӧм моз найӧс полӧмыс вевттяс. Найӧ тіралӧмӧн пуксясны му вылӧ, ӧд весьӧпӧрасны сыысь, мый суис тэнӧ.

Еремей 49:31

Вавилонсаяс, чеччӧй, тышӧ петӧй Хацорын олысьяслы паныд, кодъяс олӧны лӧня да повтӧг, – висьталӧ Господь. – Налӧн абу дзиръяяс, абу иганъяс, найӧ олӧны мукӧдысь торйӧн.

Еремей 49:21

Эдомӧс лоӧ путкыльтӧма, сылӧн усьӧмысь муыс сыркмунлас, Гӧрд саридзӧдз воас эдомсаяслӧн горзӧм шыныс.

Исай 47:8

Но ӧні кывзы тайӧс, лышкыда да тӧждысьтӧг олысь аньӧй. Тэ шуалан аслыд: «Ме кодь мӧдыс абу, ме некор ог коль дӧваӧн, ог вошты ассьым челядьӧс».

Исай 20:5

Сэки повзясны да яналасны найӧ, кодъяс лача кутісны Эфиопия вылӧ да ошйысисны Египетӧн.

Исай 20:3

Господь шуис: «Менам Исай кесйӧгӧй куим во чӧж ветлӧдліс пасьтӧг да кӧмтӧг. Тайӧ – Египетлы да Эфиопиялы пас.

Исай 19:17

Египетсаяслы Иуда му лоӧ повзьӧдчанторйӧн. Коді Египетын кылас Иуда йылысь, повзяс, ӧд сылы тӧд вылас усяс, мый Господь Саваоф водзвыв шуліс Египет йылысь.

Ёрдысьяс 18:7

Тайӧ вит мортыс мунісны водзӧ да воисны Лаис карӧ. Найӧ аддзисны, мый сэтчӧс йӧзыс тӧждысьтӧг да повтӧг олӧны сидонсаяс моз. Сэтчӧс йӧз вылын некод эз ыджыдав, найӧс некод эз дзескӧд. Найӧ олісны сидонсаясысь ылын, и мукӧд йӧзкӧд эз волысьны.

1 Фессалоникаӧ 5:2

Ті ӧд асьныд бура тӧданныд, мый Господьлӧн луныс воас войся гусясьысь моз.

Езекиль 24:14

Тайӧс висьтала Ме, Господь. Мый шуи, вӧча, ог веж Ассьым шуӧмӧс, ог жалит, ог бурсьӧлӧмтчы. Тэнӧ лоӧ мыждӧма лёк оласногыд да уджъясыд серти, – висьталӧ Господь Ыджыдыс».

Аввакум 2:3

Тайӧ аддзылӧмыс локтана кад йылысь, кадлӧн пом йылысь, тайӧ абу ылӧг. Тайӧ кадыс кӧ дыр на оз во, виччысь, ӧд тайӧ аддзылӧмыс инас, оз вежсьы.