Езекиль 30:21 - Коми Библия 2023

²¹ «Морт пиӧй, Ме чеги фараонлысь, египетса ӧксылысь, кисӧ. Некод оз гартышт сылысь кисӧ, медым киыс бурдіс. Сылӧн киыс оз вынсяв, оз вермы кутны шыпурт.

Езекиль 30:21 Referans Kwoze

Еремей 46:11

Египет ныв, мун Галаадӧ, вай сэтысь бурдӧдчан вый. Но весьшӧрӧ тэ дасьтан бурдӧдчанторъяс, тэнад дойыд оз бурд.

Еремей 30:13

Некод оз тӧждысь тэ вӧсна, медым бурдӧдны тэнӧ, тэнад дойыд оз бурд.

Еремей 48:25

Моавлысь сюрсӧ керыштӧма, сылысь кисӧ чегӧма, – висьталӧ Господь.

Псалтыр 37:17

Ме шуи: «Эн сет мустӧмтысьяслы нимкодясьны, эн сет налы ышнясьны ме водзын, кор менам кокӧй лигышмунӧ.

Езекиль 30:24

Вавилонса ӧксылысь кисӧ ёнмӧда да сета сылы киас Ассьым шыпуртӧс, а фараонлысь кисӧ чега. Ёна дойдалӧмаӧн сійӧ пондас ымзыны-бӧрдны вавилонса ӧксы водзын.

Восьтӧм 18:21

Сэсся вына андел босьтіс изки кодь ыджыд из да шыбитіс сійӧс саридзас. Сійӧ шуис: – Дзик тадзи лоӧ шыбитӧма ыджыд Вавилон карӧс, сійӧ вошас пыр кежлӧ!

Наум 3:16

Тэнад вузасьысьыд енэжвыв кодзув дорысь на унджык, но найӧ саранча моз разаласны-бырасны.

Исай 1:6

Юрсянь кок пыдӧсӧдзныд абу дзониныс: гӧгӧр дой, лӧзӧдӧм да орзьӧм. Найӧс абу весалӧма, абу кӧрталӧма, абу мавтӧма выйӧн.

Еремей 44:30

Господь тадзи висьталӧ: ”Ме сеті иудаса Седекей ӧксыӧс вавилонса Навукодоносор ӧксы киӧ, сеті вӧрӧглы, коді корсис босьтны сылысь олӧмсӧ. Тадзи жӧ Ме сета Хофра фараонӧс, египетса ӧксыӧс, вӧрӧг киӧ, сійӧ йӧзыслы, кодъяс корсьӧны босьтны сылысь олӧмсӧ”».

Езекиль 39:3

Ме уськӧда шуйга кисьыд ньӧввужтӧ, веськыд кисьыд – ньӧвъястӧ.

Закар 11:17

– Курыд шог шогмытӧм видзысьлы, коді эновтіс ыж чукӧрсӧ! Шыпурт мед керыштас сылысь кисӧ да перъяс сылысь веськыд синсӧ! Мед сылӧн киыс дзикӧдз косьмас да сылӧн веськыд синмыс пемдас!»

Ӧксыяслӧн 4 небӧг 24:7

Египетса ӧксы эз нин петавлы тышӧ аслас муысь, ӧд вавилонса ӧксы босьтіс Египет кипод улысь став мусӧ Египет мудорса шорсянь Ефрат ю дорӧдз.