Езекиль 30:18 - Коми Библия 2023

¹⁸ Тафнис карын луныс пемдас, кор сэні Ме жугӧда Египетлысь сийӧссӧ. Сэки бырас Египетлӧн выныс, мыйӧн сійӧ ошйысьӧ. Кымӧр вевттяс карсӧ, и сэтысь нывъяссӧ нуӧдасны пленӧ.

Езекиль 30:18 Referans Kwoze

Езекиль 30:3

ӧд матын Господьлӧн луныс. Матыстчӧ сьӧд кымӧра лун, войтыръясӧс мыждан кад.

Езекиль 29:15

Налӧн юралӧмыс лоӧ медся вынтӧм, найӧ оз нин босьтны мукӧд войтыръясӧс асланыс кипод улӧ. Ме вӧча найӧс жеб войтырӧн, медым эз вермыны ыджыдавны мукӧд войтыръяс вылын.

Еремей 2:16

Мемфис да Тафнис каръясын олысьяс кушӧдз шырисны тэнсьыд юртӧ.

Исай 10:27

Сійӧ лунӧ тіян пельпом вылысь усяс Ассурлӧн сьӧкыд нопйыс, тіян сьылі вылысь жугалас сылӧн сийӧсыс.

Матвей 24:29

«Регыд тайӧ шог лунъяс бӧрын шондіыс пемдас, тӧлысьыс кусас, енэжысь кодзувъяс усясны, енэжвыв вынъяс вӧрзясны.

Йоиль 3:15

Шондіыс да тӧлысьыс пемдасны, кодзувъяс югӧрсӧ воштасны.

Езекиль 31:18

Ӧні тэ вына да нималана, но кутшӧм эдэмса пукӧд тэнӧ позьӧ ӧткодявны? Эдэмса пуясӧс моз тэнӧ тшӧтш лоӧ шыбитӧма му пыдӧсас, тэ пондан куйлыны вундыштчытӧмъяс пӧвстын да шыпурт помысь кулӧмаяс пӧвстын. Со мый виччысьӧ фараонӧс да сылысь уна лыда войтырсӧ, – висьталӧ Господь Ыджыдыс».

Еремей 46:14

– Висьталӧй Египетын, юӧртӧй Мигдолын, Мемфисын и Тафнисын, тшӧктӧй египетсаяслы чеччыны да дасьтысьны, ӧд шыпурт бырӧдӧ на гӧгӧрысь ставсӧ.

Исай 19:1

Египет йылысь водзвыв висьталӧм. Господь пуксис кокньыд кымӧр вылӧ. Сійӧ локтас Египетӧ, Сы водзын кутасны тіравны египетса идолъяс, повзьӧмнысла египетсалӧн сьӧлӧмныс дугдас тіпкынысӧ.

Исай 14:25

Аслам му вылын Ме пасьварта Ассур тышкайӧзӧс, Аслам керӧсъяс вылын Ме таляла найӧс. Менам войтырӧй мынас Ассурлӧн сийӧс улысь, налӧн пельпом вылысь усяс сьӧкыд нопйыс.

Исай 14:11

Пыдӧстӧминӧ шыбитӧма тэнсьыд нималӧмтӧ да арфаӧн гажӧдчан ворсӧмтӧ. Тэнад вольпасьыд вегыльясысь, эшкыныд номыръясысь.

Исай 13:10

Енэжвыв кодзувъяс оз кутны дзирдавны, шондіыс петігас на пемдас, и тӧлысьыс оз сет югыдсӧ.

Исай 9:19

Господь Саваофлӧн скӧрлуныс сотӧ-чишкалӧ мусӧ, войтырыс лои билы сёянторйӧн. Йӧзыс оз жалитны ӧта-мӧднысӧ.

Исай 9:4

Найӧс личкысь сийӧссӧ Тэ жуглан, найӧс нӧйтысь бедьсӧ чегъялан, найӧс дзескӧдысьлысь орссӧ орйӧдлан, кыдзи вӧчин мадиан войтырӧс пасьвартан лунӧ.

Исай 5:30

Сійӧ лунӧ найӧ уськӧдчасны тайӧ му вылас, налӧн равзӧмыс лоӧ гызьӧм саридзлӧн шы кодь. Сэки видзӧдлан му вылас, аддзан сап пемыд да шогсьӧм, и кымӧръяс вевттясны югыдсӧ.

Левит 26:13

Ме – Господь, тіян Енныд. Ме петкӧді тіянӧс Египет муысь, медым ті энӧ олӧй кесйӧг туйын. Ме мезді тіянӧс сийӧс улысь, медым ті веськӧдчӧмӧн ветлӧдлінныд».

Петӧм 10:15

Муыс эз тыдав сьӧдысла, сэтшӧм уна вӧлі саранчаыс. Найӧ сёйисны му вылысь став быдмӧг-турунсӧ, пуяс вылысь став тусь-вотӧссӧ, мый кольлі шер бӧрся. Египет му пасьтала эз коль веж корйыс ни пу вылын, ни му вылын.

Еремей 27:2

Господь меным тадзи висьталіс: «Вӧч кӧртӧдъяс да сийӧсъяс. Пукты сийӧссӧ аслыд сьылі вылад.

Еремей 28:10

Хананей пророк босьтіс Еремей пророк сьылі вылысь сийӧссӧ да жугӧдіс.

Еремей 28:13

«Мун да шу Хананейлы, мый Господь тадзи висьталӧ: тэ жугӧдін пу сийӧс, но та пыдди тэ вӧчан кӧрт сийӧс.

Еремей 30:8

Сійӧ лунӧ, – висьталӧ Господь Саваоф, – Ме жугӧда налӧн сьылі вылысь сийӧссӧ, орӧда налысь кӧртӧдъяссӧ. Найӧ оз нин кутны кесъявны мукӧд войтырлы,

Еремей 44:1

Египет муын Мигдолын, Тафнисын, Мемфисын да Патросын олысь Иуда войтыр йылысь Еремейлы вӧлі Господьсянь кыв:

Бӧрданкыв 2:1

Кымӧрӧн моз скӧрлуннас Господь вевттис Сион нылӧс! Енэжсянь му вылӧ Сійӧ шыбитіс Израильлысь ошйысянторсӧ, Аслас скӧралан лунӧ эновтіс Ассьыс кокувсӧ.

Езекиль 30:23

Египетса войтырӧс Ме разӧда мукӧд войтыръяс пӧвстӧ, шердъя найӧс мукӧд муясӧ.

Езекиль 32:7

Тэнӧ кусӧдігӧн-бырӧдігӧн Ме тупка енэжсӧ, пемдӧда кодзувъяссӧ, шондісӧ тупка кымӧрӧн, и тӧлысьыс югзьӧднысӧ дугдас.

Езекиль 34:27

Пуяс кутасны вайны вотӧс, муыс сетас ассьыс быдтас. Менам войтырӧй кутас повтӧг овны аслас му вылын. Ме жугӧда налӧн сьылі вылысь сийӧссӧ да мезда найӧс нартитысьяслӧн кипод улысь. Сэки найӧ тӧдмаласны, мый Ме – Господь.

Езекиль 38:9

а тэ тӧвныр моз уськӧдчан на вылӧ. Тэнад тышкайӧзыд да тэкӧд локтысь войтыръяс кымӧр моз вевттясны став мусӧ.