Езекиль 3:27 - Коми Библия 2023

²⁷ Но кор Ме кута висьтавны тэныд, сэки восьта тэнсьыд кыв-вортӧ, и тэ шуан налы, мый тадзи висьталӧ Господь Ыджыдыс. Коді кутас кывзыны, мед кывзӧ, а коді оз, мед оз. Ӧд тайӧ войтырыс асныра».

Езекиль 3:27 Referans Kwoze

Езекиль 24:27

Сійӧ лунӧ, кор тайӧ пышйӧм мортыс локтас, воссяс тэнад кыв-ворыд, и тэ пондан сёрнитны. Тэ лоан аслад войтырлы пасӧн, и найӧ тӧдмаласны, мый Ме – Господь».

Езекиль 3:11

Мун пленын олысь аслад войтырыд дінӧ да шу налы, мый тадзи висьталӧ Господь Ыджыдыс. Ставсӧ висьтав, кывзасны-ӧ либӧ оз кывзыны найӧ тэнӧ».

Езекиль 29:21

Сійӧ лунӧ Ме выльысь ёнмӧда Израиль войтырӧс. Тэныд, морт пиӧй, Ме сета сёрнитны на водзын. Сэки найӧ тӧдмаласны, мый Ме – Господь».

Ефесӧ 6:19

Кевмысьӧй тшӧтш ме вӧсна, медым сёрнитігам Енмыс сетіс меным колана кывъяс повтӧг висьтавны Бур Юӧрлысь гусяторсӧ.

Лука 21:15

Ме сета тіянлы мывкыдлун сёрнитны. Мыжалысьяс оз вермыны паныд сувтны тіянлы да налы оз сюр воча кывйыс.

Матвей 13:9

Кодлӧн эм пель, мед кылӧ!»

Матвей 11:15

Кодлӧн эм пель, мед кылӧ!

Езекиль 33:32

Налы тэ – муслун йылысь сьыланкывъяс мичаа сьылысь-ворсысь кодь. Найӧ кывзӧны тэнсьыд кывъястӧ, но на серти оз овны.

Езекиль 33:22

Рытнас Господьлӧн киыс вӧлі ме вылын, и Сійӧ восьтіс менсьым кыв-ворӧс. А асывнас, кор тайӧ мортыс локтіс, ме верми нин сёрнитны.

Езекиль 11:25

Ме висьталі пленӧ босьтӧмаяслы ставсӧ, мый восьтіс-петкӧдліс меным Господь.

Езекиль 3:26

Ме вӧча сідз, мый кывйыд ляксяс горш бердад, и тэ он вермы сёрнитнытӧ, он кут ӧлӧдны тайӧ асныра войтырсӧ.

Езекиль 3:9

Вӧча тэнӧ алмаз кодьӧн, изйысь на чорыдӧн. Эн шӧйӧвош, эн пов наысь, тайӧ асныра войтырсьыс».

Езекиль 2:5

Кывзас-ӧ тэнӧ тайӧ асныра войтырыс либӧ оз, но найӧ мед тӧдасны, мый на дінӧ воліс пророк.

Езекиль 2:4

Найӧ яндысьтӧмӧсь да чорыд сьӧлӧмаӧсь. Ме мӧдӧда тэнӧ на дінӧ, медым тэ шуан налы, мый тадзи висьталӧ Господь Ыджыдыс.