Езекиль 3:21 - Коми Библия 2023

²¹ Но тэ кӧ ӧлӧдан веськыда олысьӧс, медым сійӧ мыжсӧ эз вӧч, и сійӧ оз вӧч мыжсӧ, сэки ловйӧн коляс, ӧд кывзіс ӧлӧдӧмсӧ. Тэ тшӧтш мездан ассьыд олӧмтӧ».

Езекиль 3:21 Referans Kwoze

1 Тимофейлы 4:16

Видзӧд ас бӧрсяыд, кыдзи олан да мыйӧ велӧдан. Вӧч тайӧс дугдывтӧг, ӧд тадзи вӧчигӧн тэ асьтӧ мездан, тшӧтш тэнӧ кывзысьясӧс.

Яков 5:20

тӧдӧй, мый мыжа мортӧс ылӧг туй вылысь бергӧдысь мездӧ сійӧс кулӧмысь да вевттьӧ сылысь уна мыж.

Титлы 2:15

Тадзи велӧд, ышӧд да янӧд тэныд сетӧм вынӧн. Эн сет асьтӧ некодлы увтыртны.

1 Коринфӧ 4:14

Гижа тайӧс тіянӧс туйдӧдӧм могысь, а ог янӧдӧм могысь, ӧд ті менам муса ныв-пи.

Шусьӧгъяс 9:9

Мывкыд мортӧс туйдӧд, и сылӧн содас мывкыдлуныс. Веськыда олысьӧс велӧд, и сылӧн содас тӧдӧмлуныс.

Ап. уджъяс 20:31

Та вӧсна лоӧй дасьӧсь да энӧ вунӧдӧй, кыдзи ме куим во чӧж лун и вой синва сорӧн дугдывтӧг велӧді быдӧнӧс тіянӧс.

Восьтӧм 3:19

Коді муса Меным, сійӧс ме янӧда-чирышта. Сідзкӧ, сьӧлӧмсяньыд зіль бергӧдчыны мыжъяссьыд!

1 Фессалоникаӧ 5:14

Вокъяс, корам тіянӧс: дышъясӧс туйдӧдӧй, полысьясӧс ышӧдӧй, жебъясӧс кутыштӧй, быдӧнӧс терпитӧй.

Шусьӧгъяс 17:10

Вежӧртӧмӧс сё пӧв кучкӧм дорысь бурджык вежӧраӧс чирыштны.

Колосӧ 1:28

Сы йылысь ми висьтавлам быдӧнлы, велӧдам-туйдӧдам став мывкыдлунӧн, медым сувтӧдны быдӧнӧс Ен водзӧ Кристос пытшкын сӧвмӧмаясӧн.

1 Коринфӧ 10:12

Сідзкӧ, чайтан кӧ, мый зумыда сулалан – видзчысь усьӧмысь.

Езекиль 33:9

Тэ кӧ ӧлӧдан лёк вӧчысьӧс, медым лёк туй вывсьыс бергӧдчас, а сійӧ оз бергӧдчы, сэки сійӧ кулас аслас мыж вӧсна, а тэ мездан ассьыд олӧмтӧ.