Езекиль 29:21 - Коми Библия 2023

²¹ Сійӧ лунӧ Ме выльысь ёнмӧда Израиль войтырӧс. Тэныд, морт пиӧй, Ме сета сёрнитны на водзын. Сэки найӧ тӧдмаласны, мый Ме – Господь».

Езекиль 29:21 Referans Kwoze

Ӧксыяслӧн 1 небӧг 2:10

Господь бырӧдас Сылы паныд кыпӧдчысьясӧс, енэжсянь гымыштас на вылӧ. [Господь вежа. Мывкыда морт мед оз ошйысь аслас мывкыдлунӧн, вына мед оз ошйысь аслас вынӧн, озыр мед оз ошйысь аслас озырлунӧн. Но ошйысьысь мед ошйысьӧ сыӧн, мый гӧгӧрвоӧ да тӧдӧ Господьӧс.] Господь мыждас муюгыдын олысьясӧс. Сійӧ вынсьӧдас ӧксыӧс, кодӧс бӧрйис, Ассьыс мавтыштӧмаӧс вылӧ кыпӧдас.

Лука 21:15

Ме сета тіянлы мывкыдлун сёрнитны. Мыжалысьяс оз вермыны паныд сувтны тіянлы да налы оз сюр воча кывйыс.

Езекиль 33:22

Рытнас Господьлӧн киыс вӧлі ме вылын, и Сійӧ восьтіс менсьым кыв-ворӧс. А асывнас, кор тайӧ мортыс локтіс, ме верми нин сёрнитны.

Езекиль 24:27

Сійӧ лунӧ, кор тайӧ пышйӧм мортыс локтас, воссяс тэнад кыв-ворыд, и тэ пондан сёрнитны. Тэ лоан аслад войтырлы пасӧн, и найӧ тӧдмаласны, мый Ме – Господь».

Лука 1:69

Давид кесъялысьыслӧн чужанвужйысь Сійӧ сетіс миянлы Вына Мездысьӧс.

Езекиль 29:16

Израиль войтыр лачасӧ оз нин кут Египет вылӧ. Египеткӧд лоӧмторйыс кутас казьтывны израильсаяслы мыжныс йылысь, мый отсӧгсӧ корисны Египетлысь. Сэки найӧ тӧдмаласны, мый Ме – Господь Ыджыдыс».

Езекиль 29:9

Египет му лоӧ овтӧминӧн, пазӧдӧм муӧн. Сэки египетсаяс тӧдмаласны, мый Ме – Господь. Египет, тэ шуан, юыс пӧ менам, ме пӧ сійӧс вӧчи.

Езекиль 29:6

Сэки Египетын став олысьыс тӧдмалас, мый Ме – Господь. Египет, тэ вӧлін Израиль войтырлы вӧсньыдик бедь кодь мыджӧдӧн.

Езекиль 3:26

Ме вӧча сідз, мый кывйыд ляксяс горш бердад, и тэ он вермы сёрнитнытӧ, он кут ӧлӧдны тайӧ асныра войтырсӧ.

Еремей 23:5

– Воасны лунъяс, – висьталӧ Господь, – кор Давид рӧдысь Ме бӧръя да сувтӧда веськыда Олысьӧс. Сійӧ лоӧ ӧксыӧн, пондас юравны мывкыда, мыждыны веськыда, Сійӧ ваяс веськыдлунсӧ тайӧ муас.

Исай 27:6

Локтана кадӧ Яков вужъясяс, Израиль сетас вож да кутас дзоридзавны. Муюгыдыс тырас вотӧсӧн.

Псалтыр 148:14

Сійӧ вынсьӧдіс Ассьыс войтырсӧ, медым Сійӧс ошкис Сылӧн эскана войтырыс, Израиль войтыр, коді матын Сылы. Аллилуйя!

Псалтыр 112:9

Кага вайтӧм аньлы Сійӧ сетӧ оланін да челядь, и сійӧ лоас шуда мамӧн. Аллилуйя!

Езекиль 3:27

Но кор Ме кута висьтавны тэныд, сэки восьта тэнсьыд кыв-вортӧ, и тэ шуан налы, мый тадзи висьталӧ Господь Ыджыдыс. Коді кутас кывзыны, мед кывзӧ, а коді оз, мед оз. Ӧд тайӧ войтырыс асныра».

Езекиль 30:1

Меным вӧлі Господьсянь кыв: