Езекиль 29:15 - Коми Библия 2023

¹⁵ Налӧн юралӧмыс лоӧ медся вынтӧм, найӧ оз нин босьтны мукӧд войтыръясӧс асланыс кипод улӧ. Ме вӧча найӧс жеб войтырӧн, медым эз вермыны ыджыдавны мукӧд войтыръяс вылын.

Езекиль 29:15 Referans Kwoze

Закар 10:11

Найӧ вуджасны саридзті сьӧкыдыслӧн топӧдӧмысь, найӧ пасьвартасны саридзлысь гыяссӧ, Нил ю кушӧдз косьмас. Ассурлысь вылӧ кыпӧдчӧмсӧ лоӧ улӧ лэдзӧма, Египетлысь ыджыдалан вынсӧ лоӧ мырддьӧма.

Езекиль 30:13

Господь Ыджыдыс тадзи висьталӧ: Мемфисысь Ме бырӧда идолъясӧс да ылӧг енъясӧс, Египетӧс Ме коля ӧксытӧг. Ме повзьӧда-весьӧпӧрта Египетӧс,

Езекиль 32:2

«Морт пиӧй, сьыв фараон йылысь, египетса ӧксы йылысь, бӧрдӧдчанкыв. Шу сылы: – Войтыръяс пӧвстын тэ том лев, саридзын олысь гундыр. Быгзьӧдан юястӧ, ва пыдӧссӧ талялан, визув васӧ гудыртан.

Езекиль 31:2

«Морт пиӧй, висьтав фараонлы, египетса ӧксылы, да сылӧн уна лыда войтырлы: Тэ вына. Кодкӧд ӧткодявны тэнӧ?

Езекиль 17:14

медым войтырыс эз кыпӧдчы сылы паныд, а кывзысис сылысь да оліс сёрнитчӧм серти.

Езекиль 17:6

Кӧйдысысь быдмис виноград пу, пашкыр, но ляпкыд. Сылӧн вожъясыс нюжӧдчисны кутшлань, вужйыс вӧлі му пытшкас. Виноград пу быдмис-туис, петасъясыс паськалісны.