Езекиль 29:11 - Коми Библия 2023

¹¹ Морт ни ыж-мӧс оз кут ветлыны сэті, оз ло сэні олысьыс нелямын во чӧж.

Езекиль 29:11 Referans Kwoze

Езекиль 32:13

Ме бырӧда Египетысь став ыж-мӧссӧ, кодъяс йирсьӧны сылӧн ыджыд ю бокас. Морт ни ыж-мӧс оз кут водзӧ гудыртны сэтысь васӧ.

Даниил 9:2

Сылӧн медводдза веськӧдлан воӧ ме, Даниил, гӧгӧрвои Гижӧдысь, мый Ерусалим кар лоӧ овтӧминӧн сизимдас во чӧж. Та йылысь Господь водзвыв висьтавліс Еремей пророклы.

Езекиль 36:28

Ті кутанныд овны сійӧ муас, мый Ме коркӧ сеті тіян батьясныдлы. Ті лоанныд Менам войтырӧн, а Ме лоа тіян Енмӧн.

Езекиль 33:28

Тайӧ мусӧ Ме кушта, и бырас сылӧн выныс, мыйӧн сійӧ ошйысьӧ. Овтӧммасны Израиль керӧсъяс, сэті ветлысь-мунысьыс оз ло.

Езекиль 31:12

Йӧз муысь локтысьяс кералісны сійӧс, скӧрсьыс-скӧр войтыр колис сійӧс куйлыны керӧс вылӧ. Сылӧн вожъясыс усьласисны ковтысъясӧ, чегъясьӧм увъясыс – сёнъясӧ. Войтыръяс петісны сылӧн вуджӧр улысь, найӧ эновтісны сійӧс.

Еремей 29:10

Господь тадзи висьталӧ: сы бӧрти, кор Вавилонын ті оланныд сизимдас во, Ме бурсьӧлӧмтча тіян дінӧ. Ме збыльмӧда тіян йылысь Ассьым бур кывйӧс да бӧр вайӧда тіянӧс асланыд муӧ.

Исай 23:17

Сизимдас во кольӧм мысти Господь бара казьтыштас Тир йылысь. Тир бара кутас озырмӧдчыны. Кырсалысь ань моз сійӧ босьтас став мувывса войтыръяслысь вузасьӧмысь сьӧмнысӧ.

Исай 23:15

Сійӧ лунӧ Тир йылысь вунӧдасны сизимдас во кежлӧ – тайӧ ӧти ӧксылӧн олан кадыс. Сизимдас во кольӧм бӧрти Тиркӧд лоӧ сійӧ жӧ, мый лои кырсалысь анькӧд, код йылысь сьылӧны:

2 Каднебӧг 36:21

Тадзи иніс Господьлӧн шуӧмыс, мый Еремей висьтавліс, муыс пӧ лоӧ овтӧминӧн сизимдас во чӧж, сійӧ кутас шойччыны сійӧ кад чӧжыс, мыйта кад сылы шойччӧгсӧ эз сетлыны.

Исай 34:10

Сійӧ пондас сотчыны лун и вой, сылӧн тшыныс пондас кыпӧдчыны дугдывтӧг. Нэмъяссянь нэмъясӧдз некод оз кут овны сэні, мортлӧн кокыс оз тувччыв сэтчӧ нэмъяс чӧж.

Еремей 9:10

– Ме сыркъялӧмӧн бӧрда керӧсъяс вӧсна, ырзӧмӧн бӧрда видзьяс вӧсна, ӧд туруныс сотчӧма, видзьяс вылын некод оз ветлӧдлы, оз кыв ыж-мӧслӧн баксӧмыс, енэжвывса лэбачьяс лэбзьӧмаӧсь, пемӧсъяс пышйӧмаӧсь.

Еремей 46:19

Чукӧрт ассьыд кӧлуйтӧ, Египет ныв, дасьтысьӧй мунны пленӧ, Египетын олысьяс! Ӧд Мемфис лоӧ овтӧминӧн, сэні оз коль олысьыс.