Езекиль 28:17 - Коми Библия 2023

¹⁷ Мичлун пондаыд тэ вылӧ кыпӧдчин, нималӧм пондаыд воштін мывкыдлунтӧ. Таысь Ме шыбиті тэнӧ му вылӧ, янӧді ӧксыяс водзын.

Езекиль 28:17 Referans Kwoze

Езекиль 28:5

Тэ кужӧмӧн вузасин, ёна озырмин да пондін ышнясьны.

Яков 4:6

Но Енлӧн буралӧмыс миян дінӧ ёна ыджыдджык. Гижӧдыс висьталӧ: – Вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.

Езекиль 31:10

Господь Ыджыдыс тадзи висьталӧ: сус пуыс быдмис джуджыда, мукӧд пуясысь вылӧджык, да ышнясис.

Езекиль 28:2

«Морт пиӧй, шу тирса юралысьлы, мый Господь Ыджыдыс тадзи висьталӧ: тэ вылӧ кыпӧдчин да шуин, ме пӧ ен, пукала пӧ саридз шӧрын енлӧн пуклӧсын. Но тэ сӧмын морт, абу ен, кӧть ассьыд вежӧртӧ ӧткодялан енлӧн вежӧрыскӧд.

Лука 14:11

Ӧд асьсӧ вылӧ пуктысьӧс лэдзасны, асьсӧ улӧ пуктысьӧс кыпӧдасны».

Езекиль 32:10

Войтыръяс весьӧпӧрасны, кор тӧдмаласны, мый Ме вӧча тэныд. Налысь ӧксыяссӧ полӧм-тіралӧм босьтас, кор Аслам шыпуртӧн Ме кута шенасьны налӧн чужӧмбан водзын. Тэнӧ бырӧдан лунӧ найӧ пондасны дзӧрны асланыс олӧм вӧсна.

Езекиль 28:7

Ме вайӧда тэ вылӧ йӧз муысь скӧрсьыс-скӧр войтырӧс. Найӧ перъясны шыпуртнысӧ, медым бырӧдны тэнсьыд ыджыд мывкыдлунтӧ. Найӧ няйтӧ таляласны тэнсьыд нималӧмтӧ

Езекиль 23:48

Лэдзчысьӧм олӧмлы тайӧ муас Ме пукта пом. И мукӧд аньяслы тайӧ лоӧ ӧлӧданторйӧн, медым тіян моз, Огола да Оголива, найӧ оз сетчыны лэдзчысьӧм олӧмӧ.

Езекиль 16:41

Найӧ сотасны керкаястӧ, мыждасны тэнӧ мукӧд аньяслӧн син водзын. Тадзи Ме пукта пом тэнад кырсалӧмлы, и тэ дугдан мынтысьны мусукъясыдлы.

Еремей 8:9

Мывкыдаяс яналасны, повзясны да веськаласны тывйӧ. Налӧн мывкыдлуныс абу, ӧд найӧ ӧтдортісны Господьлысь кывсӧ.

Шусьӧгъяс 16:18

Вылӧ кӧ пуксян – олӧмтӧ жугӧдан, ныртӧ кӧ кутан лэптавны – усян.

Шусьӧгъяс 11:2

Ыкшаасьӧмыд яналӧмӧдз вайӧдӧ, рамъяслы мывкыдлуныс воӧ. [Веськыда олысь кӧ кувсьӧ, сы вӧсна шогсьӧны, лёк вӧчысь кӧ виччысьтӧг кувсьӧ – нимкодясьӧны.]

Псалтыр 147:6

ёкмыльясӧс моз шыблалӧ му вылӧ шерсӧ. Сылӧн кӧдзыдысь коді вермас дзебсьыны?

Псалтыр 73:18

Господьӧй, эн вунӧд, мый мустӧмтысь лёкӧдӧ Тэнӧ, мывкыдтӧм йӧз омӧльтӧны Тэнсьыд нимтӧ.

Езекиль 19:12

Но сійӧс лёкысь нетшыштісны, шыбитісны муӧ, и асыв тӧв косьтіс сылысь вотӧссӧ. Чегъялӧм ён вожъясыс косьмисны, найӧс би ньылыштіс.

Езекиль 26:16

Саридздор муясын ӧксыяс асланыс юралан пуклӧсысь чеччасны, пӧрччасны вывсьыныс кышансӧ да вежасны серлӧдлӧм паськӧмнысӧ. Паськӧм моз найӧс полӧмыс вевттяс. Найӧ тіралӧмӧн пуксясны му вылӧ, ӧд весьӧпӧрасны сыысь, мый суис тэнӧ.

Езекиль 27:3

Висьтав саридз шӧрын сулалысь да саридздорса войтыръяскӧд вузасьысь Тир карлы, мый Господь Ыджыдыс тадзи висьталӧ: Тир кар, тэ шуан асьтӧ медмичаӧн.

Езекиль 27:4

Тэ сулалан саридз шӧрын, лэптысьясыд вӧчисны тэнӧ вывті мичаӧн.

Езекиль 28:15

Тэнӧ вӧчан лунсянь тэ олін веськыда. Тадзи вӧлі сійӧ лунӧдз, кор тэ пытшкысь вӧлі аддзӧма лёксӧ.

Исай 25:12

Тэнсьыд джуджыд да зумыд стенъястӧ Сійӧ жугӧдас, пӧрӧдас-пасьвартас муас.

Исай 26:5

Сійӧ уськӧдіс вылын олысьясӧс, муас шыбитіс налысь вылын сулалысь карсӧ.

Даниил 11:12

Вӧрӧгсӧ пасьвартӧм бӧрын лунвывса ӧксы пондас ышнясьны. Сы вылӧ видзӧдтӧг, мый лунвывса ӧксы бырӧдас дас сюрсъясӧс, сылӧн оз ло тырвыйӧ вермӧм.