Езекиль 28:12 - Коми Библия 2023

¹² «Морт пиӧй, бӧрд тирса ӧксы вӧсна. Шу сылы, мый Господь Ыджыдыс тадзи висьталӧ: тэ вӧлін тыр-бур, зэв мывкыд да вывті мича.

Езекиль 28:12 Referans Kwoze

Езекиль 19:1

Сьыв израильса ӧксыяс йылысь тайӧ бӧрдӧдчанкывсӧ:

Езекиль 26:17

Тэ йылысь кутасны сьывны татшӧм бӧрдӧдчанкыв: Саридз вывті ветлысьяслӧн кар, тэнӧ бырӧдӧма. Тэ вӧлін нималана кар, саридз вывті ветлӧмсӧ аслад киын кутін, тэнад олысьясысь быдлаын полісны.

Колосӧ 2:3

Сы пытшкын мывкыдлуныслӧн да тӧдӧмлуныслӧн став озырлуныс.

Колосӧ 1:9

Ставсӧ тайӧс кылӧмсянь ми дугдывтӧг кевмысям тіян вӧсна. Кевмам, медым тіян вӧлі Ловсянь мывкыдлун да гӧгӧрвоӧм, медым ті бура тӧдінныд Енлысь кӧсйӧмсӧ.

2 Коринфӧ 1:22

Сійӧ пасйис миянӧс да мӧдӧдіс миян пытшкӧ Ассьыс Ловсӧ, коді эскӧдӧ миянӧс, мый Енлӧн став кӧсйысьӧмыс збыльмас.

1 Коринфӧ 3:19

Ӧд Енмыс тайӧ му вылас олысьяслысь мывкыдлунсӧ лыддьӧ йӧйталӧмӧн. Гижӧма: «Енмыс тывйыштӧ мывкыдаясӧс асланыс наянлунӧ».

Римӧ 15:28

Тайӧ отсӧгсӧ нуӧм бӧрын вӧлисти муна Испанияӧ. Сэтчӧ мунігмоз кежала тіян дінӧ.

Ап. уджъяс 6:3

Та вӧсна, вокъяс, бӧрйӧй ас пӧвстсьыныд сизим мортӧс, кодъяс мывкыдаӧсь да тырӧмаӧсь Вежа Лолӧн. Найӧс пуктам тайӧ уджсӧ вӧчны.

Лука 2:40

Кага быдмис, ловнас вынсяліс, Сылӧн мывкыдлуныс содіс. Енлӧн буралӧмыс вӧлі Сы вылын.

Езекиль 32:16

Татшӧм бӧрдӧдчанкыв Египет му йылысь да египетса уна лыда войтыр йылысь кутасны сьывны мукӧд войтыръясысь нывъяс, – висьталӧ Господь Ыджыдыс».

Езекиль 27:32

Тэ вӧсна ойзӧны-бӧрдӧны, тэ йылысь сьылӧны татшӧм бӧрдӧдчанкыв: – Некутшӧм кар он ӧткодяв Тиркӧд, кодӧс бырӧдӧма саридз шӧрын.

Езекиль 19:14

Сылӧн пучӧрысь ыпнитіс би, кутчысис вожъясас, ньылыштіс вотӧссӧ. Ён вожъясысь нинӧм эз коль, медым юралан бедь вӧчны. Тайӧ – бӧрдӧдчанкыв, сійӧс сьылӧны шог дырйи.

Еремей 9:23

Господь тадзи висьталӧ: – Мывкыда морт мед оз ошйысь аслас мывкыдлуннас, вына морт мед оз ошйысь аслас вынйӧрнас, озыр морт мед оз ошйысь аслас озырлуннас.

Исай 14:4

тэ кутан сьывны вавилонса ӧксы йылысь сералана сьыланкыв: – Со, оз нин ло нартитысьыс, воис пом сылӧн лёкалӧмлы!

Исай 10:13

Ӧд ассурса ӧксы шуис: «Ме сюсь мывкыда морт, ставсӧ тайӧс вӧчи аслам вынӧн да сюсь вежӧрӧн. Ме бырӧді войтыръяслысь мувежтасъяссӧ, кушті налысь озырлунсӧ, вына морт моз шыбиті юралан пуклӧсысь налысь юралысьяссӧ.

Шусьӧгъяс 21:30

Господьтӧгыд мывкыдлуныс абу, вежӧрыс абу, и туйдӧдӧмыс абу.

2 Каднебӧг 35:25

Еремей сьыліс Иосей йылысь бӧрдан сьыланкыв. Сьылысьяс талунъя лунӧдз сьылӧны Иосей йылысь бӧрдан сьыланкыв. Тайӧ сьыланкывсӧ пыртӧма бӧрдан сьыланкывъяс лыдӧ, Израильын ӧнӧдз сійӧс сьылӧны.

Езекиль 32:2

«Морт пиӧй, сьыв фараон йылысь, египетса ӧксы йылысь, бӧрдӧдчанкыв. Шу сылы: – Войтыръяс пӧвстын тэ том лев, саридзын олысь гундыр. Быгзьӧдан юястӧ, ва пыдӧссӧ талялан, визув васӧ гудыртан.

Олӧм 3:5

Но Ен тӧдӧ: сійӧ лунӧ, кор сёянныд вотӧссӧ, воссяс тіян синныд. Ті лоанныд Ен кодьӧн, кутанныд тӧдны бурсӧ и лёксӧ».

Езекиль 28:11

Меным вӧлі Господьсянь кыв:

Езекиль 28:15

Тэнӧ вӧчан лунсянь тэ олін веськыда. Тадзи вӧлі сійӧ лунӧдз, кор тэ пытшкысь вӧлі аддзӧма лёксӧ.

Езекиль 43:10

А тэ, морт пиӧй, юӧрт Израиль войтырлы тайӧ крам йывсьыс. Кор найӧ тӧдмаласны, кутшӧм ыджыд да тыр-бур тайӧ крамыс, налы яндзим лоӧ асланыс мыжъясысь.

Закар 9:2

Дамасккӧд орччӧн сулалысь Хамат кар бӧрся, зэв сюсь Тир да Сидон каръяс бӧрся.