Езекиль 27:27 - Коми Библия 2023

²⁷ Озырлуныд да вузӧсыд, тэнад кывтысьясыд, сынысьясыд да бӧжалысьясыд, тэнсьыд письтӧминъястӧ дзоньталысьясыд, вузасьысьясыд да тышкайӧзыд – ставӧн, коді ветліс корабль вылын, саридз пыдӧсӧ вӧйисны сійӧ лунӧ, кор тэ усин.

Езекиль 27:27 Referans Kwoze

Шусьӧгъяс 11:4

Скӧралан лунӧ озырлуныд оз отсав, но веськыдлуныд кулӧмысь мездас.

Езекиль 27:34

Но саридзлӧн ыджыд гыыс жугӧдіс тэнӧ, нуис став йӧзтӧ да вузӧстӧ ва пыдӧсӧ.

Езекиль 27:24

Найӧ вузавлісны тэныд дона паськӧм, гӧрдовлӧз да серлӧдлӧм дӧраяс, уна рӧма джодждӧраяс, гартӧм ён гезъяс.

Езекиль 27:22

Саваса да рамаса вузасьысьяс ньӧбасиганыс мынтысьлісны тэныд медбур чӧскыд ӧвтанторъясӧн, дона изъясӧн да зарниӧн.

Езекиль 27:12

Тэнад вӧлі уна вузӧс, та вӧсна Фарсис ньӧбасис тэнсьыд. Сійӧ мынтысьліс тэныд эзысьӧн, кӧртӧн, свинечӧн да озысьӧн.

Езекиль 26:21

Ме вӧча тэнӧ повзьӧдчанторйӧн, тэ пыр кежлӧ быран. Тэнӧ пондасны корсьны, но некор оз аддзыны, – висьталӧ Господь Ыджыдыс».

Езекиль 26:14

Ме вӧча тэысь изкырта, кӧні чери кыйысьяс пондасны тӧлӧдны тывъяснысӧ. Тэнӧ некод выльысь оз лэпты. Тайӧс шуи Ме, Господь, – висьталӧ Господь Ыджыдыс.

Езекиль 26:12

Вавилонсаяс мырддяласны тэнсьыд озырлунтӧ да эмбуртӧ. Найӧ жугласны карса стентӧ да мича керкаястӧ, саридзӧ шыблаласны изъястӧ, керъястӧ да весиг мутӧ.

Езекиль 27:26

Тэнад сынысьясыд петкӧдісны тэнӧ восьса саридзӧ, но сэні кыпӧдчис асыв тӧв да жугӧдіс тэнӧ.

Езекиль 27:28

Сынысь-бӧжалысьясыд горзӧны, налӧн горзӧмысь саридздорса муяс дзӧрӧны-тіралӧны.

Езекиль 28:8

да шыбитасны тэнӧ пыдӧстӧминӧ, и тэ кулан шыпурт помысь саридз шӧрын.

Еремей 25:22

Тир да Сидон каръясысь ӧксыясӧс, тшӧтш саридз сайын саридздор муясын олысь ӧксыясӧс.

Езекиль 26:1

Дас ӧтиӧд вонас медводдза тӧлысьлӧн медводдза лунӧ меным вӧлі Господьсянь кыв:

Езекиль 28:1

Меным вӧлі Господьсянь кыв:

Амос 1:9

Господь тадзи висьталӧ: – Тир карын олысьяс мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд пленӧ босьтӧмаясӧс вузалісны эдом войтырлы, вокыскӧд кӧрталӧм йитӧдсӧ вунӧдісны.

Закар 9:3

Тир лэптіс аслыс изкар, чукӧртіс эзысьсӧ лыа мында, зарнисӧ – ывлавыв няйт мында.