Biblia Todo Logo
Bib sou entènèt

- Piblisite -




Езекиль 26:3 - Коми Библия 2023

3 Та вӧсна Господь Ыджыдыс тадзи висьталӧ: Ме сувта тэныд паныд, Тир. Ассьыс гыяссӧ кыпӧдысь саридз моз Ме кыпӧда тэныд паныд войтыръясӧс.

Gade chapit la Kopi




Езекиль 26:3
23 Referans Kwoze  

Саридз ыльӧбтіс Вавилон вылӧ, гыясыс вевттисны сійӧс.


Сійӧ лунӧ найӧ уськӧдчасны тайӧ му вылас, налӧн равзӧмыс лоӧ гызьӧм саридзлӧн шы кодь. Сэки видзӧдлан му вылас, аддзан сап пемыд да шогсьӧм, и кымӧръяс вевттясны югыдсӧ.


Ӧні тэныд паныд чукӧртчисны войтыръяс, найӧ шуалӧны: «Вай янӧдам Сион нылӧс, кутам видзӧдны сійӧс бырӧдӧмсӧ».


«Шонді, тӧлысь да кодзувъяс вылын тыдовтчасны индысьпасъяс. Саридз ыджыд шыӧн гызяс, войтыръяс му вылын шызясны да шӧйӧвошасны.


– Ме чукӧрта войтыръясӧс, мед тышкасьны Ерусалимкӧд. Найӧ босьтасны карсӧ, керкаяссӧ куштасны, аньяссӧ мырдӧналасны-янӧдасны. Карсьыс джын олысьсӧ нуӧдасны пленӧ, мукӧдсӧ колясны карас.


Лев кыйліс кыйдӧс аслас пиянлы, вайліс кыйӧмтор налӧн мамъяслы, тыртліс ассьыс позсӧ кыйдӧсӧн, кырта горссӧ – виӧм пемӧсӧн.


мый Господь Ыджыдыс тадзи висьталӧ: Ме сувта тэныд паныд, Гог, мешек да тувал войтыръяслӧн медыджыд юралысь.


Шу, мый Господь Ыджыдыс тадзи висьталӧ: Ме паныд сувта тэныд, Сидон, да нимӧда Ачымӧс сы пыр, мый тэныд вӧча. Ме мыжда Сидонӧс да сэні петкӧдла Ассьым вежалунӧс. Сэки тэнад олысьясыд тӧдмаласны, мый Ме – Господь.


Тэнад сынысьясыд петкӧдісны тэнӧ восьса саридзӧ, но сэні кыпӧдчис асыв тӧв да жугӧдіс тэнӧ.


Израиль мулы шу, мый Господь тадзи висьталӧ: Ме сувта тэныд паныд, перъя Ассьым шыпуртӧс, виа веськыда олысьясӧс да мыжаясӧс.


Та вӧсна Господь Ыджыдыс тадзи висьталӧ: Ерусалим, Ме сувта тэныд паныд да мыжда тэнӧ мукӧд войтыръяслӧн син водзын.


Налӧн кианыс ньӧввуж да шы, найӧ скӧрӧсь, некодӧс оз жалитны, налӧн гӧлӧс шыныс бузгысь саридзлӧн кодь. Найӧ рӧдтӧны вӧвъяс вылын, дасьӧсь тышкасьны тэкӧд, Вавилон ныв.


Ышнясьысь, Ме сувта тэныд паныд, – висьталӧ Ыджыдыс, Господь Саваоф, – воис тэнад луныд, тэнӧ мыждан кадыд.


Ӧні Ме сувта тэныд паныд, ковтысын сулалысь кар, вывтасінын сулалысь изкырта, – висьталӧ Господь. – Ме сувта тіянлы паныд, кодъяс шуанныд, некод пӧ оз вермы петны тышӧ миянлы паныд, некод пӧ оз пыр миян сайӧдчанінӧ.


Налӧн кианыс ньӧввуж да шы, найӧ скӧрӧсь, некодӧс оз жалитны, налӧн гӧлӧс шыныс бузгысь саридзлӧн кодь. Найӧ рӧдтӧны вӧвъяс вылын, дасьӧсь тышкасьны тэкӧд, Сион ныв.


Господь Ыджыдыс тадзи висьталӧ: Ме кушта тэнӧ, вӧча тэнӧ овтӧм карӧн. Пыдӧстӧм йирлысь васӧ Ме вая тэ вылӧ, ыджыд ва вевттяс тэнӧ.


Та вӧсна Ме сувта тэныд да тэнад юлы паныд. Ме пазӧда Египет муӧс, вӧча сійӧс овтӧминӧн Мигдолсянь Сиенаӧдз, Эфиопия мудорӧдз.


Ме сувта тэныд паныд, – висьталӧ Господь Саваоф. – Ме лэпта тэнсьыд паськӧм пӧлатӧ да плавга сійӧс чужӧм вылад. Тэнсьыд куш яйтӧ Ме петкӧдла войтыръяслы, тэнсьыд яндзимтӧ – йӧз муын олысьяслы.


Но Господь босьтас сылысь озырлунсӧ, вӧйтас сылысь тышкайӧзсӧ саридзӧ, а карсӧ биӧн сотас.


Тир да Сидон каръясысь ӧксыясӧс, тшӧтш саридз сайын саридздор муясын олысь ӧксыясӧс.


Swiv nou:

Piblisite


Piblisite