Езекиль 26:16 - Коми Библия 2023

¹⁶ Саридздор муясын ӧксыяс асланыс юралан пуклӧсысь чеччасны, пӧрччасны вывсьыныс кышансӧ да вежасны серлӧдлӧм паськӧмнысӧ. Паськӧм моз найӧс полӧмыс вевттяс. Найӧ тіралӧмӧн пуксясны му вылӧ, ӧд весьӧпӧрасны сыысь, мый суис тэнӧ.

Езекиль 26:16 Referans Kwoze

Езекиль 32:10

Войтыръяс весьӧпӧрасны, кор тӧдмаласны, мый Ме вӧча тэныд. Налысь ӧксыяссӧ полӧм-тіралӧм босьтас, кор Аслам шыпуртӧн Ме кута шенасьны налӧн чужӧмбан водзын. Тэнӧ бырӧдан лунӧ найӧ пондасны дзӧрны асланыс олӧм вӧсна.

Иона 3:6

Кор ниневияса ӧксы кыліс та йылысь, сійӧ чеччис юралан пуклӧсысь, пӧрччис ӧксы паськӧмсӧ, пасьталіс шогалан паськӧм да пуксис пӧим пытшкӧ.

Осий 11:10

Господь равӧстас лев моз, и Ефрем мунас Сы бӧрся. Господь равӧстас – сэки тіралӧмӧн локтасны рытыввывсянь Сылӧн пияныс,

Иов 8:22

Тэнӧ мустӧмтысьясӧс вевттяс яналӧм, лёк йӧзлӧн оланіныс бырас.

1 Петыр 5:5

Томджыкъяс, кывзысьӧй вичкоса юрнуӧдысьяслысь. Ставныд кывзысьӧй ӧта-мӧдныдлысь да лоӧй рам сьӧлӧмаӧсь, ӧд вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.

Даниил 5:6

ёна повзис, чужӧмыс сылӧн кельдӧдіс, кокыс лигышмуніс, пидзӧсыс пондіс дзӧрны.

Езекиль 7:8

Регыд Ме кисьта тіян вылӧ Ассьым скӧрлунӧс, Ассьым ярлунӧс петкӧдла тіянлы. Ме мыжда тіянӧс олан туйныд серти, мынтыся зывӧк вӧчӧмсьыныд.

Бӧрданкыв 2:10

Сионса пӧрысь йӧз чӧла пукалӧны му вылын, юрнысӧ коялӧмаӧсь пӧимӧн, гартыштчӧмаӧсь шогалан паськӧмӧ. Ерусалимса нывъяс юрнысӧ копыртӧмаӧсь мулань.

Исай 52:2

Пыркӧд ас вывсьыд буссӧ, чеччы, пленӧ босьтӧм Ерусалим! Шыбит сьылі вывсьыд чептӧ, пленӧ босьтӧм Сион ныв!

Исай 47:1

– Вавилон ныв, лэччы да пуксьы му вылас, пукав му вылас, калдея войтырлӧн ныв, ӧд юралан пуклӧсыд тэнад абу нин. Водзӧ оз нин шуны, мый тэ мелі да шань войтыр.

Петӧм 15:15

Эдомса юралысьяс шӧйӧвошисны, моавса ыджыдалысьяс тіралісны, Ханаан муын олысьяс шогӧ усисны.

Восьтӧм 18:9

Кор сылысь сьӧд тшынӧн сотчӧмсӧ аддзасны мувывса ӧксыяс, кодъяс кырсалісны да лышкыда гажӧдчисны сыкӧд, кутасны сыркъялӧмӧн бӧрдны сы вӧсна.

Исай 41:5

Саридз дорын олысьяс аддзисны, мый Ме вӧчи, найӧ повзисны, мулӧн быд пельӧс пондіс тіравны. Найӧ матыстчисны ӧта-мӧд дінас да ӧтвывтчисны.

Еремей 48:39

Моав вӧсна бӧрдӧны, ӧд сійӧс торпыригӧдз жугӧдӧма, сійӧ пышйӧма, сійӧс янӧдӧма. Моав лоӧ серамтуйын, лоӧ повзьӧдчанторйӧн став орччӧн олысьыслы.

Езекиль 7:27

Ӧксы пондас шогсьыны, юралысьяс повзясны, войтырыс весьӧпӧрас. Ме мынтыся налы олан туйныс серти, мыжда найӧс, кыдзи найӧ мукӧдӧс мыждісны. Сэки найӧ тӧдмаласны, мый Ме – Господь.

Езекиль 16:10

Пасьтӧді серлӧдлӧм паськӧмӧн, кӧмӧді медбур кучик кӧмӧн, кӧрталі юртӧ вӧсни шабді дӧраӧн да вевтти тэнӧ шӧвкӧн.

Езекиль 26:21

Ме вӧча тэнӧ повзьӧдчанторйӧн, тэ пыр кежлӧ быран. Тэнӧ пондасны корсьны, но некор оз аддзыны, – висьталӧ Господь Ыджыдыс».

Езекиль 28:17

Мичлун пондаыд тэ вылӧ кыпӧдчин, нималӧм пондаыд воштін мывкыдлунтӧ. Таысь Ме шыбиті тэнӧ му вылӧ, янӧді ӧксыяс водзын.

Аггей 2:22

путкыльта ӧксыяслысь юралан пуклӧснысӧ, мукӧд войтыръясӧс вӧча вынтӧмӧн. Ме путкыльта тарантасъяс да сэні пукалысьясӧс, вӧвъяс да верзьӧмаяс усясны тышын.

Езекиль 31:15

Господь Ыджыдыс тадзи висьталӧ: тайӧ сус пуыслысь пыдӧстӧминӧ мунан лунсӧ Ме вӧчи бӧрдан лунӧн. Ме тупки пыдӧстӧм йир да сувтӧді сылӧн валысь визувтӧмсӧ, и ваыс дугдіс визувтны. Ме пасьтӧді Ливанӧс сьӧд пемыдас, медым сійӧ шогаліс сус пуыс вӧсна. Став вӧрса пуыс косьмис сус пу вӧсна шогсигӧн.