Езекиль 25:8 - Коми Библия 2023

⁸ Господь Ыджыдыс тадзи висьталӧ: моавсаяс да Сеир керӧсвыв муын олысьяс шуӧны, Иуда войтыр пӧ оз торъяв мукӧд войтыръясысь.

Езекиль 25:8 Referans Kwoze

Еремей 25:21

Ме юктӧді Эдомын да Моавын олысьясӧс, аммон войтырӧс,

Еремей 27:3

Кӧртӧдъяссӧ да сийӧсъяссӧ мӧдӧд тшӧтш эдомса ӧксылы, моавса ӧксылы, аммон войтырлӧн ӧксылы, тирса ӧксылы да сидонса ӧксылы юӧр вайысьяс пыр, кодъяс локтісны Ерусалимӧ иудаса Седекей ӧксы дінӧ.

Исай 25:10

Аслас киӧн Господь видзӧ тайӧ керӧссӧ. Но Моавӧс лоӧ талялӧма аслас оланінын, кыдзи идзас талялӧны куйӧдын.

Индӧд 2:5

энӧ панӧй накӧд тыш. Налӧн муысь Ме тіянлы весиг кок пыдӧс пасьта му ог сет. Ӧд Сеир керӧсвыв мусӧ Ме сеті Исавлы.

Лыд 24:17

Аддза Сійӧс, но ог на ӧні, видзӧда Сы вылӧ, но абу на матын. Яковсянь чужысьяс пӧвстысь кыпӧдчас кодзув, Израиль войтыр пӧвстысь кыптас юралан бедь. Сійӧ пасьвартас моавса юралысьясӧс, бырӧдас Сифсянь чужысьясӧс.

Езекиль 26:2

«Морт пиӧй, Ерусалим йылысь Тирын олысьяс нимкодясьӧмӧн шуалӧны, киссьӧма пӧ войтыръяслы пыраніныс, а воссьӧма миянлы. Ми пӧ кутам озырмӧдчыны, а Иерусалимӧс лоӧ куштӧма.

2 Каднебӧг 32:19

Найӧ шуалісны, мый ерусалимсаяслӧн Енмыс сэтшӧм жӧ, кутшӧм мукӧд войтыръяслӧн енъясыс, кодъясӧс вӧчӧма морт киӧн.

Еремей 12:14

Господь тадзи висьталӧ: «Израиль войтыркӧд орччӧн олысь лёк войтыръясӧс Ме нетшышта асланыс муысь, ӧд найӧ уськӧдчисны Израиль му вылӧ, мый Ме вичмӧді Аслам войтырлы. Иуда войтырӧс тшӧтш нетшышта на пӧвстысь.