14 Тайӧс висьтала Ме, Господь. Мый шуи, вӧча, ог веж Ассьым шуӧмӧс, ог жалит, ог бурсьӧлӧмтчы. Тэнӧ лоӧ мыждӧма лёк оласногыд да уджъясыд серти, – висьталӧ Господь Ыджыдыс».
Морт Пи локтас Батьыслӧн дзирдлунӧн Сылӧн анделъяскӧд да быдӧнлы уджъяс сертиыс мынтысяс.
Израиль войтыр, Ме кута мыждыны тіянӧс олан туйныд серти, – висьталӧ Господь Ыджыдыс. – Бергӧдчӧй мыжъяссьыныд, медым энӧ крукасьӧй мыжныд понда.
Но курыд шог лёк вӧчысьлы! Сылы лоӧ мынтысьӧма уджъясыс серти.
Та вӧсна Ме ог жалит найӧс, ог бурсьӧлӧмтчы на дінӧ. Ме мынтыся налы олан туйныс серти».
Ме ог жалит тэнӧ, ог бурсьӧлӧмтчы тэ дінӧ. Ме мынтыся тэныд олан туйыд серти, зывӧк вӧчӧмсьыд тэ кывкутан. Сэки ті тӧдмаланныд, мый Ме – Господь.
Ме Ачым кыв сетӧмӧн шуа, мый кушӧдз шыра тэнӧ, – висьталӧ Господь Ыджыдыс, – ӧд тэ пежалін Менсьым вежаинӧс аслад пеж уджъясӧн да зывӧкторъясӧн. Ме ог жалит тэнӧ, ог бурсьӧлӧмтчы тэ дінӧ.
Господьлӧн скӧрлуныс оз вешйы, кытчӧдз Сійӧ оз збыльмӧд Ассьыс шуӧмсӧ. Бӧръя лунъясӧ ті тырвыйӧ гӧгӧрвоанныд тайӧс.
Ме зурӧда найӧс ӧта-мӧдас, зурӧда батьяссӧ пияныскӧд ӧтвыв, – висьталӧ Господь. – Ме некодӧс ог жалит, некод дінӧ ог бурсьӧлӧмтчы, жалиттӧг бырӧда найӧс».
Тадзи жӧ Менам кывйӧй, мый петӧ Менам вомысь, оз бергӧдчы Ме дінӧ кушӧн, а вӧчӧ Менам кӧсйӧм серти, вӧчӧ ставсӧ, мый могысь Ме мӧдӧді сійӧс.
Тӧдмалӧй Господьӧс, и аддзанныд, кутшӧм Сійӧ бур! Шуда сійӧ мортыс, коді лача кутӧ Господь вылӧ.
Израильлӧн эскана Енмыс оз пӧръясь да оз соссьы Аслас кывъясысь. Сійӧ абу морт, мед вежны шуӧм кывсӧ».
Енмыс абу морт, оз ылӧдчы. Сійӧ абу морт, кывсӧ оз вежлав. Мый шуас, сійӧс и вӧчас. Мый кӧсйысяс, сійӧс и збыльмӧдас.
Енэжыс да муыс бырас, а Менам кывъясӧй оз бырны.
Ме разӧді найӧс мукӧд войтыръяс пӧвстӧ, ӧні найӧ олӧны мукӧд муясын. Ме мыжді найӧс оласног да уджъяс сертиныс.
Найӧ скӧрпырысь вӧчасны тэныд лёксӧ, мырддясны тэнсьыд ставсӧ, мый удж помсьыд чукӧртін. Найӧ колясны тэнӧ пасьтӧгыд. Тэнад куш яйыд кутас тыдавны, воссяс тэнад лэдзчысьӧм олӧмыд да кырсалӧмыд.
Найӧ локтасны тарантасъясӧн да уна тышкайӧзӧн, уськӧдчасны тэ вылӧ шыпуртъясӧн. Юрнысӧ тупкӧмӧн, ыджыд да ичӧт сайӧдъяс босьтӧмӧн тышкайӧзыс кытшаласны тэнӧ быд боксянь. Ме сета налы мыждыны тэнӧ, и найӧ мыждасны тэнӧ асланыс индӧдъяс серти.
Та вӧсна ме кисьта Ассьым скӧрлунӧс на вылӧ да Аслам ярлуна биӧн бырӧда найӧс. Ме мынтыся налы олан туйныс серти, – висьталӧ Господь Ыджыдыс».
Сыысь, мый тэ вунӧдін том кадтӧ да скӧрмӧдін Менӧ аслад уджъясӧн, Ме мынтыся тэныд олан туйыд серти, – висьталӧ Господь Ыджыдыс. – Тэнад уджъясыд ӧд пежӧсь да зывӧкӧсь.
Та вӧсна Ме кисьта на вылӧ Ассьым скӧрлунӧс, ог жалит найӧс да ог бурсьӧлӧмтчы на дінӧ. Мед гораа горзӧны Меным, но Ме ог кыв найӧс».
Ме ог жалит тіянӧс, ог бурсьӧлӧмтчы тіян дінӧ. Ме мынтыся тіянлы олан туйныд серти, зывӧк вӧчӧмсьыныд ті кывкутанныд. Сэки ті тӧдмаланныд, мый Ме – мыждысь Господь.
Тэнад туйясыд да уджъясыд вайисны тэныд шогсӧ, лёк вӧчӧмсьыд сьӧлӧмыд тырӧма курыд шогӧн.
Господь шуис Мӧисейлы: «Менам киӧй ӧмӧй оз вермы отсавны? Талун тэ аддзан, инас-ӧ Менам кывйӧй».
Меным вӧлі Господьсянь кыв:
Господь Саваоф тадзи висьталӧ: кор тіян батьяс скӧрмӧдісны Менӧ, Ме шуи мыждыны тіянӧс и эг веж Ассьым кывйӧс, – висьталӧ Господь Саваоф. –
Израиль, тэныд воис пом. Ме кисьта тэ вылӧ Ассьым скӧрлунӧс, мыжда тэнӧ олан туйыд серти, мынтыся зывӧк вӧчӧмсьыд.
Регыд Ме кисьта тіян вылӧ Ассьым скӧрлунӧс, Ассьым ярлунӧс петкӧдла тіянлы. Ме мыжда тіянӧс олан туйныд серти, мынтыся зывӧк вӧчӧмсьыныд.
Сэки вӧрса став пуыс тӧдмалас, мый Ме – Господь. Джуджыд пуяссӧ вӧча ляпкыдӧн, а ляпкыд пуяссӧ вӧча джуджыдӧн. Ме кӧ кӧсъя, веж пу косьмӧ, а кос пу вежӧдӧ. Тайӧс висьтала Ме, Господь. Мый шуи, вӧча».
Сійӧ лунӧ корабльяс вылын мӧдӧдчасны Менам юӧр вайысьяс, медым повзьӧдны повтӧг олысь эфиопияса войтырӧс. Найӧ весьӧпӧрасны Египетӧс бырӧдан лунӧ, мый регыд нин лоӧ.