Езекиль 23:19 - Коми Библия 2023

¹⁹ Но сійӧ ёнджыка на кырсаліс. Сылы тӧд вылас уси том кадыс, кор сійӧ кырсавліс Египет муын.

Езекиль 23:19 Referans Kwoze

Езекиль 23:3

Том кадсяньыс найӧ кырсалісны Египетын олігас. Сэні налысь морӧссӧ чабралісны, нывдырся нёньяссӧ шамралісны.

Амос 4:4

Мунӧй Вефильӧ да водзӧ мыж вӧчӧй, мунӧй Галгалӧ да содтӧй мыж вӧчӧмнытӧ. Кӧть быд асыв вайӧй висьяснытӧ, быд куим лун мысти вайӧй дасӧд юкӧннытӧ!

Езекиль 23:21

Тэ, Оголива, бӧр кӧсйин бергӧдчыны аслад томдырся лэдзчысьӧм олӧмад, кор египетсаяс тэнсьыд нёньястӧ шамралісны, нывдырся морӧстӧ чабралісны.

Езекиль 23:14

Но Оголива ёнджыка на кырсаліс. Сійӧ аддзис стенмӧ серлӧдлӧм серпасъяс, кӧні вӧліны гӧрдӧн мавтӧм калдеяса айулов,

Езекиль 23:8

Том кадас на сійӧ пондіс кырсавны Египетын. Египетсаяс узьлісны сыкӧд, шамралісны сылысь нывдырся нёньяссӧ да могмӧдісны ассьыныс колӧм-кӧсйӧмнысӧ. Тайӧ кадсяньыс Огола эз и дугдывлы кырсавнысӧ.

Езекиль 20:7

Ме тшӧкті налы, медым вештасны син водзсьыныс зывӧкторъяссӧ да дугдасны пежавны асьнысӧ египетса идолъясӧн, ӧд Ме – Господь, налӧн Ен.

Езекиль 16:51

Самария тэ дорысь ёна этшаджык мыж вӧчис. Чойясыд дорысь тэ унджык зывӧк уджъяссӧ вӧчин, и ӧткодявны кӧ тэкӧд, найӧ мыжтӧмӧсь лоӧны.

Езекиль 16:29

Тэ кырсалін нӧшта калдеяса вузасьысьяслӧн муын. Но и тайӧ тэныд вӧлі этша на.

Езекиль 16:25

да быд туйвежӧ. Тэ янӧдін ассьыд мичлунтӧ, быд ветлысь-мунысьлы паськӧдлін коктӧ да унджык на кырсалін.

Езекиль 16:22

Зывӧк уджъяс вӧчигад да кырсалігад тэныд юрад эз волы сійӧ кадыс, кор тэ вӧлін пасьтӧм, куйлін вирӧсь да чужъясин.

Олӧм 38:24

Коли тӧлысь куим. Иудалы висьталісны, мый сылӧн Фамар моньыс кырсалӧма да кынӧмасьӧма. Иуда шуис: «Петкӧдӧй сійӧс да сотӧй».

Езекиль 23:18

Оголива восьсӧн кырсаліс, куш яйсӧ ставныслы петкӧдліс. Чойыс моз сійӧ лоис Меным зывӧк.

Езекиль 23:20

Сійӧс ёна кыскис мусукъяс дінас, кодъяслӧн яндзимыс осёллӧн кодь, и кодъяс кӧйдыссӧ кисьтӧны вӧвъяс моз.