Езекиль 22:11 - Коми Библия 2023

¹¹ Кодкӧ матыссаыслӧн гӧтыркӧд зывӧксӧ вӧчӧ, кодкӧ моньсӧ пежалӧ, кодкӧ мырдӧналӧ ассьыс чойсӧ, аслас батьыслысь нывсӧ.

Езекиль 22:11 Referans Kwoze

Ӧксыяслӧн 2 небӧг 13:14

Но Амнон эз кут кывзыны Фамарӧс, а мырдӧналіс сійӧс.

Левит 20:17

Босьтас кӧ кодкӧ гӧтырӧ чойсӧ, батьыслысь нывсӧ либӧ мамыслысь нывсӧ да узяс сыкӧд, тайӧ яндысьтӧмтор. Найӧс мед бырӧдасны войтыр пӧвстысь. Чойыскӧд узьӧмысь мортыс лоӧ мыжа.

Левит 18:15

Эн узьлы моньыдкӧд, ӧд сійӧ пиыдлӧн гӧтыр.

Левит 18:9

Эн узьлы чойыдкӧд, батьыдлӧн нылыскӧд либӧ мамыдлӧн нылыскӧд, чужӧма-ӧ сійӧ ӧти керкаын тэкӧд либӧ абу.

Езекиль 18:11

мый батьыс эз вӧчлы: вись ваян мыльк вылын сёйӧ, мӧдлӧн гӧтыркӧд узьлӧ,

Левит 20:12

Узяс кӧ кодкӧ моньыскӧд, найӧс кыкнаннысӧ колӧ вины. Найӧ зывӧктор вӧчӧны, и найӧ асьныс лоӧны мыжаӧсь асланыс кулӧмысь.

Левит 20:10

Узяс кӧ кодкӧ мӧдлӧн гӧтыркӧд, найӧ кыкнанныс гозъякост олӧм пежалӧны. Найӧс колӧ вины.

Левит 18:20

Мӧдлӧн гӧтыркӧд эн узьлы, эн пежав асьтӧ.

Еврейяслы 13:4

Гозъякост олӧмныд мед лоӧ сӧстӧм, вольпасьныд мед лоӧ пежасьтӧм, ӧд кырсалысьӧс да гозъякост олӧм пежалысьӧс мыждас Ен.

Галатӧ 5:19

Вир-яйлӧн уджыс тӧдса: тайӧ – гозъякост олӧм пежалӧм, кырсалӧм, пеж вӧчӧм, лэдзчысьӧм оласног,

1 Коринфӧ 6:9

Ті ӧмӧй онӧ тӧдӧй, мый лёксӧ вӧчысьяслы оз вичмы Енлӧн Юраланіныс. Энӧ ылӧдлӧй асьнытӧ! Кырсалысьлы, идоллы юрбитысьлы, гозъякост олӧм пежалысьлы, пеж оласногалы, ӧта-мӧдныскӧд узьлысь айуловлы,

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Еремей 29:23

Ӧд Израильын найӧ вӧчисны зывӧкторъяс: найӧ пежалісны гозъякост олӧм мукӧдлӧн гӧтыръяскӧд, Менам нимсянь висьтавлісны ылӧгсӧ, мый Ме эг тшӧктывлы висьтавны. Ме тӧда та йылысь, ӧд Ачым аддзылі тайӧс, – висьталӧ Господь».

Еремей 9:2

Сюрис кӧ меным овтӧминын шойччанін, ме эськӧ эновті ассьым войтырӧс да муні на дінысь. – Найӧ ставныс пежалісны йитӧдӧс, мый Ме кӧрталі накӧд, найӧ – ылӧдчысьяс.

Ӧксыяслӧн 2 небӧг 13:1

Авессаломлӧн, Давид пилӧн, вӧлі Фамар нима зэв мича чой. Сійӧс радейтіс Амнон, Давидлӧн мӧд пиыс.

Индӧд 27:22

”Ёрӧм улӧ веськалӧ быдӧн, коді узьӧ чойыскӧд, батьыслӧн либӧ мамыслӧн нылыскӧд”. И став войтырыс мед шуас: ”Мед лоӧ тадзи!”

Индӧд 22:22

Айловӧс кӧ суасны мӧдлӧн гӧтыркӧд узигӧн, кыкнаннысӧ колӧ вины. Бырӧдӧй Израильысь лёксӧ.

Ӧксыяслӧн 2 небӧг 13:11

Кор Фамар матыстчис Амнон дінӧ, мӧдыс кватитіс сійӧс да шуис: «Лок, вод ме дінӧ, чойӧй».

Езекиль 18:6

оз сёй вись ваян мыльк вылын да оз юрбит Израиль войтырлӧн идолъяслы. Сійӧ оз узьлы мӧдлӧн гӧтыркӧд да оз инмӧдчы аслас гӧтыр дінӧ тӧлысся дырйиыс.

Езекиль 33:26

Ті лачанытӧ кутанныд шыпурт выланыд, зывӧксӧ вӧчанныд да матыссаыдлӧн гӧтыркӧд узьланныд. Тіян-ӧ тайӧ муыс?

Левит 18:6

Тіян пӧвстысь некод мед оз узьлы рӧдвуж аньыскӧд. Ме – Господь.