Езекиль 21:25 - Коми Библия 2023

²⁵ Тэ, Израильлӧн лёк да шогмытӧм ӧксы, тэнӧ мыждан луныс воис, лёк уджъясыдлы воис пом.

Езекиль 21:25 Referans Kwoze

Езекиль 35:5

Тэ важысянь мустӧмтан Израиль войтырӧс. Налӧн шог дырйиныс, найӧс мыждан кадӧ, тэ лэптін на вылӧ шыпурттӧ.

Езекиль 21:29

Аммон войтырлы висьталӧны абутӧмсӧ да ылӧгсӧ. Вавилонса шыпурт суас найӧс, лёксӧ да пежсӧ вӧчысьясӧс, ӧд воис найӧс мыждан луныс, налӧн лёк уджъяслы воис пом.

Езекиль 17:19

Господь Ыджыдыс тадзи висьталӧ: Ме Ачым кыв сетӧмӧн шуа, мый мынтыся сылы уджъясыс серти. Ӧд Ме водзын сетӧм кывсӧ сійӧ нинӧмӧ пуктіс да Ме водзын вынсьӧдӧм сёрнитчӧмсӧ торкис.

Еремей 52:2

Ехояким моз Седекей вӧчис Господь водзын шогмытӧмсӧ.

2 Каднебӧг 36:13

Седекей кыпӧдчис Навукодоносор ӧксылы паныд, кодлы Ен водзын кыв сетіс, мый лоас ӧксылӧн кипод улын. Седекей пыксис да чорзьӧдіс сьӧлӧмсӧ, эз кӧсйы бергӧдчыны Израильлӧн Господь Ен дінӧ.

Езекиль 30:3

ӧд матын Господьлӧн луныс. Матыстчӧ сьӧд кымӧра лун, войтыръясӧс мыждан кад.

Езекиль 7:6

тэныд пом воӧ, тэнӧ бырӧдӧм виччысьӧ.

Еремей 51:13

Вавилон, тэ олан уна ва дорын, тэнад эм уна озырлун, но регыд тэныд воас пом, воас пом тэнад горшасьӧмлы.

Еремей 24:8

Господь тадзи висьталӧ: лёк инжир вотӧслы моз, мый оз позь сёйны, Ме вӧча иудаса Седекей ӧксылы, иудаса юралысьяслы да ерусалимса коляс йӧзлы, кодъяс колясны тайӧ муас либӧ овмӧдчасны Египет муӧ.

Псалтыр 7:9

Господь мыждӧ войтыръясӧс. Мыжды менӧ, Господьӧй, менам веськыдлун да мыжтӧмлун серти.

Псалтыр 37:13

Менсьым олӧмӧс корсьысьяс октӧны меным нальк, меным лёксӧ вӧчны кӧсйысьяс мӧвпалӧны менӧ виӧм йылысь, найӧ быд лун наяна сёрнитӧны меным паныд.

Езекиль 7:2

– Морт пиӧй, [висьтав, мый] Господь Ыджыдыс тадзи висьталӧ: Израиль мулы воис пом. Мусӧ помсянь помӧдз лоӧ бырӧдӧма.

Езекиль 7:3

Израиль, тэныд воис пом. Ме кисьта тэ вылӧ Ассьым скӧрлунӧс, мыжда тэнӧ олан туйыд серти, мынтыся зывӧк вӧчӧмсьыд.

Езекиль 21:12

Горзы, бӧрд, морт пиӧй, ӧд шыпуртыс кыпӧдчис Менам войтырӧй весьтӧ да израильса юралысьяс весьтӧ. Юралысьясӧс войтырӧйкӧд шыпурт улӧ сетӧма. Та вӧсна шогыдла кучкав морӧсад.

Езекиль 21:24

Господь Ыджыдыс тадзи висьталӧ: ті асьныд Меным тӧд вылӧ уськӧданныд мыжнытӧ да лёк вӧчӧмнытӧ, петкӧдланныд тайӧс уджъяснаныд. Та вӧсна тіянӧс лоӧ пленӧ босьтӧма.

Псалтыр 48:13

но весиг нималана морт оз кут пыр овны, сійӧ пемӧс моз тшӧтш кулӧ.

Еремей 49:1

Аммон войтыр йылысь Господь тадзи висьталӧ: – Израильлӧн ӧмӧй абу пияныс, сылӧн ӧмӧй абу пиыс, кодлы овмӧсыс вуджас? Мыйла нӧ Милком идол босьтіс Гад мусӧ, мыйла нӧ сылы юрбитысь войтыр овмӧдчис сэтчӧс каръясӧ?

Еремей 49:2

Воасны лунъяс, – висьталӧ Господь, – кор Ме чукӧста йӧзӧс тышӧ петны аммон войтырлӧн Равва карлы паныд. Сэки Равва кар лоӧ из чукӧрӧн, сыгӧгӧрса сиктъяссӧ биӧн сотасны. Израиль бӧр бергӧдас аслыс мусӧ, мый сылысь босьтісны, – висьталӧ Господь.

Езекиль 25:5

Ме вӧча Равва карнытӧ верблюдъяслы оланінӧн, мунытӧ – ыжъяслы йирсянінӧн. Сэки ті тӧдмаланныд, мый Ме – Господь.

Амос 1:14

Та понда Равва карлысь стенъяссӧ Ме биӧн сота. Тышкайӧзлӧн горзӧм улӧ, ыджыд тӧвнырлӧн омлялӧм улӧ изкарсӧ би ньылыштас.