Езекиль 21:20 - Коми Библия 2023

²⁰ Ӧти туйӧдыс шыпурт мед мунас аммон войтырлӧн Равва карӧ, а мӧд туйӧдыс – Иуда муӧ, зумыдмӧдӧм Ерусалим карӧ.

Езекиль 21:20 Referans Kwoze

Амос 1:14

Та понда Равва карлысь стенъяссӧ Ме биӧн сота. Тышкайӧзлӧн горзӧм улӧ, ыджыд тӧвнырлӧн омлялӧм улӧ изкарсӧ би ньылыштас.

Еремей 49:2

Воасны лунъяс, – висьталӧ Господь, – кор Ме чукӧста йӧзӧс тышӧ петны аммон войтырлӧн Равва карлы паныд. Сэки Равва кар лоӧ из чукӧрӧн, сыгӧгӧрса сиктъяссӧ биӧн сотасны. Израиль бӧр бергӧдас аслыс мусӧ, мый сылысь босьтісны, – висьталӧ Господь.

Езекиль 25:5

Ме вӧча Равва карнытӧ верблюдъяслы оланінӧн, мунытӧ – ыжъяслы йирсянінӧн. Сэки ті тӧдмаланныд, мый Ме – Господь.

Индӧд 3:11

Васанса Ог ӧксы вӧлі рефа войтырысь медбӧръя морт. Сылӧн кӧртысь вӧчӧм гортйыс куйлӧ аммон войтырлӧн Равва карын. Сылӧн гортйыс ӧкмыс гырддза кузьта, нёль гырддза пасьта».

Бӧрданкыв 4:12

Мувывса ӧксыяс эз эскыны, муюгыдын олысьяс эз чайтны, мый дзескӧдысь локтас, вӧрӧг пырас Ерусалим дзиръяӧд.

Исай 22:10

Ерусалимын ті видзӧдалінныд керкаяс да кодсюрӧӧс на пӧвстысь кисьтінныд, медым тайӧ изъяснас дзоньтавны карса стенъяс.

2 Каднебӧг 33:14

Та бӧрти Давид кар ортсыӧ, Офел гӧгӧр, Манассей кыпӧдіс зэв джуджыд стен Гихон ва петанінсянь рытыввылӧ Чери дзиръя дорӧдз. Иуда му пасьтала став изкарӧ сійӧ индіс тышкайӧзӧн веськӧдлысьясӧс.

2 Каднебӧг 32:5

Езекей повтӧг босьтчис уджӧ. Сійӧ выльысь кыпӧдіс жугалӧм карса стен, сувтӧдіс стен вылӧ башняяс, карса стен ортсыладорас кыпӧдіс мӧд стен. Сійӧ зумыдмӧдіс Милло, Давид карлысь юкӧнсӧ. Сійӧ вӧчӧдіс уна сайӧд да шы.

2 Каднебӧг 26:9

Ерусалимын Пельӧс дзиръя дорӧ, Ковтыс дзиръя дорӧ да стен пельӧс дорӧ Озей вӧчис зумыд башняяс.

Ӧксыяслӧн 2 небӧг 12:26

Йоав уськӧдчис аммон войтырлӧн Равва кар вылӧ и босьтіс ӧксылысь изкарсӧ.

Ӧксыяслӧн 2 небӧг 5:9

Давид овмӧдчис изкарӧ да нимтіс сійӧс Давид карӧн. Миллосянь кар шӧрӧдзыс Давид лэптіс керкаяс.