Езекиль 20:6 - Коми Библия 2023

⁶ Сійӧ лунӧ Ме кыв сеті налы, мый петкӧда найӧс Египет муысь сійӧ муас, мый Ме бӧрйи налы, мича да бур муӧ, кӧні визувтӧ йӧв да ма.

Езекиль 20:6 Referans Kwoze

Езекиль 20:15

Овтӧминын Ме киӧс лэптӧмӧн кыв сеті налы, мый ог петкӧд найӧс сійӧ муас, мый кӧсйыси сетны налы, мича да бур муӧ, кӧні визувтӧ йӧв да ма.

Еремей 32:22

Тэ сетін Аслад войтырлы тайӧ мусӧ, кӧні визувтӧ йӧв да ма, мусӧ, мый кыв сетӧмӧн кӧсйысин сетны налӧн батьяслы.

Псалтыр 48:2

Кывзӧй, войтыръяс, сюся кывзӧй, му вылас олысьяс,

Петӧм 3:8

Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.

Закар 7:14

Ме разӧді найӧс войтыръяс пӧвстӧ, кодъясӧс найӧ эз тӧдлыны водзын. Налӧн эновтӧм муыс кушмис, сэтчӧ некод эз кут волыны. Тадзи на вӧсна бур муныс пӧри овтӧминӧ.

Даниил 8:9

Ӧти сюрсянь петіс нӧшта ичӧт сюр. Сійӧ ыджыда быдмис да нюжаліс лунвывлань, асыввывлань да мича мулань.

Петӧм 33:3

Сійӧ нуӧдас тіянӧс муӧ, кӧні визувтӧ йӧв да ма. Ачым Ме ог мун тіянкӧд, медым туяныд Ме эг ви тіянӧс асныралӧм вӧснаныд».

Даниил 11:41

Сэсся сійӧ петас тышӧ мича мулы паныд, и унаӧн куласны. Сылӧн киысь мездмасны сӧмын Эдомын да Моавын олысьяс, тшӧтш унаӧн аммон войтыр пӧвстысь.

Даниил 11:16

Войвывса ӧксы кутас вӧчны, мый кӧсъяс, и некод оз вермы сылы паныд сувтны. Аслас тышкайӧзкӧд сійӧ локтас мича муӧ да бырӧдас сійӧс.

Езекиль 20:42

Ті тӧдмаланныд, мый Ме – Господь, кор Ме вайӧда тіянӧс Израиль муӧ, мый киӧс лэптӧмӧн кӧсйыси сетны тіян батьяслы.

Езекиль 20:23

Овтӧминын Ме киӧс лэптӧмӧн кыв сеті налы, мый разӧда найӧс войтыръяс пӧвстӧ, шыблала найӧс мукӧд муясӧ

Езекиль 20:5

Шу налы, мый Господь Ыджыдыс тадзи висьталӧ: сійӧ лунӧ, кор Ме бӧрйи Израиль войтырӧс, Ме восьті Ачымӧс Яков рӧдлы Египет муын да киӧс лэптӧмӧн кыв сеті налы, мый Ме – Господь, налӧн Ен.

Еремей 11:5

Сэки эськӧ Ме збыльмӧді Ассьым кыв сетӧмӧс. Ӧд Ме кыв сетӧмӧн кӧсйыси сетны тіян батьяслы му, кӧні визувтӧ йӧв да ма. Ӧні ті оланныд тайӧ муас». Ме вочавидзи: «Господьӧй, тайӧ збыльысь тадзи!»

Нав Исус 5:6

Ӧд Израиль войтыр нелямын [кык] во чӧж ветлӧдліс овтӧминті. [Та вӧсна унаӧс абу на вӧлі вундыштӧма.] Египетысь петӧм израильса тышкайӧз эз нин вӧвны ловъяӧсь, ӧд найӧ эз кывзысьны Господьлысь. Господь кыв сетӧмӧн шуліс налы, мый найӧ оз аддзыны мусӧ, кӧні визувтӧ йӧв да ма, мусӧ, мый налӧн батьяслы кыв сетӧмӧн Господь кӧсйысис сетны миянлы.

Индӧд 32:8

Кор Медвылыссаыс юкліс войтыръяслы му, кор разӧдіс-овмӧдіс йӧзсӧ му пасьтала, Сійӧ индіс мудоръяс Израиль пиян лыд серти.

Индӧд 31:20

Ме вайӧда найӧс [бур] муӧ, мый йылысь кыв сеті налӧн батьяслы, муӧ, кӧні визувтӧ йӧв да ма. Сэні найӧ кутасны пӧттӧдзныс сёйны да тшӧгасны. Та бӧрын найӧ бергӧдчасны мукӧд енъяслань да кутасны юрбитны налы. А Менӧ найӧ эновтасны да торкасны йитӧдӧс, мый Ме кӧрталі накӧд.

Индӧд 27:3

Тайӧ изъяс вылас гижӧй Индӧд кывъяссӧ, кор вуджанныд Йӧрдан ю сайӧ да пыранныд сійӧ муас, мый Господь, тіян Енныд, сетас тіянлы, муас, кӧні визувтӧ йӧв да ма. Тайӧ мусӧ тіянлы кӧсйысис сетны Господь, тіян батьяслӧн Ен.

Индӧд 26:15

Видзӧдлы Аслад вежа оланінсянь, енэжсяньыд, да бурси Ассьыд Израиль войтыртӧ да тайӧ мусӧ, кӧні визувтӧ йӧв да ма, мусӧ, мый Тэ сетін миянлы, кыдзи кыв сетӧмӧн кӧсйысин миян батьяслы”.

Индӧд 26:9

Сійӧ вайӧдіс миянӧс татчӧ, сетіс миянлы тайӧ мусӧ, кӧні визувтӧ йӧв да ма.

Индӧд 11:9

кӧні визувтӧ йӧв да ма. Ті кутанныд дыр овны сійӧ муас, мый Господь кыв сетӧмӧн кӧсйысис сетны тіян батьяслы да насянь чужысьяслы.

Индӧд 6:3

Кывзы, Израиль! Олӧй тайӧ тшӧктӧмъясыс серти, медым тіянлы вӧлі бур да медым сійӧ муас, кӧні визувтӧ йӧв да ма, ті чужинныд-рӧдминныд, кыдзи висьталіс тіянлы Господь, тіян батьяслӧн Ен. [Господь Ен сетіс Израиль пиянлы тайӧ индӧд-тшӧктӧмъяссӧ овтӧминын Египетысь петӧм бӧрын.]

Лыд 14:8

Ми кӧ лоам Господьлы шогманаӧсь, Сійӧ вайӧдас миянӧс сэтчӧ да сетас миянлы тайӧ мусӧ, кӧні визувтӧ йӧв да ма.

Лыд 13:27

Кадешӧ, Паран овтӧминӧ, Мӧисей, Аарон да став Израиль войтыр дінӧ. Найӧ висьтасисны, мый аддзылісны, да петкӧдлісны вайӧм вотӧссӧ.

Левит 20:24

А тіянлы Ме шуи, мый ті босьтанныд налысь мусӧ. Ме сета тіянлы му, кӧні визувтӧ йӧв да ма. Ме – Господь, тіян Енныд. Ме торйӧді тіянӧс мукӧд войтыръясысь.

Петӧм 13:5

Господь [тіян Енныд] кыв сетӧмӧн кӧсйысис тіян батьяслы, мый сетас тіянлы ханаансаяслысь, хеттейяслысь, аморейяслысь, хивейяслысь да евуссаяслысь [и гергесейяслысь да перезейяслысь] мусӧ, кӧні визувтӧ йӧв да ма. Кор Сійӧ вайӧдас тіянӧс сэтчӧ, сэки тайӧ тӧлысяс ті вӧчӧй тшӧктӧмыс серти.

Петӧм 3:17

Ме шуи, мый Ме мезда тіянӧс египетсаяслӧн дзескӧдӧмысь да петкӧда ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ, кӧні визувтӧ йӧв да ма”.

Петӧм 6:8

Ме нуӧда тіянӧс муӧ, мый киӧс лэптӧмӧн кӧсйыси сетны Ӧвраамлы, Исааклы да Яковлы. Ме сета сійӧс тіянлы, ӧд Ме – Господь».

Индӧд 32:40

Ме кыпӧда киӧс енэжланьыс, [веськыд киӧс лэптӧмӧн] шуа: Ме – пыр олысь Ен,

Псалтыр 106:24

Найӧ аддзисны Господьлысь уджъяссӧ, пыдӧстӧм ваысь Сылысь шензьӧданаторъяссӧ.

Езекиль 47:14

Сетӧй быд чужанкотырлы ӧтыджда му. Ме киӧс лэптӧмӧн кӧсйыси сетны тайӧ мусӧ тіян батьяслы, та вӧсна сійӧ вичмас тіянлы.

Индӧд 3:25

Ыджыдӧй, лэдз меным вуджны Йӧрдан ю да видзӧдлыны сэтчӧс бур мусӧ – мича керӧсвыв му да Ливан”.

Неемий 9:9

Тэ аддзин миян батьяслысь Египетын сьӧкыдалӧмсӧ, кылін налысь горзӧмсӧ Гӧрд саридз дорын.

Неемий 9:12

Луннас Тэ нуӧдін найӧс кымӧр сюръяӧн, войнас Тэ югзьӧдін налысь туйсӧ биа сюръяӧн.

Псалтыр 47:5

Ӧксыяс чукӧртчисны, медым сувтны Сионлы паныд.

Еремей 3:19

– Ме, Господь, мӧвпышті, мый войтыръяс пӧвстысь Ме бӧръя тэнӧ, сета тэныд бур му, вичмӧда войтыръяслысь мича мусӧ. Ме чайті, тэ пондан шуны Менӧ Батьӧн да он бергӧдчы Меысь.