Езекиль 20:48 - Коми Библия 2023

⁴⁸ Сэки быдӧн аддзас, мый Ме, Господь, ӧзті би, и сійӧ оз кус».

Езекиль 20:48 Referans Kwoze

Еремей 7:20

Та вӧсна Господь Ыджыдыс тадзи висьталӧ: Менам скӧрлунӧй да ярлунӧй киссяс тайӧ местаыс вылӧ, йӧз и ыж-мӧс вылӧ, пуяс и быдтас-вотӧс вылӧ. Менам скӧрлунӧй ыпнитас и оз кус.

Исай 26:11

Господьӧй, Ассьыд китӧ Тэ лэптӧмыд вылӧ, но лёк вӧчысьяс оз аддзыны сійӧс. А кор аддзасны, лоӧ юръяндзим налы, кодъяс мустӧмтӧны Тэнсьыд войтыртӧ. Тэныд паныд сувтысьясӧс сотас би.

Еремей 17:27

Но ті кӧ онӧ кывзӧй Менӧ, и шойччан луныс тіянлы оз ло вежа, а кутанныд шойччан лунӧ ветлыны нопйӧн ерусалимса дзиръяӧд, сэки тайӧ дзиръяяссӧ Ме биӧн сота. Биыс ньылыштас Ерусалимлысь керкаяссӧ, и некод оз кусӧд сійӧс».

Еремей 21:12

ті, Давидлӧн рӧдыс! Господь тадзи висьталӧ: водз асывсяньыс мыждӧй веськыда, увтыртӧмаӧс мездӧй дзескӧдысьлӧн киысь, медым Менам скӧрлунӧй эз ыпнит би моз, медым тіян лёк вӧчӧмъясныд вӧсна Менам скӧрлунӧй эз паськав кусӧдны позьтӧм яр би моз.

Еремей 21:14

Ме мыжда тіянӧс уджъясныдлӧн вотӧсыс серти, – висьталӧ Господь. – Тіян вӧрын Ме песта би, и сійӧ ставсӧ гӧгӧр ньылыштас.

Езекиль 19:14

Сылӧн пучӧрысь ыпнитіс би, кутчысис вожъясас, ньылыштіс вотӧссӧ. Ён вожъясысь нинӧм эз коль, медым юралан бедь вӧчны. Тайӧ – бӧрдӧдчанкыв, сійӧс сьылӧны шог дырйи.

Езекиль 21:32

Тэнӧ ньылыштас би, вирыд брызьмунас му вылӧ, и тэнӧ вунӧдасны. Тайӧс висьталі Ме, Господь».