Езекиль 20:23 - Коми Библия 2023

²³ Овтӧминын Ме киӧс лэптӧмӧн кыв сеті налы, мый разӧда найӧс войтыръяс пӧвстӧ, шыблала найӧс мукӧд муясӧ

Езекиль 20:23 Referans Kwoze

Левит 26:33

Ме разӧда тіянӧс войтыръяс пӧвстӧ, бӧрсяньныд вӧтча шыпуртӧн. Тіян муныд овтӧммас, каръясныд киссясны.

Езекиль 20:15

Овтӧминын Ме киӧс лэптӧмӧн кыв сеті налы, мый ог петкӧд найӧс сійӧ муас, мый кӧсйыси сетны налы, мича да бур муӧ, кӧні визувтӧ йӧв да ма.

Еремей 15:4

Сыысь, мый Езекейлӧн Манассей пиыс, иудаса ӧксы, вӧчис Ерусалимын, Ме вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои.

Псалтыр 106:27

Найӧс шатлӧдліс код мортӧс моз, найӧ ӧдва сулалісны кок йыланыс, налӧн став кужӧмлуныс бырис-вошис.

Индӧд 32:40

Ме кыпӧда киӧс енэжланьыс, [веськыд киӧс лэптӧмӧн] шуа: Ме – пыр олысь Ен,

Индӧд 4:27

Господь разӧдас тіянӧс мукӧд войтыръяс пӧвстӧ. Сэні, кытчӧ Господь вӧтлас тіянӧс, ті лоанныд этша лыдаӧсь.

Псалтыр 44:11

Кывзы, нылӧй, сюся кывзы! Вунӧд ассьыд войтыртӧ да бать керкатӧ.

Езекиль 22:15

Ме разӧда тэнӧ войтыръяс пӧвстӧ, шердъя мукӧд муясӧ. Ме пукта пом тэнад пеж уджъяслы.

Езекиль 44:12

Сыысь, мый найӧ кесъялісны Израиль войтырлы идолъяс водзаныс да тайӧн мыжӧ кыскисны войтырӧс, Ме лэпті на вылӧ Ассьым киӧс, – висьталӧ Господь Ыджыдыс. – Мыжныс вӧсна найӧ нуасны мыждӧм.

Езекиль 11:16

Та вӧсна шу, мый Господь Ыджыдыс тадзи висьталӧ: Ме вӧтлі найӧс мӧд муясӧ мукӧд войтыръяс пӧвстӧ, но сэні Ме Ачым лои налы вежаинӧн.