Езекиль 20:20 - Коми Библия 2023

²⁰ Видзӧй Менсьым вежа шойччан лунӧс. Тайӧ луныс лоӧ Ме да тіян костын пасӧн, медым ті тӧдінныд, мый Ме – Господь, тіян Енныд.

Езекиль 20:20 Referans Kwoze

Еремей 17:22

Шойччан лунӧ энӧ петӧй гортсьыныд нопйӧн, энӧ вӧчӧй некутшӧм удж. Шойччан луныс мед лоӧ тіянлы вежа, кыдзи Ме тшӧкті тіян батьяслы.

Исай 58:13

Тэ кӧ видзан коктӧ шойччан лун торкӧмысь, он кӧ ов аслад кӧсйӧм серти Менам вежа лунӧ, шуан кӧ шойччан лунсӧ олан гажӧн, пыдди пуктан кӧ Господьлысь вежа лунсӧ, видзан кӧ асьтӧ быдлунся удж вӧчӧмысь, ас кӧсйӧм серти олӧмысь да нинӧм абусӧ сёрнитӧмысь,

Езекиль 44:24

Попъяслы колӧ ёрдын видлавны вензьӧмъяс да веськыда мыждыны Менам тшӧктӧмъяс серти. Налы колӧ вежӧдны Менсьым шойччан лунӧс да тӧждысьны, медым Менсьым вежа гажӧдчан лунъяс пасйисны Менам индӧд-тшӧктӧмъяс серти.

Езекиль 20:12

Ме инді налы шойччан лун. Тайӧ луныс лоӧ Ме да на костын пасӧн, медым найӧ тӧдісны, мый Ме – Господь, найӧс Вежӧдысь.

Еремей 17:27

Но ті кӧ онӧ кывзӧй Менӧ, и шойччан луныс тіянлы оз ло вежа, а кутанныд шойччан лунӧ ветлыны нопйӧн ерусалимса дзиръяӧд, сэки тайӧ дзиръяяссӧ Ме биӧн сота. Биыс ньылыштас Ерусалимлысь керкаяссӧ, и некод оз кусӧд сійӧс».

Еремей 17:24

А ті кӧ кутанныд кывзысьны Менсьым, – висьталӧ Господь, – шойччан лунӧ кӧ онӧ кутӧй пыртны нопнытӧ тайӧ карыслӧн дзиръяӧд да онӧ кутӧй вӧчны некутшӧм удж, но шойччан луныс лоӧ тіянлы вежа,

Петӧм 20:11

Ӧд квайт лун чӧж Господь вӧчис енэжсӧ, мусӧ, саридзсӧ да ставсӧ, мый сэні эм, а сизимӧд луннас Сійӧ шойччис. Та вӧсна Господь бурсиис шойччан лун да вежӧдіс сійӧс.

Исай 56:2

Шуда сійӧ мортыс, коді олӧ веськыда, коді кутчысьӧ веськыдлунас, коді пыдди пуктӧ шойччан лун, оз пежав сійӧс, коді видзӧ ассьыс кисӧ лёк вӧчӧмысь.

Езекиль 20:26

Найӧ сотлісны биын ассьыныс медводдза чужысь пиянсӧ. Ме лэдзи налы пежавны асьнысӧ татшӧм висьяснас, но ысті на пӧвстӧ ыджыд полӧм да сеті налы тӧдны, мый Ме – Господь.

Петӧм 20:8

Эн вунӧд шойччан лунтӧ. Сійӧ мед лоас тэныд вежа.

Езекиль 22:8

Меным сиӧм вежаторъясӧс нинӧмӧ пуктӧны, Менсьым шойччан лунӧс пежалӧны.