Езекиль 19:12 - Коми Библия 2023

¹² Но сійӧс лёкысь нетшыштісны, шыбитісны муӧ, и асыв тӧв косьтіс сылысь вотӧссӧ. Чегъялӧм ён вожъясыс косьмисны, найӧс би ньылыштіс.

Езекиль 19:12 Referans Kwoze

Осий 13:15

Мед кӧ Ефрем аслас вокъяс пӧвстын вайӧ вотӧс, но петас асыв тӧв, овтӧминсянь пондас пӧльтны Господьлӧн тӧвнырыс, и Ефремлӧн юкмӧсыс кушмас, ва петаніныс косьмас. Сылысь озырлунсӧ петкӧдасны, став донаторсӧ мырддяласны.

Езекиль 17:10

Сійӧ вужъясьӧма да быдмӧ. Но мый лоас сыкӧд? Асыв тӧв петас да косьтас сійӧс. Кӧні быдмис, сэні и косьмас».

Исай 27:11

Пуяс косьмасны, локтасны аньяс, чегъяласны увъяссӧ да сотасны найӧс. Тайӧ войтырыс мывкыдтӧм, та вӧсна найӧс Вӧчысь оз бурсьӧлӧмтчы на дінӧ, Сійӧ оз бурав на дінӧ.

Езекиль 19:11

Ёнӧсь вӧліны вожъясыс, юралан бедьяс наысь вӧчисны. Сійӧ пашкыртчис да вылӧ кыпӧдчис, лои джуджыд да уна вожа, та вӧсна ылӧдз тыдаліс.

Езекиль 15:4

Кор сійӧс шыбитӧны биӧ, сійӧ сотчӧ кыкнан помсяньыс, сэсся сотчӧ шӧрыс. А мый кольӧ, сыысь нинӧм он вӧч.

Еремей 31:28

Водзын Ме тӧждыси, медым нетшкыны-пазӧдны, жугӧдны-бырӧдны найӧс да лёксӧ вӧчны налы. Ӧні Ме тадзи жӧ тӧждыся, медым лэптыны да быдтыны найӧс, – висьталӧ Господь.

Иоан 15:6

Коді оз ло Ме пытшкын, увйӧс моз сійӧс шыбитасны ортсӧ, кӧні сійӧ косьмас. А косьмӧм увъястӧ чукӧртӧны да шыбитӧны биӧ.

Матвей 3:10

Черыс пу вужйыс дорын нин куйлӧ. Пуыс кӧ оз вай бур вотӧс, сійӧс кералӧны да шыбитӧны биӧ.

Езекиль 28:17

Мичлун пондаыд тэ вылӧ кыпӧдчин, нималӧм пондаыд воштін мывкыдлунтӧ. Таысь Ме шыбиті тэнӧ му вылӧ, янӧді ӧксыяс водзын.

Еремей 22:30

Господь тадзи висьталӧ: Еконей йылысь гижӧй, мый сылӧн ныв-пиыс эз вӧв, став олӧм чӧжыс сылӧн нинӧм эз артмы, ӧд сысянь чужысь оз пуксьы Давидлӧн юралан пуклӧсӧ, оз кут юравны Иуда муын.

Псалтыр 80:16

Менӧ мустӧмтысьяс эськӧ леститчисны Ме водзын, и тайӧ вӧлі эськӧ налӧн пайыс нэмъяс чӧж.

Псалтыр 52:5

Мыйла оз мывкыдсявны лёксӧ вӧчысьяс? Найӧ нянь моз сёйӧны менсьым войтырӧс, оз шыасьны Ен дінӧ.

Ӧксыяслӧн 4 небӧг 24:6

Ехояким куліс да вуджис батьясыс дінӧ. Ехояким бӧрти ӧксыӧ пуксис сылӧн Еконей пиыс.

Ӧксыяслӧн 4 небӧг 23:34

Неко фараон пуктіс ӧксыӧ Иосейлысь Эляким писӧ да сетіс сылы Ехояким ним. Иохазӧс фараон нуӧдіс Египетӧ, кӧні Иохаз куліс.

Ӧксыяслӧн 4 небӧг 23:29

Иосейлӧн ӧксыалігӧн Неко фараон, египетса ӧксы, мӧдӧдчис Ефрат ю дорӧ ассурса ӧксылы отсӧг вылӧ. Иосей ӧксы петіс фараонлы паныд тышӧ, но Мегиддо кар дорын фараон виис сійӧс.

Индӧд 32:22

Менам скӧрлунысь ӧзйис би, пыдӧстӧминӧдз сійӧ сотӧ ставсӧ. Мусӧ ньылыштӧ став быдтас-вотӧснас, керӧсъяс чишкалӧ подулӧдзыс.

Индӧд 29:28

Дӧзмӧмӧн, скӧралӧмӧн да ыджыд лӧглунӧн Господь нетшыштіс найӧс асланыс муысь да шыбитіс мӧд муӧ, кӧні найӧ ӧні на олӧны”.

Исай 27:8

Кор Тэ ӧтдортлін Израиль войтырӧс, Тэ чирыштлін найӧс этш тӧдӧмӧн. Асыв тӧв моз Тэ вӧтлін найӧс Аслад вына пӧльыштӧмнад.

Бӧрданкыв 2:1

Кымӧрӧн моз скӧрлуннас Господь вевттис Сион нылӧс! Енэжсянь му вылӧ Сійӧ шыбитіс Израильлысь ошйысянторсӧ, Аслас скӧралан лунӧ эновтіс Ассьыс кокувсӧ.

Иона 4:8

А кор петіс шонді, Ен ыстіс чизыр асыв тӧв. Шонді пӧжис Ионалысь юрсӧ. Сійӧ дзикӧдз лёшмуніс да виччысис кулӧм. Иона шуаліс: «Бурджык меным кувны олӧм дорысь».

Езекиль 15:2

«Морт пиӧй, вӧрса пуяс дорысь мыйӧн бурджык виноград пу?