Езекиль 18:20 - Коми Библия 2023

²⁰ Кулас сӧмын мыж вӧчысьыс. Пиыс оз кывкут батьыслӧн мыж вӧсна, и батьыс пиыслӧн мыж вӧсна оз кывкут. Енмыс мынтысяс веськыда олысьлы сылӧн веськыдлуныс серти, а лёк вӧчысьлы – сылӧн лёклуныс серти.

Езекиль 18:20 Referans Kwoze

Ӧксыяслӧн 4 небӧг 14:6

Но налысь челядьсӧ эз ви, а вӧчис Господьлӧн тшӧктӧм серти, кыдзи гижӧма Мӧисей Индӧдын: «Пиыслӧн мыж вӧсна батьсӧ оз ков вины, и батьыслӧн мыж вӧсна писӧ оз ков вины. Быдӧнӧс аслас мыж вӧсна мед лоӧ мыждӧма кулӧм вылӧ».

Индӧд 24:16

Пиыслӧн мыж вӧсна батьсӧ оз ков вины, и батьыслӧн мыж вӧсна писӧ оз ков вины. Быдӧнӧс аслас мыж вӧсна мед лоӧ мыждӧма кулӧм вылӧ.

Езекиль 18:4

Став йӧзыс Менам киын. Батьыслӧн и пиыслӧн олӧмыс – Менам киын. Коді мыжсӧ вӧчис, сійӧ и кулас.

2 Каднебӧг 25:4

Но налысь челядьсӧ эз ви, а вӧчис Господьлӧн тшӧктӧм серти, кыдзи гижӧма Мӧисей Индӧдын: «Пиыслӧн мыж вӧсна батьсӧ оз ков вины, и батьыслӧн мыж вӧсна писӧ оз ков вины. Быдӧн мед аслас мыж вӧсна кулас».

Матвей 16:27

Морт Пи локтас Батьыслӧн дзирдлунӧн Сылӧн анделъяскӧд да быдӧнлы уджъяс сертиыс мынтысяс.

Ӧксыяслӧн 3 небӧг 8:32

сэки Тэ кыв енэжсяньыд да веськыда мыжды ассьыд кесйӧгъястӧ: мыжаӧс мыжды, мед сылы юр вылас усьӧ аслас мыжыс, а мыжтӧмӧс дорйы да мынтысь сылы веськыдлуныс серти.

Восьтӧм 20:12

Ме аддзи гырысь да ичӧт кулӧмаясӧс, найӧ сулалісны Ен водзын. Сэні вӧліны восьса небӧгъяс. Сэсся восьтісны нӧшта ӧти небӧг – Олӧмыслысь небӧг. Кулӧмаясӧс мыждісны налӧн уджъясныс серти, мый вӧлі гижӧма небӧгъясас.

2 Каднебӧг 6:23

сэки Тэ кыв енэжсяньыд да веськыда мыжды Ассьыд кесйӧгъястӧ: мыжаӧс мыжды, мед сылы юр вылас усьӧ аслас мыжыс, а мыжтӧмӧс дорйы да мынтысь сылы веськыдлуныс серти.

Лыд 18:1

Господь шуис Ааронлы: «Тэ, пияныд да батьыдлӧн рӧдыс нуанныд мыжсӧ, вежаин йылысь тшӧктӧмъяссӧ кӧ лоӧ торкӧма. А попъясӧн кесъялӧм йылысь тшӧктӧмъяссӧ кӧ лоӧ торкӧма, сэки мыжсӧ нуан тэ пияныдкӧд.

Восьтӧм 2:23

Езавельлӧн челядьлы Ме мӧдӧда кулӧм. Сэки быд вичко кутас тӧдны, мый Ме эм сьӧлӧм пытшкӧс да мӧвпъяс Тӧдысь, Ме мынтыся тіянлы уджъясныд серти.

Левит 5:17

Коді тӧдлытӧг мыж вӧчӧмнас торкас Господьлысь тшӧктӧмсӧ и вӧчас сійӧ, мый вӧчнысӧ оз позь, лоӧ мыжа, сылы колӧ кывкутны аслас мыж вӧсна.

Езекиль 33:10

Морт пиӧй, висьтав Израиль войтырлы: ті шуаланныд, мыжъясным да лёк вӧчӧмъясным пӧ личкӧны миянӧс, и на вӧсна пӧ ми косьмам-сісьмам, ловйӧн огӧ кольӧй.

Исай 53:11

Аслас уджыс вылӧ видзӧдігӧн Сійӧ кутас нимкодясьны. Менсьым кӧсйӧмӧс тӧдӧмӧн Менам веськыда олысь Кесйӧгӧй унаӧс вӧчас веськыдӧн, босьтас Ас вылас налысь мыжъяссӧ.

Левит 5:1

Мортыс кӧ тӧдӧ кодӧскӧ ёрӧм йылысь, но ёрд водзын оз висьтав та йылысь, сійӧ лоӧ мыжа.

1 Петыр 2:24

Миянлысь мыжъяснымӧс Аслас вир-яйын Сійӧ кыпӧдіс крест вылӧ, медым ми дугдім вӧчны мыжсӧ да олім веськыда. Сылӧн дойясӧн ті бурдінныд.

Еврейяслы 9:28

Тадзи Кристос ӧтчыдысь вайис Асьсӧ вись пыдди, медым бырӧдны мыжсӧ став йӧзыслысь. Мӧдысь Сійӧ локтас оз мыж бырӧдӧм могысь, но медым мездыны найӧс, кодъяс виччысьӧны Сійӧс.

Езекиль 18:13

уджйӧзӧн сетӧ, а бӧрсӧ содтӧдӧн босьтӧ. Татшӧм мортыс кутас ӧмӧй овны? Оз. Сійӧ оз кут овны. Татшӧм зывӧк ужъяссӧ вӧчысь кулас, сійӧ ачыс лоӧ мыжа аслас кулӧмысь.

Левит 19:8

Коді сёяс татшӧм яйсӧ, лоӧ мыжа, ӧд Господьлысь вежаторсӧ пежаліс. Сійӧс лоӧ бырӧдӧма аслас войтыр пӧвстысь.

Езекиль 18:30

Израиль войтыр, Ме кута мыждыны тіянӧс олан туйныд серти, – висьталӧ Господь Ыджыдыс. – Бергӧдчӧй мыжъяссьыныд, медым энӧ крукасьӧй мыжныд понда.

2 Каднебӧг 6:30

сэки Тэ кыв найӧс енэжсяньыд, Аслад оланінсянь, да прӧстит найӧс. Тэ ӧд тӧдан быдӧнлысь сьӧлӧмсӧ, сӧмын ӧтнадӧн Тэ тӧдан мортлысь сьӧлӧмсӧ. Мынтысь быдӧнлы сылӧн уджъясыс серти,

Ӧксыяслӧн 3 небӧг 14:13

Став Израиль войтыр кутас бӧрдны-шогсьыны сы вӧсна. Еровам рӧдысь сійӧс ӧтнассӧ дзебасны морт ногӧн, ӧд Еровам рӧдын сӧмын сы пытшкысь Господь, Израильлӧн Ен, аддзис бурсӧ.

Левит 16:22

Израиль войтырлысь став мыжсӧ тайӧ кӧзаыс нуас ас вылас овтӧминӧ. Кӧзасӧ вӧтлӧм бӧрын

Левит 10:17

«Мыйла ті энӧ сёйӧй мыжысь висьсӧ? Сійӧс колӧ вӧлі сёйны вежаинын, ӧд сійӧ – вежасьыс-вежатор. Господь индӧма сійӧс тіянлы, медым босьтінныд-вештінныд войтырлысь мыжсӧ Господь водзын.

Езекиль 4:4

Вод шуйга бок вылад да босьт ас вылад Израиль войтырлысь мыжсӧ. Став кад чӧжыс, мый дыра тэ кутан куйлыны шуйга бок вылад, кутан нуны Израиль войтырлысь мыжсӧ.

Лыд 15:31

ӧд сійӧ мустӧмтіс Господьлысь кывсӧ да торкис Сылысь тшӧктӧмсӧ. Тайӧ мортсӧ лоӧ бырӧдӧма, мыжыс кольӧ сы вылӧ».

Езекиль 14:14

Весиг кӧ сэні олісны Ной, Даниил да Иов, найӧ эськӧ асланыс веськыдлунӧн сӧмын асьнысӧ мездісны, – висьталӧ Господь Ыджыдыс. –

Езекиль 14:16

весиг сэки, – висьталӧ Господь Ыджыдыс, – тайӧ куим мортыс эськӧ эз вермыны мездыны ныв-пинысӧ. Мездмисны эськӧ сӧмын асьныс, а муыс овтӧммис. Тайӧс Ме Ачым кыв сетӧмӧн шуа.

Езекиль 33:6

Локтысь тышкайӧзӧс аддзигӧн кӧ видзысь оз буксы буксанӧн да оз юӧрт войтырыслы вӧрӧг локтӧм йылысь, сэки вӧрӧг локтас да виас йӧзӧс. Быдӧн кулас аслас мыж вӧсна, но шыпурт улӧ веськалӧм мортлӧн вирысь Ме водзӧс перъя видзысьлысь.

Петӧм 32:33

Господь шуис Мӧисейлы: «Аслам небӧгысь Ме вушта нимсӧ сылысь, коді мыж вӧчис Меным паныд.