Езекиль 17:21 - Коми Библия 2023

²¹ Иудаса ӧксылӧн тышкайӧзыс пышъясны, но шыпурт улӧ шедасны, а ловйӧн кольӧмаясӧс разӧдасны нёльнан му пельӧсӧ. Сэки ті тӧдмаланныд, мый тайӧс висьталі Ме, Господь.

Езекиль 17:21 Referans Kwoze

Ӧксыяслӧн 4 небӧг 25:11

А карас кольӧм войтырсӧ, весиг вавилонса ӧксы дор вуджӧм йӧзӧс, Навузардан, ӧксыӧс видзысьяслӧн юралысь, нуӧдіс Вавилонӧ.

Ӧксыяслӧн 4 небӧг 25:5

Но калдеяса тышкайӧз вӧтчисны ӧксы бӧрся да суӧдісны сійӧс Ерикон кардорса ковтысын. Ӧксылӧн тышкайӧзыс эновтісны сійӧс да пышйисны-разалісны.

Езекиль 12:14

Юралысьныс дор сулалысьясӧс, сылысь отсасьысьяссӧ да тышкайӧзсӧ, Ме тӧвйыв разӧда и бӧрсяньыс шыпуртӧн вӧтча.

Езекиль 5:12

Тэнад олысьяс пӧвстысь ӧти пайыс кулас пӧрӧс висьӧмысь да тшыгъялӧмысь. Мӧд пайыс шыпурт помысь кулас тэнад стен сайын. А коймӧд пайсӧ Ме тӧвйыв разӧда. Ме перъя шыпуртӧс да вӧтӧда найӧс.

Амос 9:1

Ме аддзылі висьпуктанін дорын сулалысь Господьӧс. Сійӧ шуис: – Кучкы вылісяньыс сюръяясӧ, медым ӧдзӧс тагӧсъяс вӧрзясны. Пӧрӧд сюръяяссӧ йӧзыслы юр выланыс. Коді ловйӧн кольӧ, сійӧс Ме шыпуртӧн виа – некод оз вермы пышйыны-мездысьны.

Езекиль 15:7

Ме сувта налы паныд. Найӧ вермасны петны биысь, но мӧд би ньылыштас найӧс. Кор Ме сувта налы паныд, сэки ті тӧдмаланныд, мый Ме – Господь.

Езекиль 13:23

Водзӧ ті онӧ нин кутӧй абутӧмсӧ аддзыны да ылӧгсӧ юӧртны. Ме мезда Ассьым войтырӧс тіян киысь, сэки ті тӧдмаланныд, мый Ме – Господь».

Езекиль 13:14

Ме жугӧда стенсӧ, налысь еджыдӧн мавтӧм стенсӧ пасьварта, кисьта сійӧс подулӧдзыс. И кор сійӧ жмуткысяс, сыкӧд тшӧтш ылӧг пророкъяс куласны. Сэки ті тӧдмаланныд, мый Ме – Господь.

Езекиль 6:10

и тӧдмаласны, мый Ме – Господь. Тӧдмаласны, мый Менам вӧлі помка, мыйла Ме шуи шог ыстыны на вылӧ.

Езекиль 6:7

Тіян пӧвстысь унаӧс лоӧ виӧма. Сэки ті тӧдмаланныд, мый Ме – Господь!

Езекиль 5:10

Батьыс кутас сёйны писӧ, а пияныс кутасны сёйны батьнысӧ. Ме мыжда тэнӧ, Ерусалим, а тэнсьыд ловйӧн кольӧмаястӧ тӧвйыв разӧда.

Еремей 52:8

Но калдеяса тышкайӧз вӧтчисны Седекей ӧксы бӧрся да суӧдісны сійӧс Ерикон кардорса ковтысын. Ӧксылӧн тышкайӧзыс эновтісны сійӧс да пышйисны-разалісны.

Еремей 48:44

Коді пышъяс повзьӧдлӧмысь, сійӧ гуӧ усяс, коді петас гусьыс, сійӧ налькйӧ веськалас. Ме мӧдӧда Моавлы сійӧс мыждан во, – висьталӧ Господь.

Исай 26:11

Господьӧй, Ассьыд китӧ Тэ лэптӧмыд вылӧ, но лёк вӧчысьяс оз аддзыны сійӧс. А кор аддзасны, лоӧ юръяндзим налы, кодъяс мустӧмтӧны Тэнсьыд войтыртӧ. Тэныд паныд сувтысьясӧс сотас би.

Езекиль 5:2

куим пельӧ. Кор помасясны Ерусалим карӧс кытшалан лунъясыд, ӧти пайсӧ биын сот кирпич вылӧ серпасалӧм кар шӧрас. Мӧд пайсӧ керав шыпуртӧн кар саяс, а коймӧд пайсӧ шыбит, мед тӧлыс разӧдас. Ме перъя шыпуртӧс да вӧтӧда коймӧд пайсӧ.

Езекиль 5:13

Ме кисьта Ерусалимын олысьяс вылӧ Ассьым скӧрлунӧс, койышта на вылӧ Ассьым ярлунӧс, и сӧмын та бӧрын бурмас Менам сьӧлӧмӧй. Кор Менам скӧрлунӧй мунас на вывті, найӧ тӧдмаласны, мый вежӧгтӧмпырысь Ме, Господь, мыжді найӧс.