Езекиль 17:12 - Коми Библия 2023

¹² «Тайӧ асныра войтырыс оз ӧмӧй гӧгӧрво, мый йылысь тайӧ нӧдкывйыс? Висьтав налы: вавилонса ӧксы локтіс Ерусалимӧ, босьтіс пленӧ ӧксыӧс да юралысьяссӧ и нуӧдіс найӧс Вавилонӧ.

Езекиль 17:12 Referans Kwoze

Езекиль 24:19

Войтырыс юасис: «Висьтав миянлы, мыйла тэ тадзи вӧчан?»

Езекиль 17:3

Шу налы: – Господь Ыджыдыс тадзи висьталӧ: Ливан керӧс вылӧ ыджыд кутш пуксис, сійӧ вӧлі ыджыд бордъяса, уна рӧма гӧныс вӧлі пашкыр да кузь. Сійӧ чегис сус пулысь йывсӧ,

Езекиль 1:2

Тайӧ вӧлі Еконей ӧксыӧс пленӧ босьтӧмсянь витӧд воӧ.

Ап. уджъяс 8:30

Филип котӧрӧн матыстчис да кыліс, кыдзи тарантасын пукалысь лыддис Исай пророклысь гижӧд. Филип юаліс: «Гӧгӧрвоан-ӧ, мый лыддян?»

Лука 9:45

Велӧдчысьяс эз тӧдны, мый йылысь Исус висьталӧ, Сылӧн кывъясыс вӧліны налы пӧдсаӧсь. Найӧ эз гӧгӧрвоны Сійӧс, а юавнысӧ полісны.

Марк 4:13

Исус шуис налы: «Энӧ ӧмӧй гӧгӧрвоӧй тайӧ велӧданвисьтсӧ? Кыдзи нӧ мукӧд велӧданвисьтсӧ гӧгӧрвоанныд?

Матвей 16:11

Кыдзи ті онӧ гӧгӧрвоӧй, эг ӧд нянь йылысь Ме тіянлы висьтав, мися, видзчысьӧй фарисей да саддукей няньшомысь!»

Матвей 13:51

Исус юаліс: «Ставсӧ-ӧ гӧгӧрвоинныд?» Велӧдчысьяс вочавидзисны: «Гӧгӧрвоим, Господьӧй».

Езекиль 3:9

Вӧча тэнӧ алмаз кодьӧн, изйысь на чорыдӧн. Эн шӧйӧвош, эн пов наысь, тайӧ асныра войтырсьыс».

Езекиль 2:8

Морт пиӧй, кывзы, мый Ме висьтала тэныд. Эн ло тайӧ войтырыс кодь асныра. Восьт вомтӧ да сёй, мый Ме сета тэныд».

Исай 39:7

Тэсянь чужысьясӧс нуӧдасны вавилонса ӧксы керкаӧ, и налы ковмас кесъявны сэні евнукъясӧн».

Исай 1:2

Кывзы, енэжыс, кывзы, муыс! Господь тадзи висьталӧ: – Ме быдті челядьӧс, но найӧ кыпӧдчисны Меным паныд.

Нав Исус 4:21

Израиль войтырлы сійӧ шуис: «Воас кад, кор тіян пиянныд юаласны: ”Мыйла тайӧ изъясыс?”

Нав Исус 4:6

Тайӧ изъясыс мед [пыр] лоӧны тіянлы казьтыланпасӧн. Воас кад, кор тіян пиянныд юаласны: ”Мыйла тайӧ изъясыс?”

Индӧд 6:20

Локтана кадӧ пиыд юалас тэнсьыд: ”Мыйла Господь, миян Енным, сетіс тайӧ индӧд-тшӧктӧмъяссӧ?”

Петӧм 12:26

И кор тіян челядьныд юаласны, мыйла ті тадзи вӧчанныд,

Исай 3:2

тышкайӧзсӧ да налысь вына веськӧдлысьяссӧ, ёрдысьяссӧ да пророкъяссӧ, тунасьысьяссӧ да юрнуӧдысьяссӧ,

Еремей 37:1

Ехоякимлӧн Еконей пи пыдди вавилонса Навукодоносор ӧксы пуктіс Иуда муын ӧксыӧ Иосейлысь Седекей писӧ.

Еремей 52:3

Иуда муын да Ерусалим карын олысьяс вылӧ Господьлӧн скӧрлуныс вӧлі сэтшӧм ыджыд, мый вӧтліс найӧс Аслас чужӧмбан водзысь. Седекей кыпӧдчис вавилонса ӧксылы паныд.

Езекиль 17:11

Меным вӧлі Господьсянь кыв:

Езекиль 37:18

Кор тэнад войтырыд юалас, мый тайӧ,

Ӧксыяслӧн 4 небӧг 24:20

Иуда муын да Ерусалим карын олысьяс вылӧ Господьлӧн скӧрлуныс вӧлі сэтшӧм ыджыд, мый вӧтліс найӧс Аслас чужӧмбан водзысь. Седекей кыпӧдчис вавилонса ӧксылы паныд.

Еремей 34:21

Иудаса Седекей ӧксыӧс да юралысьясӧс Ме сета вӧрӧг киӧ, сійӧ йӧзыслы, кодъяс корсьӧны босьтны налысь олӧмсӧ, да вавилонса ӧксылӧн тышкайӧзлы, кодъяс ӧні вешйисны тіян дінысь.