Езекиль 16:63 - Коми Библия 2023

⁶³ Тэ уськӧдан тӧд вылад уджъястӧ, и тэныд лоӧ яндзим. Тэ весиг вомтӧ он восьт, кор Ме вешта став мыжтӧ, мый тэ вӧчин, – висьталӧ Господь Ыджыдыс».

Езекиль 16:63 Referans Kwoze

Римӧ 3:19

Ми тӧдам, мый Индӧдыс висьталӧ Индӧд улын олысьяслы. Та вӧсна некод оз вермы мыйкӧ паныд шуны, ӧд став муюгыдыс Ен мыждӧм улын.

Псалтыр 39:9

Енмӧй, ме кӧсъя збыльмӧдны Тэнсьыд кӧсйӧмтӧ, Тэнад Индӧдыд олӧ менам сьӧлӧмын».

Римӧ 3:27

Сюрас-ӧ миян ошйысянторйыс? Оз. Сійӧс бырӧдӧма. Мыйӧн? Индӧд серти уджъясӧн? Абу. Эскӧмӧн.

Римӧ 2:1

Мортӧй, тӧд, мый мӧдӧс мыждігӧн тэ он вермы дорйысьны. Мӧдӧс мыждӧмнад тэ асьтӧ мыждан, ӧд ачыд тшӧтш сы моз олан.

Езекиль 16:61

Кор Самария да Содом, ыджыд да ичӧт чойясыд, локтасны тэ дінӧ, тэныд тӧд вылад усяс аслад олан туйыд, и тэныд лоӧ юръяндзим. Ме сета чойястӧ тэныд нывъяс пыдди сы вылӧ видзӧдтӧг, мый тайӧ эз пыр Менам тэкӧд кӧрталӧм йитӧдӧ.

Ездра 9:6

Ме шуи: «Енмӧй, меным сэтшӧм яндзим, весиг пола лэптыны синмӧс Тэлань, ӧд лёк вӧчӧмным содӧма-быдмӧма юрысь вылӧджык на, ыджыд мыжным кыптӧма енэжӧдзыс.

1 Коринфӧ 4:7

Тэ ӧмӧй бурджык мукӧдсьыс? Енлӧн сетӧмыс кындзи тэнад ӧмӧй эм мыйкӧ аслад? Абу кӧ, сідзкӧ, мыйла ошйысян, мый ставыс тэнад.

Бӧрданкыв 3:39

Мыйла нӧ, сідзкӧ, элясьӧ ловъя мортыс? Сійӧ ӧд сьӧкыдалӧ аслас мыж вӧсна.

Псалтыр 79:9

Египетысь Тэ вайин виноград вожтӧ, вӧтлін войтыръясӧс, а вожтӧ вужйӧдін.

Псалтыр 65:3

Шуӧй Енмыслы: «Тэнад уджъясыд повзьӧдланаӧсь! Тэнад кипод улӧ сетчасны Тэныд паныд сувтысьяс, ӧд Тэнад выныд вывті ыджыд.

Римӧ 6:21

Кутшӧм вотӧс ті сэки чукӧртінныд? Ӧні сыысь весиг аслыныд яндзим, ӧд сійӧ вайӧ кулӧм.

Езекиль 17:1

Меным вӧлі Господьсянь кыв:

Езекиль 20:43

Сэні тіянлы тӧд выланыд усьӧ лёк оласногныд да уджъясныд, мыйӧн пежалінныд асьнытӧ. Сэки лёк вӧчӧм вӧснаныд ті зывӧктанныд асьнытӧ.

Езекиль 39:26

Израиль войтырлы яндзим лоӧ Менӧ эновтӧмысь, кор асланыс муын найӧ кутасны повтӧг овны, и некод оз нин кут повзьӧдлыны найӧс.

Езекиль 43:10

А тэ, морт пиӧй, юӧрт Израиль войтырлы тайӧ крам йывсьыс. Кор найӧ тӧдмаласны, кутшӧм ыджыд да тыр-бур тайӧ крамыс, налы яндзим лоӧ асланыс мыжъясысь.

Езекиль 44:13

Ме дінӧ налы оз позь матыстчыны, медым попъясӧн кесъявны Меным. Налы оз позь матыстчыны Меным сиӧм вежаторъяс да вежасьыс-вежаторъяс дінӧ. Найӧ мед яналасны да нуасны мыждӧмсӧ став пеж уджсьыныс.

Индӧд 32:43

[Нимкодясьӧй, енэжъяс, Господькӧд ӧтвылысь, Енлӧн став анделыс, копыртчылӧй Сылы!] Нимкодясьӧй, войтыръяс, Сылӧн войтыркӧд [ёнмӧдчӧй, Енлӧн пиян]! Сійӧ водзӧс перъяс Сылы паныд сувтысьяслысь, мынтысяс налы Аслас кесъялысьяслысь вирсӧ кисьтӧмысь [мынтысяс Сійӧс мустӧмтысьяслы]. Господь сӧстӧммӧдас Ассьыс мусӧ, вештас войтырыслысь мыжсӧ.

Псалтыр 85:3

Господьӧй, ло бур сьӧлӧма ме дінӧ, быд лун ме шыася Тэ дінӧ.

Исай 33:24

Сионын олысьяс пӧвстысь некод оз шу, ме пӧ вися, сэні олысь войтырлысь мыжъяссӧ лоӧ прӧститӧма.

Исай 44:22

Руӧс моз Ме разӧда тэнсьыд лёк вӧчӧмъястӧ, кымӧрӧс моз вешта тэнсьыд мыжъястӧ. Бергӧдчы Ме дінӧ, Ме мезда тэнӧ!