Езекиль 16:6 - Коми Библия 2023

⁶ Ме муні тэ бокті да аддзи, кыдзи тэ куйлан вирӧсь да чужъясян. Кор тэ куйлін вирӧсь, Ме шуи тэныд: ”Тэ кутан овны!”

Езекиль 16:6 Referans Kwoze

Иоан 5:25

Веськыда, веськыда висьтала тіянлы: воас кад да воис нин, кор кулӧмаяс кыласны Ен Пилысь гӧлӧс шысӧ. Сэки Сійӧс кылысьяс ловзясны.

Ап. уджъяс 7:34

Ме аддза Аслам войтырлысь Египетын сьӧкыдалӧмсӧ да кыла налысь ойзӧмсӧ. Ме лэччи мездыны найӧс. Ӧні мун, Ме мӧдӧда тэнӧ Египетӧ”.

Матвей 5:13

«Ті – муюгыдыслы солыс. Но воштас кӧ солыс ассьыс вынсӧ, кыдзи сійӧс бӧр соланас вӧчан? Сэки сійӧ нинӧм вылӧ оз шогмы, сійӧс сӧмын койыштӧны ветлысьяс кок улӧ.

Микей 7:10

Тайӧс аддзас менӧ мустӧмтысь, коді шуавліс меным, кӧні пӧ Господь, тэнад Енмыд. Сійӧ яналас, а ме аддза, кыдзи туйвыв няйтӧс моз сійӧс таляласны.

Исай 51:23

Ме сета сійӧс нартитысьяслы, кодъяс тшӧктісны тэныд нюжӧдчыны му вылас, медым мунны тэ вывті, кодъяс вӧчисны тэнсьыд мышкутӧ кокув муӧн, ветлысь-мунысьяслы туйӧн.

Индӧд 9:4

Кор Господь, тіян Енныд, вӧтлас найӧс тіян водзысь, энӧ мӧвпалӧй, мый тіян веськыдлунныд вӧсна Господь вайӧдіс тіянӧс татчӧ, медым ті босьтінныд тайӧ [бур] мусӧ. Ӧд тайӧ войтыръяслӧн пеж олӧм вӧсна Господь вӧтлӧ найӧс тіян водзысь.

Римӧ 9:15

Мӧисейлы Енмыс шуис: «Код дінӧ кӧсъя бурсьӧлӧмтчыны, бурсьӧлӧмтча. Код дінӧ кӧсъя буравны, бурала».

Восьтӧм 14:20

Кор виноград вотӧссӧ вӧлі талялӧма кар ортсыса пычкан гуын, сэтысь вирыс петіс ортсӧ да визувтіс сюрс квайтсё стадий ылнаӧдз. Вирыслӧн джудждаыс вӧлі вӧв домӧдз.

Еврейяслы 10:29

сідзкӧ, кымын пӧв чорыдджыка лоӧ мыждӧма сійӧс, коді талялӧ Енлысь Писӧ, оз лыддьы вежаӧн Енкӧд йитысь да эскысьӧс вежӧдысь вирсӧ, да нӧшта лёкӧдӧ Ловсӧ, коді восьтӧ Енлысь буралӧмсӧ.

Исай 14:19

Сӧмын тэ колин гуавтӧг, тэнӧ шыбитісны ковтӧм увйӧс моз. Тэ куйлан виӧмаяс пӧвстын, шыпуртӧн бытшкӧмаяс пӧвстын, тэнӧ шыбитӧма косьмӧм вайӧртӧдӧ, тэнсьыд шойтӧ талялӧны.

Езекиль 16:5

Мый колӧ вӧлі вӧчны, эз вӧчны тэныд. Некод эз жалит тэнӧ, эз бурсьӧлӧмтчы тэ дінӧ. Кор тэ чужин, тэнӧ шыбитісны эрд вылӧ, тадзи увтыртісны тэнӧ.

Езекиль 16:7

Ме быдті тэнӧ видзвыв турунӧс моз. Тэ быдмин, верстяммин да лоин мичасьыс-мича. Тэнад гӧрддзассис морӧсыд, быдмис юрсиыд, но тэ вӧлін пасьтӧм.

Езекиль 16:22

Зывӧк уджъяс вӧчигад да кырсалігад тэныд юрад эз волы сійӧ кадыс, кор тэ вӧлін пасьтӧм, куйлін вирӧсь да чужъясин.