Езекиль 16:57 - Коми Библия 2023

⁵⁷ ӧд сэки тэнад лёклуныд эз на воссьы. А ӧні тэнӧ асьтӧ лёкӧдӧны арамса нывъяс да накӧд орччӧн олысьяс. Филистимса нывъяс быд боксянь зывӧктӧмӧн видзӧдӧны тэ вылӧ.

Езекиль 16:57 Referans Kwoze

Исай 7:1

Ахаз, иудаса ӧксы, вӧлі Озей Иотамлӧн пи. Сылӧн веськӧдлан кадӧ арамейяслӧн Рецин ӧксы да израильса Пеках ӧксы, Ремальлӧн пиыс, петісны тышӧ Ерусалимлы паныд, но эз вермыны сійӧс.

1 Коринфӧ 4:5

Та вӧсна Господь локтӧдз, кадысь водз, некодӧс энӧ мыждӧй. Сійӧ югдӧдас пемыдас дзебӧмасӧ да восьтас мортлысь мӧвпъяссӧ. Сэки быдӧнлы вичмас Енсянь ошкӧмыс.

Осий 7:1

Кор Ме бурдӧда Израильӧс, тыдовтчас Ефремлӧн мыжыс, мыччысясны Самариялӧн лёк уджъясыс, ӧд йӧзыс пӧръясьӧны, гусясьысьяс керкаяс куштӧны, туйяс вылын мырддялӧны.

Осий 2:10

Ме пӧрччӧда сійӧс да янӧда мусукъясыс водзын, и некод оз вермы мездыны сійӧс Менам киысь.

Езекиль 21:24

Господь Ыджыдыс тадзи висьталӧ: ті асьныд Меным тӧд вылӧ уськӧданныд мыжнытӧ да лёк вӧчӧмнытӧ, петкӧдланныд тайӧс уджъяснаныд. Та вӧсна тіянӧс лоӧ пленӧ босьтӧма.

Бӧрданкыв 4:22

Сион нылӧй, тэнӧ мыждӧмлы воис пом, Господь оз нин вӧтлы тэнӧ аслад муысь. А тэнӧ, эдом войтыр, Сійӧ мыждас, став тэнсьыд мыжъястӧ эрдӧдас.

Еремей 33:24

«Тэ ӧмӧй он аддзы, мый тайӧ йӧзыс шуалӧны, Господь пӧ ӧтдортіс сійӧ кык чужанкотырсӧ, кодӧс водзынджык бӧрйис. Тадзи найӧ увтыртӧны Менсьым войтырӧс, весиг войтырӧн оз лыддьыны.

Исай 14:28

Ахаз ӧксылӧн кулан воӧ вӧлі водзвыв висьталӧм:

Псалтыр 50:21

Сэки Тэ сибӧдан сотан да мукӧд висьяс, мый колӧ вайны веськыдлун серти. Тэнад висьпуктанін вылын ваясны вись пыдди ӧшъясӧс. Ошкӧм.

Лыд 23:7

Валаам шуис татшӧм кывъяс: – Арамысь, асыввывса керӧсъясысь, менӧ вайӧдіс Валак, моавса ӧксы. Шуис, лок пӧ да ёр Яковӧс, лёкӧд Израиль войтырӧс.

Езекиль 5:14

Ерусалим, Ме вӧча тэнӧ из чукӧрӧн, тэ гӧгӧр олысь войтыръяслы да тэ дінті ветлысь-мунысьяслы сета тэнӧ лёкӧдны.

Езекиль 5:15

Тэ гӧгӧр олысь войтыръяс кутасны лёкӧдны-омӧльтны тэнӧ. Найӧс полӧм босьтас, кор аддзасны, мый Ме мыжді тэнӧ да кисьті тэ вылӧ Ассьым скӧрлунӧс да ярлунӧс. Тайӧс висьтала Ме, Господь.

Езекиль 16:27

Ме лэпті тэ вылӧ Ассьым киӧс, чинті тэнсьыд мутӧ. Ме сеті тэнӧ филистимса нывъяслӧн киӧ. Найӧ мустӧмтісны тэнӧ, и весиг налы яндзим вӧлі тэнад лэдзчысьӧм оласногысь.

Езекиль 16:56

Ыкшаасигад тэ Содом йылысь увтыртӧмӧн сёрнитін,

Езекиль 22:4

Тэ мыжа сыысь, мый вир кисьтін. Тэ пежалін асьтӧ бӧлбанъясӧс вӧчӧмнад. Тадзи матыстін мыждан лунтӧ, тэнад олан воясыдлы воис пом. Ме сета мукӧд войтыръяслы лёкӧдны тэнӧ, мукӧд муясын олысьяслы сета янӧдны тэнӧ.

Езекиль 23:32

Господь Ыджыдыс тадзи висьталӧ: тэ кутан юны чойыдлӧн чашаысь, джуджыд да паськыд дозйысь. Чашаыс тырӧма сералӧмӧн да лёкӧдӧмӧн.

Езекиль 27:16

Арамейяс ньӧбасьлісны тэнсьыд, ӧд тэнад вӧлі уна вузӧс. Найӧ мынтысьлісны карбункулӧн, пемыдгӧрд да серлӧдлӧм дӧраясӧн, вӧсни шабді дӧраӧн, кораллӧн да рубинӧн.

Софоний 3:19

Сійӧ кадас Ме мыжда ставнысӧ, кодъяс дзескӧдісны тэнӧ, Сион. Ме мезда чотысьясӧс, чукӧрта вӧтлӧмаясӧс. Быд муын, кӧні вӧлі найӧс янӧдӧма, Ме нимӧда найӧс, быдлаын найӧс кутасны ошкыны.