Езекиль 14:19 - Коми Библия 2023

¹⁹ Ме кӧ мӧдӧді сійӧ му вылас пӧрӧс висьӧм да кисьті Ассьым скӧрлунӧс, медым виавны-бырӧдны сэтысь йӧзӧс да ыж-мӧскӧс,

Езекиль 14:19 Referans Kwoze

Езекиль 38:22

Ме мыжда Гогӧс да сылысь тышкайӧзсӧ. Мӧдӧда на вылӧ пӧрӧс висьӧм да кисьта налысь вирсӧ. Гог вылӧ, сылӧн тышкайӧз вылӧ да сыкӧд локтӧм войтыръяс вылӧ Ме кисьта сувтса зэр, йиа шер, би да тэг.

Езекиль 7:8

Регыд Ме кисьта тіян вылӧ Ассьым скӧрлунӧс, Ассьым ярлунӧс петкӧдла тіянлы. Ме мыжда тіянӧс олан туйныд серти, мынтыся зывӧк вӧчӧмсьыныд.

Езекиль 5:12

Тэнад олысьяс пӧвстысь ӧти пайыс кулас пӧрӧс висьӧмысь да тшыгъялӧмысь. Мӧд пайыс шыпурт помысь кулас тэнад стен сайын. А коймӧд пайсӧ Ме тӧвйыв разӧда. Ме перъя шыпуртӧс да вӧтӧда найӧс.

Еремей 14:12

Весиг кӧ найӧ кутасны видзавны, Ме ог кыв налысь кевмӧмсӧ. Весиг кӧ найӧ ваясны сотан вись да нянь вись, Ме ог сибӧд найӧс. Ме бырӧда найӧс шыпуртӧн, тшыгъялӧмӧн да пӧрӧс висьӧмӧн».

Ӧксыяслӧн 2 небӧг 24:15

Асывнас Господь ыстіс Израиль войтырлы пӧрӧс висьӧм. Висьӧмыс ыджыдаліс Енлӧн индӧм кадӧдз. Войвыв Дансянь лунвыв Бер-Шеваӧдз куліс сизимдас сюрс морт.

Матвей 24:7

Войтыр войтырлы паныд сувтас, муяс ӧта-мӧдныслы паныд кыпӧдчасны. Уналаын лоас му вӧрӧм да тшыгъялӧм, йӧзсӧ суас кулана висьӧм.

Амос 4:10

Ме ысті тіян вылӧ пӧрӧс висьӧм, кыдзи коркӧ ысті Египет вылӧ. Ме виалі шыпуртӧн зонъяснытӧ, вӧрӧгныдлы сеті вӧвъяснытӧ. Тышкайӧзныдлӧн чукӧртчанінын шойяссянь дукыс пуркйис тіян ныр-вомӧдз. Но ті энӧ бергӧдчӧй Ме дінӧ, – висьталӧ Господь. –

Езекиль 36:18

Ме кисьті на вылӧ скӧрлунӧс сыысь, мый найӧ кисьтісны вир тайӧ му вылас да пежалісны сійӧс асланыс идолъясӧн.

Еремей 24:10

Ме мӧдӧда на вылӧ шыпурт, тшыглун да пӧрӧс висьӧм, кытчӧдз найӧ оз бырны тайӧ му вывсьыс, кодӧс сеті налы да налӧн батьяслы».

Еремей 21:9

Коді кольччас тайӧ карас, сійӧ кулас шыпуртысь, тшыгъялӧмысь да пӧрӧс висьӧмысь. Коді петас карсьыс да сетчас калдеяса тышкайӧзлӧн киӧ, кодъяс кытшалӧмаӧсь тіянӧс, сійӧ ловйӧн коляс да видзас ассьыс олӧмсӧ.

Еремей 21:6

Ме бырӧда тайӧ карас став олысьсӧ, йӧзӧс и ыж-мӧскӧс, найӧ куласны пӧрӧс висьӧмысь.

Исай 37:36

Локтіс Господьлӧн анделыс да ассурса тышкайӧзлӧн чукӧртчанінын виис сё кӧкъямысдас вит сюрс мортӧс. Асывнас ловйӧн кольӧм ассурсаяс садьмисны да аддзисны, мый гӧгӧр туплясьӧны шойяс.

Псалтыр 91:6

Господьӧй, кутшӧм ыджыдӧсь Тэнад уджъясыд, кутшӧм мывкыдаӧсь Тэнад мӧвпъясыд!

Псалтыр 91:3

Кутшӧм бур асывнас юӧртны Тэнсьыд буралӧмтӧ, рытнас – Тэнсьыд збыльтӧ,

2 Каднебӧг 20:9

”Миянӧс кӧ суас сьӧкыдлун, тыш, пӧрӧс висьӧм либӧ тшыглун, сэки ми сувтам Тэ водзӧ да тайӧ крамыс водзӧ, кӧні Тэнад нимыд. Сьӧкыдаліганым ми шыасям Тэ дінӧ, и Тэ кылан да мездан миянӧс”.

2 Каднебӧг 7:13

Ме кӧ тупка енэжсӧ, и зэрыс оз ло, Ме кӧ тшӧкта саранчалы сёйны мувывса быдтассӧ, Ме кӧ мӧдӧда Аслам войтыр вылӧ пӧрӧс висьӧм,

2 Каднебӧг 6:28

Налӧн му вылӧ кӧ пуксяс тшыг кад либӧ паськалас пӧрӧс висьӧм, налысь няньсӧ кӧ бырӧдас сотысь тӧвру, кутшӧмкӧ висьӧм, саранча либӧ лёльӧ, налӧн му вылӧ кӧ уськӧдчас вӧрӧг, суас кӧ найӧс ускӧттьӧ либӧ висьӧм,

Ӧксыяслӧн 3 небӧг 8:37

Налӧн му вылӧ кӧ пуксяс тшыг кад либӧ паськалас пӧрӧс висьӧм, налысь няньсӧ кӧ бырӧдас сотысь тӧвру, кутшӧмкӧ висьӧм, саранча либӧ лёльӧ, налӧн му вылӧ кӧ уськӧдчас вӧрӧг, суас кӧ найӧс ускӧттьӧ либӧ висьӧм,

Ӧксыяслӧн 2 небӧг 24:13

Гад локтіс сы дінӧ да висьталіс ставсӧ. Шуис: «Бӧрйы. Лоас-ӧ сизим во чӧж тшыгъялӧм тэнад муын? Кутан-ӧ тэ куим тӧлысь чӧж пышъявны вӧрӧгъясысь, кодъяс пондасны вӧтлысьны тэ бӧрся? Либӧ кутас-ӧ куим лун чӧж тэнад муын ыджыдавны пӧрӧс висьӧм? Мӧвпышт да шу меным, мый висьтавны менӧ Мӧдӧдысьлы».

Лыд 14:12

Ме мӧдӧда на вылӧ пӧрӧс висьӧм да бырӧда найӧс, а тэсянь [да батьыд рӧдсянь] сета чужны ыджыдджык да вынаджык войтырлы».

Исай 34:3

Налысь виӧмаяссӧ колясны разі-пели куйлыны, налӧн шойясыс пондасны лёк дукӧн ӧвтны, налӧн вирысь ньӧдздасны керӧсъяс.

Езекиль 14:18

весиг сэки, – висьталӧ Господь Ыджыдыс, – тайӧ куим мортыс эськӧ эз вермыны мездыны ныв-пинысӧ, а мездмисны сӧмын асьныс. Тайӧс Ме Ачым кыв сетӧмӧн шуа.

Езекиль 14:20

и весиг кӧ сэні олісны Ной, Даниил да Иов, – висьталӧ Господь Ыджыдыс, – найӧ эськӧ эз вермыны мездыны ныв-пинысӧ, а асланыс веськыдлунӧн сӧмын асьнысӧ мездісны. Тайӧс Ме Ачым кыв сетӧмӧн шуа.

Езекиль 14:21

Господь Ыджыдыс тадзи висьталӧ: Ме ыста нёль чорыд мыждӧм Ерусалим вылӧ. Мӧдӧда сэтчӧ шыпурт, тшыгъялӧм, зверъясӧс да пӧрӧс висьӧм, медым бырӧдны йӧзӧс да ыж-мӧскӧс.

Езекиль 21:31

Ме кисьта тэ вылӧ Ассьым скӧрлунӧс, пӧльышта тэ вылӧ Ассьым ярлуна биӧс. Ме сета тэнӧ чорыд йӧзлы, скӧр виысьяслӧн киӧ.