12 Меным вӧлі Господьсянь кыв:
медым Израиль войтыр сэсся эз нин кеж Меысь да эз нин пежав асьсӧ лёк вӧчӧмнас, но вӧлі Менам войтырӧн, а Ме – сылӧн Енмӧн, – висьталӧ Господь Ыджыдыс».
«Морт пиӧй, кутшӧмкӧ муын олысьяс кӧ Меным паныд мыж вӧчасны да эновтасны Менӧ, сэки Ме на вылӧ киӧс лэпта. Ме мырддя налысь няньсӧ, мӧдӧда налы тшыгъялӧм, бырӧда сэтысь став йӧзсӧ да ыж-мӧссӧ.
Ме мӧдӧда на вылӧ шыпурт, тшыглун да пӧрӧс висьӧм, кытчӧдз найӧ оз бырны тайӧ му вывсьыс, кодӧс сеті налы да налӧн батьяслы».
