Езекиль 13:9 - Коми Библия 2023

⁹ Ме лэпта киӧс да мыжда пророкъясӧс, кодъяс абутӧмсӧ аддзӧны да ылӧгсӧ юӧртӧны. Менам войтырлӧн чукӧртчӧмын налы лоны оз позь, Израиль войтырлӧн небӧгӧ найӧс оз гижны, Израиль муӧ найӧ оз пырны. Сэки ті тӧдмаланныд, мый Ме – Господь Ыджыдыс.

Езекиль 13:9 Referans Kwoze

Езекиль 20:38

Тіян пӧвстысь торйӧда Меным паныд кыпӧдчысьясӧс да Менсьым кывзысьтӧмъясӧс. Ме петкӧда найӧс муысь, кӧні найӧ олӧны локтысьяс моз, но Израиль муӧ найӧ оз пырны. Сэки ті тӧдмаланныд, мый Ме – Господь.

Псалтыр 87:6

менӧ кольӧма кулӧмаяс пӧвстӧ, гуын куйлысь виӧмаяс дінӧ. Найӧс Тэ он нин казьтыв, Тэнад киыд найӧс оз нин видз.

Даниил 12:1

Сійӧ кадас локтас Микаил, ыджыд юралысь андел, тэнсьыд войтыртӧ дорйысь. Сэки пуксяс сьӧкыд кад, кутшӧм эз на вӧвлы войтыръяслӧн олан кадӧ. Но тэнад войтыр пӧвстысь мездмасны ставныс, кодъяслысь нимсӧ гижӧма Небӧгӧ.

Ездра 2:59

Тел-Мелахысь, Тел-Харшаысь, Керубысь, Адданысь да Иммерысь петысьяс эз вермыны висьтавны, кутшӧм чужанкотырысь найӧ, эз вермыны эскӧдны, мый налӧн рӧдыс петӧ Израиль войтырысь.

Восьтӧм 20:15

Быдӧнӧс, кодлысь нимсӧ эз вӧв гижӧма Олӧмыслӧн небӧгӧ, шыбитісны биа тыӧ.

Восьтӧм 20:12

Ме аддзи гырысь да ичӧт кулӧмаясӧс, найӧ сулалісны Ен водзын. Сэні вӧліны восьса небӧгъяс. Сэсся восьтісны нӧшта ӧти небӧг – Олӧмыслысь небӧг. Кулӧмаясӧс мыждісны налӧн уджъясныс серти, мый вӧлі гижӧма небӧгъясас.

Восьтӧм 19:20

Зверӧс да сы нимсянь шензьӧданаторъяс вӧчысь ылӧгпророкӧс вӧлі кутӧма. Шензьӧданаторъяснас ылӧгпророкыс ылӧдліс найӧс, кодъяс босьтісны зверлысь пассӧ да копрасисны сылӧн серпаслы. Зверӧс да ылӧгпророкӧс ловйӧн вӧлі шыбитӧма биӧн да тэгйӧн сотчысь тыӧ,

Восьтӧм 13:8

Сылы копыртчыласны мувывса став йӧзыс, кодъяслысь нимсӧ му пуксьӧмсяньыс абу гижӧма начкӧм Балялӧн небӧгӧ – Олӧмыслӧн небӧгӧ.

Еврейяслы 12:23

да гажӧдчысь йӧз чукӧр дінӧ. Найӧ – Енлӧн медводдза чужысьяс, налысь нимъяссӧ гижӧма енэжас. Ті матыстчинныд став йӧзсӧ мыждысь Ен дінӧ да тыр-бурас воӧм веськыда олысьяслӧн ловъяс дінӧ.

Филипӧ 4:3

Кора тэнӧ, эскана уджъёртӧй, отсав тайӧ аньясыслы. Кор ме висьтавлі Бур Юӧрсӧ, найӧ пыр вӧліны мекӧд, кыдзи и Климент да мукӧд уджалысьяс, кодъяслысь нимъяссӧ гижӧма Олӧмыслӧн небӧгӧ.

Лука 10:20

Энӧ нимкодясьӧй сыысь, мый пеж ловъяс кывзысьӧны тіянлысь, а нимкодясьӧй сыысь, мый тіянлысь нимъяснытӧ гижӧма енэжас».

Осий 9:3

Водзӧ тэ он понды овны Господьлӧн муын – Ефремлы бӧр ковмас мунны Египетӧ, Ассурын сійӧ пондас сёйны пеж сёян.

Езекиль 12:20

Олан каръясныс киссясны, муныс овтӧммас. Сэки ті тӧдмаланныд, мый Ме – Господь».

Езекиль 11:10

и ті куланныд шыпурт помысь. Ме мыжда тіянӧс Израиль керӧсъяс вылын, и ті тӧдмаланныд, мый Ме – Господь.

Еремей 23:20

Господьлӧн скӧрлуныс оз вешйы, кытчӧдз Сійӧ оз збыльмӧд Ассьыс шуӧмсӧ. Бӧръя лунъясӧ ті тырвыйӧ гӧгӧрвоанныд тайӧс.

Еремей 17:13

Господьӧй, Тэ – Израильлӧн лачаыс! Тэнӧ эновтысьяс ставныс яналасны, Тэысь кежысьяс бырасны бус вылӧ гижӧм нимъяс моз, ӧд найӧ эновтісны Господьӧс, ловъя ва петанінсӧ.

Исай 4:3

Сэки Сион-Ерусалимын ловйӧн кольӧмаясӧс кутасны шуны вежаясӧн. Тадзи шуасны Ерусалимын олысьясӧс, кодъясӧс гижӧма ловъяяслӧн небӧгӧ.

Псалтыр 101:7

Ме лои кушинын олысь пеликан кодь, эновтӧм карын пукалысь сюзь кодь.

Псалтыр 69:5

Господьӧй, Тэнӧ корсьысьяс мед долыда нимкодясясны, Тэсянь воӧм мездӧмсӧ радейтысьяс мед дугдывтӧг шуаласны: «Енмыс ыджыд!»

Неемий 7:64

Найӧ корсисны чужанвуж гижӧдъясысь нимъяснысӧ, но эз аддзыны. Та вӧсна найӧс эз пыртны попъяс лыдӧ.

Неемий 7:62

Тайӧ йӧзыс вӧліны Делайсянь, Товисянь да Некодайсянь чужысьяс – ставнас квайтсё нелямын кык морт,

Ӧксыяслӧн 3 небӧг 13:18

Пророк шуис: «Ме тэ кодь жӧ пророк. Меным андел вайис Господьсянь кыв. Тшӧктіс вайӧдны тэнӧ ме ордӧ, медым тэ сёйин-юин». Но тайӧ вӧлі пӧръялӧм.

Еремей 4:9

«Сійӧ лунӧ, – висьталӧ Господь, – ӧксылысь да юралысьяслысь сьӧлӧмсӧ топӧдас, попъясӧс полӧм босьтас, пророкъяс шӧйӧвошасны».

Езекиль 13:14

Ме жугӧда стенсӧ, налысь еджыдӧн мавтӧм стенсӧ пасьварта, кисьта сійӧс подулӧдзыс. И кор сійӧ жмуткысяс, сыкӧд тшӧтш ылӧг пророкъяс куласны. Сэки ті тӧдмаланныд, мый Ме – Господь.

Езекиль 13:23

Водзӧ ті онӧ нин кутӧй абутӧмсӧ аддзыны да ылӧгсӧ юӧртны. Ме мезда Ассьым войтырӧс тіян киысь, сэки ті тӧдмаланныд, мый Ме – Господь».

Псалтыр 95:11

Мед гажӧдчас енэжыс, мед нимкодясяс муыс, мед шызяс саридзыс да став сэні олысьыс,

Еремей 14:15

Та вӧсна тайӧ пророкъясыс йылысь Господь тадзи висьталӧ: найӧ пророкалӧны Менам нимсянь, но Ме эг мӧдӧдлы найӧс. Найӧ шуалӧны, мый тайӧ муас оз ло тыш ни тшыгъялӧм, но найӧ асьныс куласны шыпурт да тшыгъялӧм помысь.

Осий 4:5

тэ крукасян лунъюгыднас, войнас тэкӧд тшӧтш крукасяс пророк, тэнсьыд мамтӧ Ме бырӧда.

Микей 3:5

Господь тадзи висьталӧ пророкъяс йылысь, кодъяс кежӧдӧны Сылысь войтырсӧ туйсьыс: найӧ кӧсйысьӧны лӧньлун мортлы, коді налы сёян сетӧ, а коді вомас налы нинӧм оз пукты, сійӧс тышӧн повзьӧдлӧны.

Микей 3:6

Таысь найӧс виччысьӧ пемыд, кӧні абу Енсянь петкӧдчылӧмыс, виччысьӧ сап пемыд, кӧні абу водзвыв юӧртӧмыс. Татшӧм пророкъяслы шондіыс пуксяс, лунъюгыдыс лоӧ пемыд.