Езекиль 12:10 - Коми Библия 2023

¹⁰ Шу налы, мый Господь Ыджыдыс тадзи висьталӧ сы йылысь, мый виччысьӧ ерусалимса юралысьӧс да сэні олысь израильсаясӧс.

Езекиль 12:10 Referans Kwoze

Исай 13:1

Вавилон йылысь водзвыв висьталӧм. Енмыс петкӧдліс тайӧс Амослӧн Исай пилы.

Ӧксыяслӧн 4 небӧг 9:25

Еху шуис аслас Бидэкар отсасьысьлы: «Босьт Иорамлысь шойсӧ да шыбит изреельса Навотлӧн му вылӧ. Кор ми тэкӧд вӧлі мунам таті Иорамлӧн Ахав батьыс бӧрся, Господь висьталіс, мый лоас Ахавкӧд. Эн вунӧд, мый Сійӧ тадзи шуис:

Малакий 1:1

Водзвыв висьталӧм. Малакий пыр Израильлы вӧлі Господьсянь кыв.

Езекиль 7:27

Ӧксы пондас шогсьыны, юралысьяс повзясны, войтырыс весьӧпӧрас. Ме мынтыся налы олан туйныс серти, мыжда найӧс, кыдзи найӧ мукӧдӧс мыждісны. Сэки найӧ тӧдмаласны, мый Ме – Господь.

Еремей 38:18

А он кӧ сетчы вавилонса ӧксылӧн киподувса юралысьяслы, сэки тайӧ карсӧ лоӧ сетӧма калдеяса тышкайӧзлӧн киӧ. Найӧ сотасны тайӧ карсӧ биӧн, и тэ он мездмы налӧн киысь”».

Еремей 24:8

Господь тадзи висьталӧ: лёк инжир вотӧслы моз, мый оз позь сёйны, Ме вӧча иудаса Седекей ӧксылы, иудаса юралысьяслы да ерусалимса коляс йӧзлы, кодъяс колясны тайӧ муас либӧ овмӧдчасны Египет муӧ.

Еремей 21:7

Та бӧрти, – висьталӧ Господь, – иудаса Седекей ӧксыӧс, сылысь кесъялысьяссӧ да став войтырсӧ, кодъяс тайӧ карас оз кувны пӧрӧс висьӧмысь, шыпуртысь да тшыгъялӧмысь, Ме сета вавилонса Навукодоносор ӧксылӧн киӧ да вӧрӧглӧн киӧ, коді кӧсйӧ босьтны налысь олӧмсӧ. Вавилонса ӧксы виас найӧс шыпуртӧн, оз жалит найӧс, оз бурсьӧлӧмтчы на дінӧ».

Исай 14:28

Ахаз ӧксылӧн кулан воӧ вӧлі водзвыв висьталӧм:

Езекиль 12:3

Морт пиӧй, лӧсьӧд ноп да луннас налӧн син водзын пленӧ босьтӧм морт моз мӧдӧдчы мунны мӧдлаӧ. Гашкӧ, тайӧ войтырыс гӧгӧрвоас, мый найӧ асныраӧсь.

Езекиль 21:30

Бӧр сюй шыпурттӧ пуртӧсас! Ме кута мыждыны тэнӧ сэні, кӧні тэ чужин, кытысь тэ петін.